Click it and Unblock the Notifications
Just In
Don't Miss
-
ഭാവിയിൽ പണം വാരാം, ഈ ഓഹരികളിൽ നിക്ഷേപിക്കു, ഉറപ്പിന് പിന്നിലെ കാരണം ഇതാണ് -
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
'ആരെയെങ്കിലും വേദനിപ്പിച്ചെങ്കിൽ മാപ്പ്', സുപ്രീം കോടതിയുടെ പടിയിറങ്ങി ജസ്റ്റിസ് അരുണ്‍ മിശ്ര
ദില്ലി: സുപ്രീം കോടതിയില്‍ നിന്ന് ജസ്റ്റിസ് അരുണ്‍ മിശ്ര വിരമിച്ചു. 2014 ജൂലൈയില്‍ സുപ്രീം കോടതി ജസ്റ്റിസ് ആയി ചുമതലയേറ്റ അരുണ്‍ മിശ്ര ആറ് വര്‍ഷത്തെ സംഭവബഹുലമായ നീതിന്യായ സേവനത്തിന് ശേഷമാണ് സുപ്രീം കോടതിയുടെ പടിയിറങ്ങിയത്. ഏറ്റവും ഒടുവില്‍ പ്രശാന്ത് ഭൂഷണ് കോടതിയലക്ഷ്യക്കേസില്‍ ഒരു രൂപ ശിക്ഷ വിധിച്ചത് അടക്കം വലിയ ചര്‍ച്ചയായിരുന്നു.
തന്റെ പരുഷമായ വാക്കുകള്‍ പ്രത്യക്ഷത്തിലോ അല്ലാതെയോ ആരെയെങ്കിലും വേദനിപ്പിച്ചിട്ടുണ്ടെങ്കില്‍ ക്ഷമിക്കണമെന്ന് ജസ്റ്റിസ് അരുണ്‍ മിശ്ര പറഞ്ഞു. സുപ്രീം കോടതി ചീഫ് ജസ്റ്റിസ് എസ്എ ബോബ്‌ഡെ ഒരുക്കിയ വിരമിക്കല്‍ യാത്രയയപ്പ് പരിപാടിയില്‍ സംസാരിക്കുകയായിരുന്നു ജസ്റ്റിസ് അരുണ്‍ മിശ്ര. കൊവിഡ് കാരണം വെര്‍ച്യല്‍ ആയിട്ടാണ് യാത്രയയപ്പ് പരിപാടി സംഘടിപ്പിച്ചിരുന്നത്.
മനസാക്ഷിക്ക് വിരുദ്ധമായി ഇതുവരെ താന്‍ ഒന്നും ചെയ്തിട്ടില്ലെന്ന് ജസ്റ്റിസ് അരുണ്‍ മിശ്ര പറഞ്ഞു. എല്ലാ പ്രതിബന്ധങ്ങള്‍ക്കും മുന്നിലെ വെളിച്ചവും ധൈര്യവും ആയിരുന്നു ജസ്റ്റിസ് അരുണ്‍ മിശ്ര എന്ന് ചീഫ് ജസ്റ്റിസ് എസ് എ ബോബ്‌ഡെ പറഞ്ഞു. കഠിനാധ്വാനത്തിന്റെയും പാണ്ഡിത്യത്തിന്റെയും ധൈര്യത്തിന്റെയും പാരമ്പര്യമാണ് അരുണ്‍ മിശ്രയുടേത് എന്നും ചീഫ് ജസ്റ്റിസ് പറഞ്ഞു.
സുപ്രീം കോടതിയിലെ ഉരുക്ക് ന്യായാധിപനാണ് അരുണ്‍ മിശ്രയെന്ന് പരിപാടിയില്‍ പങ്കെടുത്ത് സംസാരിക്കവേ അറ്റോര്‍ണി ജനറല്‍ കെകെ വേണുഗോപാല്‍ പറഞ്ഞു. അദ്ദേഹത്തിന്റെ പല വിധിന്യായങ്ങളും ഭൂകമ്പങ്ങളുണ്ടാക്കി. കോടതിയലക്ഷ്യക്കേസില്‍ പ്രശാന്ത് ഭൂഷണെ ശിക്ഷിക്കാതിരുന്നുവെങ്കില്‍ വ്യക്തിപരമായി താന്‍ അതില്‍ സന്തോഷിക്കുമായിരുന്നുവെന്നും അറ്റോര്‍ണി ജനറല്‍ പറഞ്ഞു.
ഉജ്ജയിനിയിലെ മഹാകാലേശ്വര്‍ ക്ഷേത്രത്തിലെ ശിവലിംഗം സംരക്ഷിക്കുന്നതുമായി ബന്ധപ്പെട്ട കേസ് ആണ് ജസ്റ്റിസ് അരുണ്‍ മിശ്ര അവസാനമായി പരിഗണിച്ചത്. അതിനിടെ അരുണ്‍ മിശ്രയുടെ കടുത്ത വിമര്‍ശകനായി അറിയപ്പെടുന്ന സുപ്രീം കോടതി ബാര്‍ അസോസിയേഷന്‍ പ്രസിഡണ്ട് ദുഷ്യന്ത് ദാവെയെ വിടവാങ്ങല്‍ പരിപാടിയില്‍ സംസാരിക്കാന്‍ അനുവദിച്ചില്ലെന്ന് ആരോപണം ഉയര്‍ന്നിരിക്കുകയാണ്. ബോധപൂര്‍വ്വം തന്നെ ഒഴിവാക്കി എന്നാരോപിച്ച് ദാവെ ചീഫ് ജസ്റ്റിസിന് പരാതി നല്‍കി.
