Click it and Unblock the Notifications
Just In
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്‍! വസ്തുത ഇതാണ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന്‍ ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മാഗി നൂഡില്‍സ് തിരിച്ചുവരവിന് ഒരുങ്ങുന്നു, ദാ ഇങ്ങനെ!
ലണ്ടന്‍: ആരോഗ്യത്തിന് ഹാനികരമാണെന്ന് കണ്ടെത്തിയതിനെ തുടര്‍ന്ന് ഇന്ത്യയില്‍ നിരോധിച്ച നെസ്ലെ മാഗി നൂഡില്‍സിന് ലണ്ടനില്‍ ക്ലീന്‍ചിറ്റ്. ഇന്ത്യയില്‍ നിര്‍മിക്കുന്ന മാഗി സുരക്ഷിതമാണ് എന്ന് ബ്രിട്ടനാണ് പറഞ്ഞിരിക്കുന്നത്. ബ്രിട്ടീഷ് ഫുഡ് സ്റ്റാന്‍ഡേര്‍ഡ്‌സ് ഏജന്‍സി നടത്തിയ പരിശോധനയിലാണ് മാഗിക്ക് ബ്രിട്ടന്‍ ക്ലീന്‍ ചിറ്റ് നല്‍കിയിരിക്കുന്നത്.
ഇന്ത്യ അടക്കമുള്ള രാജ്യങ്ങളില്‍ നിന്നായി മാഗി നൂഡില്‍സിന്റെ 900ത്തോളം പാക്കറ്റുകളാണ് പരിശോധനക്കായി എടുത്തത്. മാഗിയിലെ ലെഡിന്റെ അളവ് യൂറോപ്യന്‍ യൂണിയന്‍ അനുവദിക്കുന്ന പരിധിയില്‍ കുറവാണ് എന്ന് ബ്രിട്ടീഷ് ഫുഡ് സ്റ്റാന്‍ഡേര്‍ഡ്‌സ് ഏജന്‍സി വ്യക്തമാക്കി. നേരത്തെ വിയറ്റ്‌നാം, ഓസ്‌ട്രേലിയ, സിംഗപ്പൂര്‍ എന്നിവിടങ്ങളിലുള്ള ഏജന്‍സികളും സമാനമായ കണ്ടെത്തല്‍ നടത്തിയിരുന്നു.
ബ്രിട്ടീഷ് ഫുഡ് സ്റ്റാന്‍ഡേര്‍ഡ്‌സ് ഏജന്‍സി ക്ലീന്‍ ചിറ്റ് നല്‍കിയതോടെ മാഗി ഇന്ത്യന്‍ മാര്‍ക്കറ്റുകളില്‍ തിരിച്ചെത്തുമെന്ന അഭ്യൂഹങ്ങളും ശക്തമായി. ഏതാനും ദിവസങ്ങള്ക്ക് മുമ്പ് മാഗി നൂഡില്‍സ് കയറ്റുമതി ചെയ്യാന്‍ നെസ്ലെ കമ്പനിക്ക് ബോംബെ ഹൈക്കോടതി അനുമതി നല്‍കിയിരുന്നു. ഇന്ത്യയില്‍ നിരോധിക്കപ്പെട്ട മാഗി വിദേശങ്ങളിലേക്ക് കയറ്റി അയക്കാനുള്ള അനുമതിയാണ് മാഗിക്ക് കിട്ടിയിരിക്കുന്നത്.
ലെഡ്, മോണാസോഡിയം ഗ്ലൂട്ടാമേറ്റ് എന്നവ അനുവദനീയമായതിലും കൂടുതല്‍ അടങ്ങിയിട്ടുണ്ടെന്ന കണ്ടെത്തലിനെ തുടര്‍ന്നാണ് മാഗി നിരോധിച്ചത്. ജൂണ്‍ അഞ്ച് മുതലാണ് ഇന്ത്യയില്‍ മാഗി നിരോധിച്ചത്. 320 കോടി രൂപ വിലവരുന്ന 17,000 കോടി മാഗി പാക്കറ്റുകള്‍ നെസ്ലെ ഇന്ത്യയിലെ കടകകളില്‍ നിന്നും പിന്‍വലിച്ചിരുന്നു. ഇന്ത്യന്‍ ഫുഡ് സേഫ്റ്റി അനുശാസിക്കുന്ന ഗുണനിലവാരവുമായി മാഗി വീണ്ടും ഇറക്കാനാണത്രെ നെസ്ലെയുടെ തീരുമാനം.
