രാഹുല്‍ ഗാന്ധി കോണ്‍ഗ്രസിന്‍റെ തലപ്പത്തേയ്ക്ക്!! ഗുജറാത്ത് തിരഞ്ഞെടുപ്പിന് മുമ്പ് ​സംഭവിക്കും!

  • Written By:
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    അഹമ്മദാബാദ്: ഗുജറാത്ത് നിയമസഭാ തിരഞ്ഞെടുപ്പിന് മുമ്പായി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ കോണ്‍ഗ്രസ് അധ്യക്ഷ സ്ഥാനത്തേയ്ക്ക് നിയമിക്കുമെന്ന് സൂചന. നവംബര്‍ 19 ന് ശേഷം രാഹുല്‍ ഗാന്ധി പാര്‍ട്ടി അധ്യക്ഷസ്ഥാനം ഏറ്റെടുക്കുമെന്നാണ് പാര്‍ട്ടിയോടടുത്ത വൃത്തങ്ങളില്‍ നിന്നുള്ള വിവരം, ഗുജറാത്ത് നിയമസഭാ തിരഞ്ഞെടുപ്പിന്‍റെ ആദ്യഘട്ടത്തിന് മുമ്പ് തന്നെ രാഹുല്‍ പാര്‍ട്ടി അധ്യക്ഷ സ്ഥാനത്തേയ്ക്ക് എത്തുമെന്നും റിപ്പോര്‍ട്ടുകള്‍ പറയുന്നു.

    നവംബര്‍ 19ന് ശേഷം കോണ്‍ഗ്രസ് അധ്യക്ഷ സോണിയ ഗാന്ധി കോണ്‍ഗ്രസ് വര്‍ക്കിംഗ് കമ്മറ്റി യോഗം വിളിച്ചുചേര്‍ക്കുമെന്നും മുന്‍ പ്രധാനമന്ത്രി ഇന്ദിരാഗാന്ധിയുടെ 100ാം ജന്മദിനത്തിലായിലിരിക്കും ചടങ്ങെന്നും അന്നേ ദിവസം രാജ്യമെമ്പാടും പരിപാടികള്‍ സംഘടിപ്പിക്കുകയും നാഴികക്കല്ലായി അടയാളപ്പെടുത്തുമെന്നുമാണ് ഇപ്പോള്‍ പുറത്തുവരുന്ന വിവരങ്ങള്‍. അടുത്ത പ്രസിഡന്‍റ് തിരഞ്ഞെടുപ്പ് സംബന്ധിച്ചും പ്രസിഡന്‍റ് സ്ഥാനാര്‍ത്ഥിയെ സംബന്ധിച്ചുമുള്ള കാര്യങ്ങളാണ് വര്‍ക്കിംഗ് കമ്മറ്റിയില്‍ ചര്‍ച്ച ചെയ്യുക. രാഹുലിനെ പ്രസിഡന്‍റ് സ്ഥാനാര്‍ത്ഥിയായി നിര്‍ദേശിക്കുമെങ്കിലും ഏകകണ്ഠേനയായിരിക്കും തീരുമാനം കൈക്കൊള്ളുക.

     ഗുജറാത്ത് തിരഞ്ഞെടുപ്പിന് മുമ്പ്

    ഗുജറാത്ത് തിരഞ്ഞെടുപ്പിന് മുമ്പ്


    ഡിസംബറില്‍ രണ്ട് ഘട്ടമായി നിയമസഭാ തിരഞ്ഞെടുപ്പ് നടക്കാനിരിക്കെയാണ് രാഹുല്‍ ഗാന്ധിയെ പാര്‍ട്ടി അധ്യക്ഷ സ്ഥാനത്തേയ്ക്ക് അവരോധിക്കാനുള്ളനീക്കം നടത്തുന്നത്. വര്‍ഷങ്ങളായി ബിജെപി അടക്കിവാഴുന്ന ഗുജറാത്തില്‍ അധികാരം സ്ഥാപിച്ച് ആധിപത്യം ഉറപ്പിക്കാനുള്ള നീക്കങ്ങളാണ് രാഹുലിന്‍റെ നേതൃത്വത്തില്‍ കോണ്‍ഗ്രസ് നടത്തിവരുന്നത്. ഗുജറാത്ത് ഭരിക്കുന്ന ബിജെപിയ്ക്കെതിരെ ഒബിസി, പട്ടേല്‍ സമുദായത്തിന്‍റെ പിന്തുണയോടെ ശക്തമായ പ്രചാരണപരിപാടികളാണ് കോണ്‍ഗ്രസ് നടത്തിവരുന്നത്.

    ആരോഗ്യം വലയ്ക്കുന്നു!!

    ആരോഗ്യം വലയ്ക്കുന്നു!!

    തനിക്ക് ആരോഗ്യ പ്രശ്നങ്ങളുള്ളതിനാല്‍ രാഹുല്‍ ഗാന്ധിയെ കോണ്‍ഗ്രസ് അധ്യക്ഷ സ്ഥാനത്തേയ്ക്ക് നിയോഗിക്കണമെന്ന് സോണിയാ ഗാന്ധി മുതിര്‍ന്ന കോണ്‍ഗ്രസ് നേതാക്കളോട് ആവശ്യപ്പെട്ടതായും വിവരമുണ്ട്. നേരത്തെ ഒക്ടോബര്‍ 31ന് രാഹുല്‍ കോണ്‍ഗ്രസ് അധ്യക്ഷസ്ഥാനം ഏറ്റെടുക്കുമെന്നായിരുന്നു വിവരം. എന്നാല്‍ ഗുജറാത്ത് നിയമസഭാ തിരഞ്ഞെടുപ്പിന്‍റെ തിയ്യതി പ്രഖ്യാപനം വൈകുകയും ഹിമാചല്‍ നിയമസഭാ തിരഞ്ഞെടുപ്പിന്‍റെ തിയ്യതി പ്രഖ്യാപിച്ചതാണ് ഇത് നീളുന്നതിന് ഇടയാക്കിയത്.

    വോട്ട് ബാങ്ക് പാട്ടീദാര്‍ സമുദായം

    വോട്ട് ബാങ്ക് പാട്ടീദാര്‍ സമുദായം



    കോണ്‍ഗ്രസ് അധികാരത്തിലെത്തിയാല്‍ ഗുജറാത്തിലെ വിദ്യാഭ്യാസ സ്ഥാപനങ്ങളിലും സര്‍ക്കാര്‍ ജോലികളിലും പാട്ടീദാര്‍ സമുദായത്തിന് സംവരണം നല്‍കാനുള്ള നീക്കമാണ് കോണ്‍ഗ്രസിന്‍റെ ഭാഗത്തുനിന്നുണ്ടാകുക. ഇതിനുള്ള ചര്‍ച്ചകളാണ് തിരഞ്ഞെടുപ്പിന് ദിവസങ്ങള്‍ മാത്രം അവശേഷിക്കെ കോണ്‍ഗ്രസിനുള്ളില്‍ നടക്കുന്നതെന്നാണ് പാര്‍ട്ടിക്കുള്ളില്‍ നിന്ന് ലഭിക്കുന്ന വിവരം.

     ആദ്യഘട്ടം ഡിസംബര്‍ ഒമ്പതിന്

    ആദ്യഘട്ടം ഡിസംബര്‍ ഒമ്പതിന്

    രണ്ട് ഘട്ടങ്ങളിലായി നടക്കുന്ന ഗുജറാത്ത് നിയമസഭാ തിരഞ്ഞെടുപ്പിലെ ആദ്യ ഘട്ടത്തിന് വേണ്ടിയുള്ള 70 സ്ഥാനാര്‍ത്ഥികളുടെ പേരുകളുള്‍പ്പെട്ട പട്ടിക വെള്ളിയാഴ്ച കോണ്‍ഗ്രസ് സെന്‍ട്രല്‍ ഇലക്ഷന്‍ കമ്മറ്റി തയ്യാറാക്കിയിരുന്നു. സോണിയാ ഗാന്ധിയുടെ നേതൃത്വത്തില്‍ ചേര്‍ന്ന യോഗത്തിലാണ് സ്ഥാനാര്‍ത്ഥി നിര്‍ണയം സംബന്ധിച്ച് തീരുമാനമുണ്ടായത്. എന്നാല്‍ അടുത്ത ആഴ്ചയായിരിക്കും സ്ഥാനാര്‍ത്ഥികളുടെ പട്ടിക പുറത്തിറക്കുക.

    പിന്നോക്ക വംശജരും ഒപ്പം നില്‍ക്കും

    പിന്നോക്ക വംശജരും ഒപ്പം നില്‍ക്കും

    അടുത്തിടെ കോണ്‍ഗ്രസിലെത്തിയ അല്‍പേഷ് ഠാക്കൂറിന്‍റെ അനുയായികളെ പാര്‍ട്ടിയ്ക്കൊപ്പം നടത്താന്‍ ശ്രമം നടത്തുന്ന കോണ്‍ഗ്രസ് ഠാക്കൂറിന് പുറമേ പാട്ടീദാര്‍ നേതാവ് ഹര്‍ദിക് പട്ടേല്‍, ദളിത് നേതാവ് ജിഗ്നേഷ് മേവാനി എന്നിവരെക്കൂടി പരിഗണിച്ചുള്ള സ്ഥാനാര്‍ത്ഥി പട്ടികയാണ് കോണ്‍ഗ്രസ് പുറത്തിറക്കുക. കോണ്‍ഗ്രസില്‍ ചേരില്ലെങ്കിലും ഗുജറാത്ത് നിയമസഭാ തിരഞ്ഞെടുപ്പിന് പിന്തുണ നല്‍കുമെന്ന് ജിഗ്നേഷ് മേവാനിയും ഹര്‍ദിക് പട്ടേലും വ്യക്തമാക്കിയിരുന്നു. ഇതാണ് വര്‍ഷങ്ങളായി ഗുജറാത്ത് അടക്കിവാണ് ബിജെപിയ്ക്ക് നല്‍കാവുന്ന തിരിച്ചടിയായി കോണ്‍ഗ്രസ് കാണുന്നത്.

     ആശ്വാസമായി ഹര്‍ദിക്

    ആശ്വാസമായി ഹര്‍ദിക്


    ഒടുവില്‍ കോണ്‍ഗ്രസിനൊപ്പം ഹര്‍ദിക് പട്ടേലിന്‍റെ പിന്തുണ സംബന്ധിച്ച് കോണ്‍ഗ്രസില്‍ നിലനിന്ന ആശങ്കകള്‍ക്ക് അവസാനമായി. ഡിസംബറില്‍ നടക്കാനിരിക്കുന്ന ഗുജറാത്ത് നിയമസഭാ തിരഞ്ഞെടുപ്പില്‍ കോണ്‍ഗ്രസിനെ പിന്തുണയ്ക്കുമെന്ന് നവംബര്‍ രണ്ടിനാണ് പാട്ടീദാര്‍ പ്രക്ഷോഭങ്ങളുടെ സൂത്രധാരന്‍ ഹര്‍ദിക് പട്ടേല്‍ വ്യക്തമാക്കിയത്. കോണ്‍ഗ്രസ് പരസ്യമായി പാട്ടീദാര്‍ സമുദയത്തെ പിന്തുണച്ച് രംഗത്തെത്തിയതിന് പിന്നാലെയാണ് ഹര്‍ദിക് കോണ്‍ഗ്രസിന് പിന്തുണ പ്രഖ്യാപിച്ചത്.

     കൊട്ട് ബിജെപിയ്ക്ക്

    കൊട്ട് ബിജെപിയ്ക്ക്

    ഹര്‍ദികിന് ബിജെപി വിരുദ്ധത!! കോണ്‍ഗ്രസിനെ പിന്തുണയ്ക്കും ബിജെപിയെ താഴെയിറക്കാന്‍ ഗുജറാത്തിലെ ബിജെപി സര്‍ക്കാരിനെ അധികാരത്തില്‍ നിന്ന് താഴെയിറക്കുന്നതിന് വോട്ട് ചെയ്യാന്‍ താന്‍ സമുദായത്തോട് ആവശ്യപ്പെട്ടുവെന്നും സമുദായം തനിക്കൊപ്പം നിന്നുവെന്നും ഹര്‍ദികിന‍െ ഉദ്ധരിച്ച് എന്‍ഡിടിവി റിപ്പോര്‍ട്ട് ചെയ്യുന്നു. പട്ടേല്‍ സമുദായത്തിന് സംവരണം ഏര്‍പ്പെടുത്തുമെന്ന വാഗ്ദാനം പാലിക്കാതെ ബിജെപി തങ്ങളെ കബളിപ്പിക്കുകയായിരുന്നുവെന്നാണ് ഹര്‍ദിക് ചൂണ്ടിക്കാണിക്കുന്നത്. സംവരണമാവശ്യപ്പെട്ടുള്ള പട്ടേല്‍ പ്രക്ഷോഭം കൊണ്ട് ബിജെപിയ്ക്ക് ഏറ്റവുമധികം തലവേദന സൃഷ്ടിച്ച ഹര്‍ദിക് രണ്ട് ദിവസം മുമ്പാണ് കോണ്‍ഗ്രസിന് പരസ്യ പിന്തുണ പ്രഖ്യാപിച്ചത്.

     ബിജെപിയ്ക്ക് നെഞ്ചിടിക്കുന്നു

    ബിജെപിയ്ക്ക് നെഞ്ചിടിക്കുന്നു

    തിരഞ്ഞെടുപ്പിന് മുന്നോടിയായി പുറത്തുവന്ന അഭിപ്രായ സര്‍വ്വേകള്‍ ഒന്നും തന്നെ ബിജെപിയ്ക്ക് ആശ്വാസം പകരുന്നതല്ല. ഗുജറാത്തില്‍ ബിജെപിയുടെ വോട്ട് ബാങ്കായ പിന്നോക്ക സമുദായക്കാര്‍ ഗുജറാത്ത് നിയമസഭാ തിരഞ്ഞെടുപ്പില്‍ ബിജെപിയെ കയ്യൊഴിയുമെന്ന സൂചനകളാണ് പുറത്തുവന്ന അഭിപ്രായ സര്‍വേകളില്‍ പലതും ചൂണ്ടിക്കാണിക്കുന്നത്. തിരഞ്ഞെടുപ്പില്‍ തോല്‍ക്കില്ലെങ്കിലും ഗുജറാത്തില്‍ പാര്‍ട്ടിയെക്കാത്തിരിക്കുന്നത് തിരിച്ചടിയാണെന്ന സൂചനകളാണ് എബിപി സര്‍വേ നല്‍കുന്നത്.

    English summary
    Rahul Gandhi's coronation as Congress president has been deferred for a third time, with sources in the party saying the 46-year-old will now take charge any day after November 19 and before the December 9 Gujarat Assembly election.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more