സ്റ്റേഷനില് മതംമാറ്റം; മൂന്ന് പോലീസുകാര്ക്ക് സസ്പെന്ഷന്
ഉത്തര്കാശി: 26 കാരിയായ മുസ്ലിം യുവതിയെ പോലീസ് സ്റ്റേഷനില് വെച്ച് ഹിന്ദുമതത്തിലേക്ക് പരിവര്ത്തനം നടത്തിയതായി പരാതി. ഉത്തരാഖണ്ഡിലെ ഉത്തര്കാശിയിലാണ് സംഭവം. സംഭവവുമായി ബന്ധപ്പെട്ട് മൂന്ന് പോലീസുകാരെ സസ്പെന്ഡ് ചെയ്തു. ടൈംസ് ഓഫ് ഇന്ത്യയാണ് സംഭവം റിപ്പോര്ട്ട് ചെയ്തത്.
മതംമാറ്റത്തിന് വിധേയായ സ്ത്രീ നേരത്തെ ഹിന്ദുമതത്തില് നിന്നും മുസ്ലിം മതത്തിലേക്ക് മാറിയ ആളാണത്രെ. ഹിന്ദുമത വിശ്വാസിയായിരുന്ന ഇവരെ ഒരാള് തട്ടിക്കൊണ്ടുപോയി മുസ്ലിം മതത്തിലേക്ക് മാറ്റുകയായിരുന്നു. തുടര്ന്നാണ് ഇവരെ വീണ്ടും ഹിന്ദുമതത്തിലേക്ക് ചേര്ക്കാനുള്ള കര്മങ്ങള് ചെയ്തത്. മനേരിയിലെ പോലീസ് സ്റ്റേഷനില് വെച്ചായിരുന്നു ഈ കര്മങ്ങള്.
സംഭവം നടന്ന മനേരി പോലീസ് സ്റ്റേഷനില് ഡ്യൂട്ടിയിലുണ്ടായിരുന്ന മൂന്ന് പോലീസ് ഉദ്യോഗസ്ഥരെയാണ് സസ്പെന്ഡ് ചെയ്തത്. പോലീസുകാര് ഗംഗാജലം തളിച്ച് ശുദ്ധീകരിച്ചാണ് ഇവരെ ഹിന്ദുമതത്തിലേക്ക് സ്വീകരിച്ചതെന്നാണ് റിപ്പോര്ട്ട്. ഇവരുടെ മുന് ഭര്ത്താവ് എന്ന് അവകാശപ്പെട്ട് ഒരാള് സിന്ദൂരം ചാര്ത്തിയ ശേഷം സ്വീകരിക്കുകയായിരുന്നു.
ജൂലൈ 13 നാണ് സ്ത്രീയെ വീട്ടില് നിന്നും കാണാതായത്. 30000 രൂപയുമായി നസകാത് അലി എന്നൊരാള്ക്കൊപ്പമാണ് ഈ സ്ത്രീ വീടുവിട്ടതത്രെ. ഇയാള് പിന്നീട് സ്ത്രീയെ മുസ്ലിം മതത്തിലേക്ക് മാറ്റുകയായിരുന്നു. ചൊവ്വാഴ്ചയാണ് സ്ത്രീ തിരിച്ച് നാട്ടിലെത്തിയത്. ബി ജെ പിയുടെയും എ ബി വി പിയുടെയും പ്രവര്ത്തകരും ചില മതനേതാക്കളും ചേര്ന്ന് പോലീസ് സ്റ്റേഷനില് വെച്ച് ശുദ്ധകര്മം നടത്തി യുവതിയെ ഹിന്ദുമതത്തിലേക്ക് പരിവര്ത്തനം നടത്തുകയായിരുന്നത്രെ.
നസകാത് അലിയെ പോലീസ് അറസ്റ്റ് ചെയ്തു. യുവതിയെ മതംമാറ്റിയത് കൂടാതെ ഇവരുടെ ഭര്ത്താവില് നിന്നും ഇയാള് 70000 രൂപ ആവശ്യപ്പെട്ടതായും പരാതിയുണ്ട്. യുവതിയെ ഭര്ത്താവ് സ്വീകരിക്കാന് വിസമ്മതിച്ചത് കൊണ്ട് മാത്രമാണ് പോലീസ് സ്റ്റേഷനില് വെച്ച് ഇത്തരം ചടങ്ങ് നടത്തേണ്ടി വന്നത് എന്നാണ് പ്രാദേശിക ബി ജെ പി നേതാക്കള് പറയുന്നത്.
-
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
ഉരുൾപ്പോരും ഉശിരൻ പോരുമായി വയനാട് -
100 വയസ്സ് കഴിഞ്ഞ 1,555 വോട്ടര്മാര്; വീട്ടിലിരുന്നും വോട്ട് ചെയ്യാം -
ആർക്കും തെരഞ്ഞെടുപ്പ് നിരീക്ഷകനാകാം, 100 മിനിറ്റിനുള്ളിൽ നടപടി ഉറപ്പാക്കി ‘സി-വിജിൽ’ -
പോസ്റ്റൽ വോട്ടിങ്ങിൽ മാറ്റം, ചെയ്യേണ്ടത് ഇങ്ങനെ -
എൽഡിഎഫ് സ്ഥാനാർത്ഥിക്കായി പിആർഡി കുറിപ്പ്; ഇൻഫർമേഷൻ ഓഫീസർക്ക് സസ്പെൻഷൻ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ്
Click it and Unblock the Notifications
Sign in with Google