രാജ്യസഭാ തെരഞ്ഞെടുപ്പ് ഇന്ന്; റിസോര്ട്ട് രാഷ്ട്രീയം വീണ്ടും, കുതിരക്കച്ചവടം ഭയന്ന് കോണ്ഗ്രസ്
ബെംഗളൂരു: നാല് സംസ്ഥാനങ്ങളില് നിന്നുള്ള 16 രാജ്യസഭാ സീറ്റിലേക്കുള്ള വോട്ടെടുപ്പ് ഇന്ന് നടക്കും. ഇന്ന് തന്നെ ഫലമറിയാം. ഹരിയാന, രാജസ്ഥാന്, മഹാരാഷ്ട്ര, കര്ണാടക സംസ്ഥാനങ്ങളിലെ 16 സീറ്റുകളിലേക്കാണ് വെള്ളിയാഴ്ച തിരഞ്ഞെടുപ്പ് നടക്കുന്നത്. ഒഴിവുവന്ന 57 രാജ്യസഭാ സീറ്റുകളില് ഉത്തര്പ്രദേശ്, തമിഴ്നാട്, ബീഹാര്, ആന്ധ്രാപ്രദേശ്, മധ്യപ്രദേശ്, ഒഡീഷ, ഛത്തീസ്ഗഡ്, പഞ്ചാബ്, തെലങ്കാന, ജാര്ഖണ്ഡ്, ഉത്തരാഖണ്ഡ് എന്നിവിടങ്ങളിലെ 41 സ്ഥാനാര്ത്ഥികള് കഴിഞ്ഞ വെള്ളിയാഴ്ച തന്നെ എതിരില്ലാതെ തിരഞ്ഞെടുക്കപ്പെട്ടിരുന്നു.
ലോക്സഭയില് നിന്ന് വ്യത്യസ്തമായി, ഭരണകക്ഷിയായ എന് ഡി എയ്ക്ക് ഭൂരിപക്ഷമില്ലാത്ത രാജ്യസഭയിലെ സന്തുലിതാവസ്ഥ ഈ ഫലം നിര്ണ്ണയിക്കുമെന്നതിനാല് രാഷ്ട്രീയ ലോകം തെരഞ്ഞെടുപ്പിനെ ഉറ്റുനോക്കുന്നുണ്ട്. കര്ണാടകയിലും രാജസ്ഥാനിലും ഇതിനോടകം എം എല് എമാരെ റിസോര്ട്ടിലാക്കിയിരിക്കുകയാണ്. തെരഞ്ഞെടുപ്പ് നടക്കുന്ന നാല് സംസ്ഥാനങ്ങളിലും സ്വതന്ത്രരുടെയും ചെറുപാര്ട്ടികളുടെയും നിലപാട് നിര്ണായകമാകും.
മഹാരാഷ്ട്രയിലെ ആറ് സീറ്റില് ഏഴ് സ്ഥാനാര്ത്ഥികള് മത്സരിക്കുന്നുണ്ട്. ബി ജെ പിയ്ക്ക് ഇവിടെ രണ്ട് സീറ്റില് ജയമുറപ്പാണ്. മഹാവികാസ് അഘാഡിയിലെ കോണ്ഗ്രസ്, എന് സി പി, ശിവസേന എന്നിവര്ക്ക് ഓരോ സീറ്റിലും ജയിക്കാം. ആറാമത്തെ സീറ്റീലേക്ക് ശിവസേനയും ബി ജെ പിയും സ്ഥാനാര്ത്ഥിയെ നിര്ത്തിയിട്ടുണ്ട്. രാജസ്ഥാനിലും ഹരിയാനയിലും കോണ്ഗ്രസ് ബി ജെ പി നേര്ക്ക് നേര് പോരാട്ടമാണ്.
ഈ രണ്ട് സംസ്ഥാനങ്ങളിലും ബി ജെ പി മാധ്യമസ്ഥാപന ഉടമകളായ സ്വതന്ത്ര സ്ഥാനാര്ത്ഥികളെ ഇറക്കിയിരിക്കുകയാണ് ബി ജെ പി. ഗാന്ധി കുടംബത്തിന്റെ വിശ്വസ്തരെ മത്സരിക്കാന് നിയോഗിച്ചതില് മഹാരാഷ്ട്രയിലും ഹരിയാനയിലും രാജസ്ഥാനിലും കോണ്ഗ്രസിനുള്ളില് അതൃപ്തി ഉണ്ട്. കര്ണാടകത്തില് ജെ ഡി എസിന് ഉറപ്പുള്ള സീറ്റിലേക്ക് ബി ജെ പിയും കോണ്ഗ്രസും സ്ഥാനാര്ത്ഥിയെ നിര്ത്തിയതും പോരാട്ടം ശക്തമാക്കും എന്ന സൂചനയാണ് നല്കുന്നത്.
ഇവിടെ പാര്ട്ടികള് തങ്ങളുടെ എം എല് മാരെ റിസോര്ട്ടിലേക്ക് മാറ്റിയിരിക്കുകയാണ്. ജെ ഡി എസിന്റെ മുഴുവന് എം എല് എമാരും റിസോര്ട്ടിലാണ്. 200 അംഗ നിയമസഭയാണ് രാജസ്ഥാനിലേത്. കോണ്ഗ്രസിന് 108 ഉം ബി ജെ പിക്ക് 71 ഉം സീറ്റുകളാണുള്ളത്. 41 വോട്ട് നേടിയാല് ജയിക്കാം എന്നിരിക്കെ കോണ്ഗ്രസിന് 2 ഉം ബി ജെ പിക്ക് ഒരു സീറ്റിലും ജയിക്കാം. എന്നാല് നാല് സീറ്റുകളുള്ളതില് അഞ്ച് സ്ഥാനാര്ത്ഥികളാണ് മത്സരരംഗത്തുള്ളത്.
കോണ്ഗ്രസിന് മൂന്ന് സ്ഥാനാര്ത്ഥികളെയും കൂടി ജയിപ്പിക്കാന് 15 വോട്ട് കൂടുതല് വേണം. മറുപക്ഷത്ത് സ്വന്തം സ്ഥാനാര്ത്ഥിക്ക് പുറമെ സീ ന്യൂസ് ഉടമ സുഭാഷ് ചന്ദ്രയെന്ന സ്വതന്ത്രനെ കൂടി ബി ജെ പി പിന്തുണയ്ക്കുന്നുണ്ട്. അങ്ങനെ വരുമ്പോള് ബി ജെ പിക്ക് 11 വോട്ട് കൂടി വേണം. ഇവിടെ ചെറുപാര്ട്ടികളുടെയും സ്വതന്ത്രരുടെയും നിലപാട് നിര്ണ്ണായകമാകും. ഹരിയാനയില് രണ്ട് രാജ്യസഭ സീറ്റിലേക്കാണ് മത്സരം.
90 അംഗ നിയമസഭയില് 40 സീറ്റുള്ള ബി ജെ പിയ്ക്ക് ഒരു സീറ്റ് ലഭിക്കും. ജയിക്കാന് 31 വോട്ടാണ് വേണമെന്നിരിക്കേ കോണ്ഗ്രസിന് 31 സീറ്റ് ആണ് കൃത്യമായുള്ളത്. അജയ് മാക്കന്റെ സ്ഥാനാര്ത്ഥിത്വം ഉണ്ടാക്കിയ കൊടുങ്കാറ്റില് ആടിയുലയുകയാണ് ഇവിടെ കോണ്ഗ്രസ്. മൂന്ന് എം എല് എമാര് ഹരിയാനയില് പാര്ട്ടിയെ വെല്ലുവിളിച്ച് നില്ക്കുന്നു.
സ്വന്തം സ്ഥാനാര്ത്ഥിക്ക് പുറമെ ന്യൂസ് എക്സ് മേധാവി കാര്ത്തികേയ ശര്മ്മയെ സ്വതന്ത്രനായി ഇറക്കിയിരിക്കുകയാണ് ബി ജെ പി. വിമതരായ മൂന്ന് കോണ്ഗ്രസ് എം എല് എമാരുടെ വോട്ടും ജെജപി, ഹരിയാന ലോക് ഹിത് പാര്ട്ടി എന്നിവരുടെയും ചില സ്വതന്ത്രുടെയും പിന്തുണ കിട്ടിയാല് ജയിക്കാം എന്നാണ് ബി ജെ പിയുടെ കണക്കുകൂട്ടല്. മഹാരാഷ്ട്രയിലും സമാനമാണ് അവസ്ഥ. ഇവിടെ ജയിക്കാന് വേണ്ടത് 42 വോട്ടാണ്.
മഹാ വികാസ് അഘാഡിയ്ക്ക് 152 സീറ്റും ബി ജെ പിയ്ക്ക് 106 സീറ്റുമുണ്ട്. മഹാ വികാസ് അഘാഡിയിലെ എന് സി പി, കോണ്ഗ്രസ്, ശിവസേന എന്നിവര്ക്ക് ഓരോ സീറ്റില് ജയിക്കാം. ബി ജെ പിയ്ക്ക് രണ്ട് സീറ്റിലും ജയിക്കാം. കര്ണ്ണാടകയില് നാല് സീറ്റുകളിലേക്ക് ആറ് സ്ഥാനാര്ത്ഥികള് മത്സരിക്കുന്നുണ്ട്. ജയിക്കാന് വേണ്ടത് 45 വോട്ടുകളാണ്.
ബി ജെ പിക്ക് രണ്ടും, കോണ്ഗ്രസിന് ഒന്നും സീറ്റില് ജയിക്കാം. നാലാമത് സീറ്റിലേക്ക് ജയിക്കാം എന്നായിരുന്നു ജെ ഡി എസിന്റെ കണക്ക് കൂട്ടല്. എന്നാല് ജെ ഡി എസിനെ പ്രതിരോധത്തിലാക്കാന് കോണ്ഗ്രസും ബി ജെ പിയും സ്ഥാനാര്ത്ഥികളെ മത്സരിപ്പിക്കുന്നുണ്ട്.
അത് ശരി.. ഈ ചിത്രത്തിന് ഇത്രേം അര്ത്ഥമുണ്ടായിരുന്നല്ലേ...; അഞ്ജു കുര്യന്റെ ചിത്രങ്ങള് കണ്ടോ
-
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ്
Click it and Unblock the Notifications
Sign in with Google