റെക്കോർഡിട്ട് നിതീഷ് കുമാർ, എട്ടാം തവണ ബിഹാർ മുഖ്യമന്ത്രിയായി സത്യപ്രതിജ്ഞ, ഉപമുഖ്യമന്ത്രിയായി തേജസ്വി
ദില്ലി: ബിഹാര് മുഖ്യമന്ത്രിയായി നിതീഷ് കുമാര് സത്യപ്രതിജ്ഞ ചെയ്ത് അധികാരമേറ്റു. നിതീഷ് കുമാര് മുഖ്യമന്ത്രിയാകുന്നത് ഇത് എട്ടാമാത്തെ തവണയാണ്. ബിജെപി സഖ്യത്തില് നിന്ന് വേര്പിരിഞ്ഞതിന് പിന്നാലെ ആര്ജെഡിയുമായി മഹാസഖ്യം രൂപീകരിച്ചാണ് നിതീഷ് കുമാറിന്റെ പുതിയ സര്ക്കാര് രൂപീകരണം. ആര്ജെഡി നേതാവ് തേജസ്വ യാദവ് ഉപമുഖ്യമന്ത്രിയായി സത്യപ്രതിജ്ഞ ചെയ്തു. മുഖ്യമന്ത്രി പദവി നിതീഷ് കുമാറും തേജസ്വി യാദവും പങ്കുവെച്ചേക്കുമെന്ന് റിപ്പോര്ട്ടുകളുണ്ട്.
Recommended Video
സത്യപ്രതിജ്ഞയ്ക്ക് പിന്നാലെ പ്രധാനമന്ത്രി നരേന്ദ്ര മോദിയെ നിതീഷ് കുമാര് വെല്ലുവിളിച്ചു. 2024ലും പ്രധാനമന്ത്രി സ്ഥാനത്തേക്ക് എത്താന് നരേന്ദ്ര മോദിക്ക് സാധിക്കുമോ എന്നതാണ് നിതീഷ് കുമാറിന്റെ ചോദ്യം. ഞാന് പ്രധാനമന്ത്രി പദം ആഗ്രഹിക്കുന്നില്ല. ചോദ്യം ഇതാണ്, 2014ല് വിജയിച്ച ആള്ക്ക് 2024ലും വിജയിക്കാന് സാധിക്കുമോ, നിതീഷ് കുമാര് ചോദിച്ചു. പ്രതിപക്ഷ ഐക്യത്തിന് വേണ്ടി കഠിനമായി പ്രവര്ത്തിക്കുമെന്നും നിതീഷ് കുമാര് പറഞ്ഞു.
മഹാരാഷ്ട്രയില് ഉദ്ധവ് താക്കറെ സര്ക്കാരിനെ അട്ടിമറിച്ചത് പോലെ അമിത് ഷാ ബിഹാര് സര്ക്കാരിനെ അട്ടിമറിക്കാന് ശ്രമിക്കുന്നു എന്നുളള സൂചനകള്ക്കിടെയാണ് നിതീഷ് കുമാര് തിരക്കിട്ട് ബിജെപി ബന്ധം അവസാനിപ്പിച്ചത്. മഹാരാഷ്ട്രയില് ശിവസേനയെ പിളര്ത്തിയാണ് ബിജെപി അധികാരം പിടിച്ചത്. അട്ടിമറിക്ക് മുന്നില് നിന്ന ഏക്നാഥ് ഷിന്ഡെയ്ക്ക് മുഖ്യമന്ത്രി സ്ഥാനവും കിട്ടി. സമാന മോഡലില് ജെഡിയുവിനുളളിലെ അതൃപ്തരെ ഉപയോഗിച്ച് സര്ക്കാരിനെ അട്ടിമറിക്കാനുളള സാധ്യതയുളളതായി റിപ്പോര്ട്ടുകളുണ്ടായിരുന്നു.
ജെഡിയുവിലെ മുതിര്ന്ന നേതാവും കേന്ദ്ര മന്ത്രിയുമായിരുന്ന ആര്സിപി സിംഗിനെ ഉപയോഗിച്ചാണ് അട്ടിമറി നീക്കം എന്നാണ് നിതീഷ് കുമാര് സംശയിച്ചത്. ആര്സിപി സിംഗിന് രാജ്യസഭാ കാലാവധി നീട്ടി നല്കാന് അതുകൊണ്ട് തന്നെ നിതീഷ് കുമാര് വിസമ്മതിച്ചു. മാത്രമല്ല ജെഡിയുവില് നിന്ന് തന്നെ അഴിമതി ആരോപണം ഉയര്ന്ന് വന്നതിന് പിന്നാലെ സിംഗ് പാര്ട്ടിയില് നിന്ന് രാജി വെക്കുകയും ചെയ്തു. അതേസമയം ഉപരാഷ്ട്രപതി സ്ഥാനം നല്കാത്തതാണ് നിതീഷ് കുമാറിന്റെ നീക്കത്തിന് കാരണം എന്നാണ് ബിജെപി ആരോപിക്കുന്നത്. ജെഡിയു എന്ഡിഎ വിട്ടതിന് പിന്നാലെ സംസ്ഥാനത്ത് ബിജെപി വലിയ പ്രതിഷേധമാണ് സംഘടിപ്പിച്ചിരിക്കുന്നത്. ബീഹാര് ജനത നിതീഷ് കുമാറിനോട് ഒരിക്കലും പൊറുക്കില്ലെന്ന് ബിജെപി സംസ്ഥാന അധ്യക്ഷന് സഞ്ജയ് ജെയ്സ്വാള് പ്രതികരിച്ചു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google