രാജ്യത്ത് ഭ്രൂണ ലിംഗ നിര്ണയം തടയുന്ന നിയമം കേന്ദ്രം റദ്ദാക്കി? പ്രചരിക്കുന്ന വാർത്തയ്ക്ക് പിന്നിൽ
ദില്ലി: ഭ്രൂണ ലിംഗ നിര്ണയം തടയുന്ന പിസി ആന്ഡ് പിഎന്ഡിടി നിയമം റദ്ദാക്കിയെന്ന് പ്രചാരണം. കേന്ദ്ര ആരോഗ്യ മന്ത്രാലയത്തിന്റെ പേരിലാണ് സോഷ്യല് മീഡിയയില് വാര്ത്ത പ്രചരിക്കുന്നത്. 1994ല് രാജ്യത്ത് നിലവില് വന്ന നിയമമാണ് പ്രീ കണ്സപ്ഷന് ആന്ഡ് പ്രീ നെയ്റ്റല് ഡയഗ്നോസ്റ്റിക് ആക്ട്. ശിശുവിന്റെ ലിംഗനിര്ണയം നടത്തി ഭ്രൂണഹത്യ നടത്തുന്നത് തടയുന്നതിന് വേണ്ടിയാണ് സര്ക്കാര് ഈ നിയമം കൊണ്ട് വന്നത്.
പെണ്ഭ്രൂണഹത്യ രാജ്യത്ത് വ്യാപകമാകുന്ന പശ്ചാത്തലത്തിലായിരുന്നു നിയമം. ഈ സുപ്രധാന നിയമം കേന്ദ്ര കുടുംബ-ആരോഗ്യ മന്ത്രാലയം റദ്ദാക്കി എന്നാണ് വ്യാജ പ്രചാരണം നടക്കുന്നത്. എന്നാല് ഈ പ്രചാരണം വാസ്തവ വിരുദ്ധമാണ് എന്നും തെറ്റിദ്ധാരണ പരത്താനുദ്ദേശിച്ച് കൊണ്ടുളളതാണെന്നും ആരോഗ്യമന്ത്രാലയം വ്യക്തമാക്കി. ഗര്ഭസ്ഥ ശിശുവിന്റെ ലിംഗ നിര്ണയം തടയുന്ന നിയമം സര്ക്കാര് റദ്ദാക്കിയിട്ടില്ലെന്നും ആരോഗ്യമന്ത്രാലയം വ്യക്തമാക്കി.
എന്നാല് കൊവിഡ് ലോക്ക് ഡൗണിന്റെ പശ്ചാത്തലത്തില് ഈ നിയവുമായി ബന്ധപ്പെട്ട് മറ്റൊരു ഉത്തരവ് സര്ക്കാര് പുറത്തിറക്കിയിട്ടുണ്ട്. ഏപ്രില് നാലിനാണ് ഈ നോട്ടിഫിക്കേഷന് ആരോഗ്യ മന്ത്രാലയം പുറത്തിറക്കിയിരിക്കുന്നത്. അതില് കൊവിഡിന്റെ പ്രത്യേക സാഹചര്യത്തില് പിസി ആന്ഡ് പിഎന്ഡിടി നിയമത്തില് ചില ഇളവുകള് അനുവദിച്ചിട്ടുണ്ട്.
ആള്ട്രാസൗണ്ട് ക്ലിനിക്കുകള്, ജെനിറ്റിക് കൗണ്സിലിംഗ് സെന്ററുകള്, ജെനിറ്റിക് ലബോറട്ടറികള്, ജെനിറ്റിക് ക്ലിനിക്കുകള് അടക്കമുളള സ്ഥാപനങ്ങള്ക്ക് രജിസ്ട്രേഷന് പുതുക്കുന്നതിനും റിപ്പോര്ട്ടുകള് ആരോഗ്യമന്ത്രാലയത്തിന് സമര്പ്പിക്കുന്നതിനും ഉളള തിയ്യതി നീട്ടിയാണ് ഉത്തരവ് ഇറക്കിയിരിക്കുന്നത്. സംസ്ഥാനങ്ങളും കേന്ദ്ര ഭരണ പ്രദേശങ്ങളും റിപ്പോര്ട്ട് സമര്പ്പിക്കുന്നതിനും തിയ്യതി നീട്ടിയിട്ടുണ്ട്. എന്നാല് നിയമപ്രകാരമുളള എല്ലാ വിവരങ്ങളും നിര്ബന്ധമായും ദിവസവും റെക്കോര്ഡ് ചെയ്തിരിക്കണം. ജൂണ് 20 വരെയാണ് റിപ്പോര്ട്ടുകള് സമര്പ്പിക്കാനടക്കമുളള കാലാവധി നീട്ടിയിരിക്കുന്നത്.
പ്രസവത്തിന് മുന്പ് ലിംഗ നിര്ണയം നടത്തി പെണ്കുഞ്ഞുങ്ങളെ നശിപ്പിക്കുന്നത് ഇന്നും വ്യാപകമായി നടക്കുന്നുണ്ട് എന്നാണ് റിപ്പോര്ട്ടുകള്. കുട്ടികളുടെ ലിംഗാനുപാതം വളരെ കുറഞ്ഞ രാജ്യത്തെ നൂറ് ജില്ലകളില് ദേശീയ റൂറല് ഹെല്ത്ത് മിഷന് പോലുളള പദ്ധതികള് സര്ക്കാര് നടപ്പിലാക്കി വരുന്നുണ്ട്.
-
'കറുപ്പിന്റെ ഭീകരത കണ്ടാൽ പെറ്റ തള്ള പോലും സഹിക്കില്ല'; ആ കളിയാക്കൽ..ആർഎൽവി രാമകൃഷ്ണൻ -
സ്വർണത്തിന് വീഴാനുള്ള പ്ലാനൊന്നും അല്ല..പവൻ വിലയിൽ 40,000ത്തിൻ്റെ വർധനവ് ഉണ്ടാകും..പ്രവചനം -
ദിലീപിനെ വിട്ടിറങ്ങിയത് പത്ത് പൈസയില്ലാതെ, ഇന്ന് മഞ്ജു ഒരു സിനിമയ്ക്ക് വാങ്ങുന്നത്! കയ്യിൽ വമ്പൻ ബ്രാൻഡുകളും -
‘നാല് മന്ത്രിമാർ തോൽക്കും’- 80 സീറ്റ് ഉറപ്പെന്ന് യുഡിഎഫ് ജില്ലാ കമ്മിറ്റികളുടെ റിപ്പോർട്ട് -
ഗജകേസരി യോഗം അക്ഷയ തൃതീയയിൽ; സ്വർണം വാങ്ങും, ഈ രാശിക്കാർക്ക് ബമ്പർ നേട്ടം, പണം ഒഴുകും! -
'മഞ്ചേശ്വരത്ത് ബിജെപി ജയിക്കാതിരിക്കാൻ നിലപാട് എടുത്തു, നേമത്ത് പിന്തുണ ശിവൻകുട്ടിക്ക്'; എസ്ഡിപിഐ -
വൈദ്യുതി ബില്ല് കണ്ട് ഷോക്കടിച്ചോ? സ്മാർട്ട് മീറ്ററിലെ ഈ രഹസ്യ വിദ്യയിലൂടെ ബില്ല് പകുതിയായി കുറയ്ക്കാം! -
തമിഴ്നാട്ടിൽ വിജയ്ക്കും ടിവികെയ്ക്കും ഒരു സ്വാധീനവുമില്ലെന്ന് ശരത് കുമാർ; 'പോരാട്ടം അവർ തമ്മിൽ' -
കുടുംബസ്വത്ത് അനുഭവയോഗത്തില് വരും, വസ്തു,വാഹനാദികള് സമ്പാദിക്കും, കച്ചവടക്കാര്ക്കു ലാഭം വര്ധിക്കും, നാൾഫലം -
ചരിത്രത്തിലാദ്യമായി ബീഹാറിന് ബിജെപി മുഖ്യമന്ത്രി, സാമ്രാട്ട് ചൗധരിയുടെ സത്യപ്രതിജ്ഞ ബുധനാഴ്ച -
ഏഴ് വർഷത്തിന് ശേഷം ഇറാനിൽ നിന്ന് ഇന്ത്യയിലേക്ക് എണ്ണയെത്തി; 15 കപ്പലുകൾ ഹോർമുസിൽ കുടുങ്ങി കിടക്കുന്നു -
പ്രായം തോൽക്കും, നിങ്ങൾ തിളങ്ങും; യുവത്വം തിരിച്ചുകിട്ടാൻ ഇതാ 5 വഴികൾ!
Click it and Unblock the Notifications
Sign in with Google