Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സ്വച്ഛ ഭാരതിനും മാര്ക്സിസ്റ്റ് മുഖ്യന്‍റെ പിന്തുണ
സിപിഎമ്മിന്റെ കേന്ദ്ര നേതാക്കള്‍ക്ക് മോദിയുടെ കാര്യത്തില്‍ മാണിക് സര്‍ക്കാരിനോട് തീരെ പ്രതിപത്തിയില്ല. മുന്പ് കേന്ദ്ര കമ്മിറ്റി യോഗത്തിനായി ദില്ലിയിലെത്തിയപ്പോള്‍ മാണിക് സര്‍ക്കാര്‍ മോദിയെ ഫോണില്‍ വിളിച്ചതുപോലും പാര്‍ട്ടിക്ക് അത്ര പിടിച്ചിരുന്നില്ല.
അതിനിടയിലാണ് മാണിക് സര്‍ക്കാര്‍ വേറൊരു വെടികൂടി പൊട്ടിച്ചത്. മോദിയുടെ സ്വച്ഛ ഭാരതിനെ പിന്തുണച്ചു. രാജ്യം വൃത്തിയായി കിടക്കുന്നത് കാണാന്‍ ആരാണ് ഇഷ്ടപ്പെടാതിരിക്കുക എന്നായിരുന്നു മാണിക് സര്‍ക്കാരിന്റെ ചോദ്യം.
കേന്ദ്ര-സംസ്ഥാന ബനധത്തില്‍ രാഷ്ട്രീയം പ്രതിബദ്ധമാകില്ലെന്ന് ആവര്‍ത്തിച്ച് പറയുന്ന വ്യക്തിയാണ് നരേന്ദ്ര മോദി. സംസ്ഥാനങ്ങള്‍ വികസിച്ചാല്‍ രാജ്യവും വികസിക്കും എന്ന് തന്നെയാണ് മോദിയുടെ പ്രതീക്ഷ. അതുകൊണ്ട് തന്നെ ഏത് പാര്‍ട്ടിക്കാര്‍ ഭരിക്കുന്ന സംസഥാനമായാലും മോദിക്ക് പ്രശ്‌നമല്ല.
പ്രധാനമന്ത്രിയായതിന് ശേഷം ആദ്യമായി ഒരു മന്ത്രിസഭയെ അഭിസംബോധന ചെയ്യുന്നത് മാര്ക്സിസ്റ്റ് മന്ത്രിസഭയായിപ്പോയതില്‍ മോദിക്ക് കുറ്റബോധം ഒന്നും ഉണ്ടാകാനിടയില്ല. സദ്ഭരണത്തെക്കുറിച്ചായിരുന്നു ത്രിപുരയിലെ ജനപ്രതിനിധികളോട് മോദി സംസാരിച്ചത്.
വടക്കുകിഴക്കന്‍ സംസ്ഥാനങ്ങള്‍ പലപ്പോഴും ദേശീയ തലത്തില്‍ അവഗണിക്കപ്പെട്ടിട്ടേ ഉള്ളൂ. തീവ്രവാദത്തിന്റെ പേരിലും വികസനമില്ലായ്മയുടെ പേരിലും ഏറെ പരിഹസിക്കപ്പെട്ടിട്ടും അവമതിക്കപ്പെട്ടിട്ടും ഉണ്ട്. ഇതെല്ലാം നന്നായി അറിയാവുന്ന ആളാണ് മാണിക് സര്‍ക്കാര്‍. അപ്പോള്‍ പിന്നെ മോദി എത്തിയാല്‍ കാണാതെ വിടുമോ...
ത്രിപുര മന്ത്രിസഭയിലെ പല മന്ത്രിമാരും ദില്ലി പോലും കണ്ടിട്ടില്ല. കേരളത്തിലെ പാര്‍ട്ടിയെ പോലെ അത്ര സമ്പന്നമൊന്നും അല്ല ത്രിപുരയിലെ സിപിഎം. പ്രധാനമന്ത്രി വരുമ്പോള്‍ ഒരു കൂടിക്കാഴ്ച നടത്തിയാല്‍ കൊളളാമെന്ന് മന്ത്രിമാര്‍ക്ക് തോന്നിയാല്‍ അതെങ്ങനെ തെറ്റാകും.
