രാജ്യസഭാ തിരഞ്ഞെടുപ്പില് അട്ടിമറി; ബിഹാറില് 5 സീറ്റിലും എന്ഡിഎ, പ്രതിപക്ഷ അംഗങ്ങള് വന്നില്ല
ന്യൂഡല്ഹി: രാജ്യസഭാ തെരഞ്ഞെടുപ്പില് ബിഹാറിലും ഒഡിഷയിലും അട്ടിമറി. രണ്ടിടത്തും എന്ഡിഎക്ക് അപ്രതീക്ഷിത ജയം. പ്രതിപക്ഷ അംഗങ്ങളുടെ ക്രോസ് വോട്ടിങും വോട്ടെടുപ്പില് നിന്ന് വിട്ടുനില്ക്കലുമാണ് എന്ഡിഎക്ക് എളുപ്പവഴി ഒരുക്കിയത്. ഇത് മുന്കൂട്ടി തയ്യാറാക്കിയ തിരക്കഥയുടെ ഭാഗമാണ് എന്ന് പ്രതിപക്ഷം ആരോപിച്ചു. ഇതോടെ രാജ്യസഭയില് അംഗബലം കൂട്ടാന് ബിജെപിക്കും സഖ്യകക്ഷികള്ക്കും സാധിച്ചു.
ബിഹാറില് തെരഞ്ഞെടുപ്പ് നടന്ന അഞ്ച് സീറ്റുകളും എന്ഡിഎ നേടി. ബിഹാര് മുഖ്യമന്ത്രി നിതീഷ് കുമാര്, ബിജെപി ദേശീയ അധ്യക്ഷന് നിതിന് നബിന്, കേന്ദ്രമന്ത്രി രാംനാഥ് താക്കൂര്, ആര്എല്എം പ്രസിഡണ്ട് ഉപേന്ദ്ര കുശ്വാഹ തുടങ്ങിയവര് വിജയിച്ചു. ഭരണകക്ഷിയായ എന്ഡിഎയിലെ 202 എംഎല്എമാരും വോട്ട് ചെയ്തു. എന്നാല് പ്രതിപക്ഷത്തെ 41 എംഎല്എമാരില് അഞ്ച് അംഗങ്ങള് വോട്ടെടുപ്പിന് എത്തിയില്ല.
മൂന്ന് കോണ്ഗ്രസ് അംഗങ്ങളും ഒരു ആര്ജെഡി എംഎല്എയും വോട്ടെടുപ്പില് നിന്ന് വിട്ടുനിന്നു. മജ്ലിസ് പാര്ട്ടിയുടെയും ബിഎസ്പിയുടെയും അംഗങ്ങള് ആര്ജെഡി സ്ഥാനാര്ഥിക്ക് വോട്ട് ചെയ്തെങ്കിലും അഞ്ച് പേരുടെ വിട്ടുനില്ക്കല് തിരിച്ചടിയായി. ഇതോടെ ഒരു സീറ്റില് പോലും പ്രതിപക്ഷം ജയിച്ചില്ല.
ഒഡിഷയില് ബിജെപിയുടെ മൂന്ന് സ്ഥാനാര്ഥികളും ബിജെപി പിന്തുണച്ച സ്വതന്ത്രനും വിജയിച്ചു. എട്ട് ബിജെഡി അംഗങ്ങള് ബിജെപി സ്ഥാനാര്ഥിക്ക് അനുകൂലമായ വോട്ട് ചെയ്തതാണ് പ്രതിപക്ഷത്തിന് ഒരു സീറ്റ് പോലും കിട്ടാതിരിക്കാന് കാരണം. അതേസമയം, ഹരിയാനയില് വോട്ടെടുപ്പില് ക്രമക്കേട് നടന്നതായി കോണ്ഗ്രസ് ആരോപിച്ചതിനെ തുടര്ന്നാണ് വോട്ടെണ്ണല് വൈകി.
മഹാരാഷ്ട്ര, ഹിമാചല് പ്രദേശ്, ഒഡിഷ, ബിഹാര്, പശ്ചിമബംഗാള്, അസം, ചത്തീസ്ഗഡ്, ഹരിയാന, തെലങ്കാന, തമിഴ്നാട് എന്നീ സംസ്ഥാനങ്ങളില് നിന്ന് ഒഴിവുവന്ന 37 സീറ്റുകളിലേക്കാണ് തെരഞ്ഞെടുപ്പ് നടന്നത്. ഇതില് 26 സ്ഥാനാര്ഥികള് നേരത്തെ എതിരില്ലാതെ തെരഞ്ഞെടുക്കപ്പെട്ടിരുന്നു. ശരദ് പവാര്, മനു അഭിഷേക് സിംഗ്വി, തിരുച്ചി ശിവ, വിനോദ് താവ്ഡെ തുടങ്ങിയവര് എതിരില്ലാതെ തെരഞ്ഞെടുക്കപ്പെട്ടവരില് പെടുന്നു.
അതേസമയം, ഒഡിഷയില് ബി.ജെ.പി കുതിരക്കച്ചവടം നടത്തിയതായി മുന് മുഖ്യമന്ത്രി നവീന് പട്നായിക് ആരോപിച്ചു. തെരഞ്ഞെടുപ്പില് സുതാര്യത നഷ്ടപ്പെട്ടെന്ന് കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയും ആരോപിച്ചു. കോണ്ഗ്രസ് സംഘപരിവാറിന്റെ ബി ടീമാണെന്ന വസ്തുത വീണ്ടും ശരിവെക്കുന്നതാണ് തിരഞ്ഞെടുപ്പ് ഫലം എന്ന് മുഖ്യമന്ത്രി പിണറായി വിജയന് വിമര്ശിച്ചു.
ബിജെപിയെ എതിര്ക്കുന്നു എന്ന മുദ്രാവാക്യമുയര്ത്തി ജനങ്ങളോട് വോട്ട് ചോദിക്കുന്ന കോണ്ഗ്രസ്, നിര്ണായക ഘട്ടങ്ങളില് ബിജെപിക്ക് വിജയവഴി തുറന്നുകൊടുക്കുന്ന രാഷ്ട്രീയമാണ് തുടര്ച്ചയായി സ്വീകരിക്കുന്നത്. 2024-ല് കോണ്ഗ്രസ്സ് ഭരിക്കുന്ന ഹിമാചല് പ്രദേശില് ഒഴിവുവന്ന ഏക രാജ്യസഭാ സീറ്റില് ബിജെപി വിജയിച്ചത് നമ്മള് കണ്ടതാണ്. ഇത്തവണ ഹിമാചല് പ്രദേശില് ഒഴിവുവന്ന ഏക സീറ്റ് കോണ്ഗ്രസ്സിനു ജയിക്കാനായത് അവിടെ ബിജെപി സ്ഥാനാര്ത്ഥിയെ നിര്ത്താതെ സഹായിച്ചതുകൊണ്ടു മാത്രമാണ്. ബിജെപിയുടെ ബി ടീം ആരാണ് എന്ന ചോദ്യമുയരുന്നത് ഈ സാഹചര്യത്തിലാണ്. കോണ്ഗ്രസല്ലെങ്കില് പിന്നെ ആരാണ് അത്?- പിണറായി വിജയന് ഫേസ്ബുക്കില് കുറച്ചു.
-
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google