ജമ്മു കശ്മീരിലെ രാഷ്ട്രപതി ഭരണത്തിന് സാധുതയുണ്ടോ? 40 വര്ഷം മുമ്പുള്ള സുപ്രീംകോടതി വിധി പറയുന്നത്
ന്യൂദല്ഹി: നാല് പതിറ്റാണ്ട് മുന്പ് സുപ്രീം കോടതി പുറപ്പെടുവിച്ച വിധി ജമ്മു കശ്മീരിലെ രാഷ്ട്രപതി ഭരണത്തെ എതിര്ക്കുന്നതാണെന്ന് മുതിര്ന്ന അഭിഭാഷകന് ശേഖര് നാഫഡെ. ജമ്മു കശ്മീരിലെ ഭരണഘടനാ സംവിധാനങ്ങളുടെ തകര്ച്ചയാണ് രാഷ്ട്രപതി ഭരണത്തിലേക്ക് നയിച്ചതെന്ന കേന്ദ്രസര്ക്കാരിന്റെ അവകാശവാദത്തെ സാധൂകരിക്കുന്നതല്ല 42 വര്ഷം മുന്പ് സുപ്രീംകോടതിയുടെ ഭരണഘടനാ ബെഞ്ച് പുറപ്പെടുവിച്ച ഉത്തരവെന്ന് ശേഖര് നാഫഡെ ചൂണ്ടിക്കാട്ടി.
2018 ഡിസംബറില് ആര്ട്ടിക്കിള് 356 പ്രകാരമാണ് ജമ്മു കശ്മീര് രാഷ്ട്രപതി ഭരണത്തിലേക്ക് എത്തിയത് എന്നായിരുന്നു കേന്ദ്രം അവകാശപ്പെട്ടിരുന്നത്. ഇതാണ് പിന്നീട് ആര്ട്ടിക്കിള് 370 റദ്ദാക്കുന്നതിലേക്ക് നയിച്ചത്. എന്നാല് 1971 ലെ കെഎന് രാജഗോപാല്-എം കരുണാനിധി കേസിലെ വിധി പ്രകാരം കശ്മീരില് രാഷ്ട്രപതി ഭരണം ഏര്പ്പെടുത്താനുള്ള സാധുതയാണ് ഹര്ജിക്കാര്ക്ക് വേണ്ടി ഹാജരായ നാഫഡെ ചോദ്യം ചെയ്തത്.
ഒരു ഖണ്ഡിക മാത്രമുള്ള ഈ വിധി ശേഖര് നഫാഡെ ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ അഞ്ചംഗ ബെഞ്ചിന് മുമ്പാകെ ഹാജരാക്കി. ഗവര്ണര് ഒരു സംസ്ഥാനത്തിന്റെ നിയമസഭ പിരിച്ചുവിട്ട് സംസ്ഥാനത്തിന്റെ അധികാരം ഏറ്റെടുത്തുകഴിഞ്ഞാല് ഭരണഘടനാ സംവിധാനങ്ങളുടെ പരാജയം അവകാശപ്പെട്ട് രാഷ്ട്രപതിക്ക് അധികാരം ഏറ്റെടുക്കാന് സാധിക്കില്ലെന്നാണ് ഈ വിധിയില് പറയുന്നത്.
സംസ്ഥാനത്തിന്റെ ഭരണം താന് നിയമിച്ച ഗവര്ണറുടെ പക്കലായിരിക്കുമ്പോള് ഭരണഘടനാ സംവിധാനത്തിന്റെ തകര്ച്ച ഉണ്ടായതായി രാഷ്ട്രപതി അവകാശപ്പെടുന്നത് അസംബന്ധമാണ് എന്ന് നഫാഡെ പറഞ്ഞു. ഗവര്ണര് തിരഞ്ഞെടുക്കപ്പെടുന്ന ആളല്ല എന്നും ആര്ട്ടിക്കിള് 155 പ്രകാരം രാഷ്ട്രപതിയാണ് അദ്ദേഹത്തെ നിയമിക്കുന്നത് എന്നും നഫാഡെ ചൂണ്ടിക്കാട്ടി. സംസ്ഥാനത്തെ ഭരണഘടനാ സംവിധാനങ്ങള് പരാജയപ്പെട്ടാല് ആര്ട്ടിക്കിള് 356 ചില വ്യവസ്ഥകള് നല്കുന്നു.
എന്നാല് അസംബ്ലി പിരിച്ചുവിട്ട് കഴിഞ്ഞാല് ആര്ട്ടിക്കിള് 356-നുള്ളില് ഭരണഘടനാ സംവിധാനത്തിന്റെ പരാജയം സംഭവിക്കുന്നില്ല എന്നും ചീഫ് ജസ്റ്റിസ് എസ്എം സിക്രി, 1971 മാര്ച്ച് 17-ന് പുറപ്പെടുവിച്ച വിധിന്യായത്തില് പറയുന്നുണ്ട്. ജമ്മു കശ്മീര് ഭരണഘടനയുടെ സെക്ഷന് 53(2) പ്രകാരം ഗവര്ണര് 2018 നവംബര് 21-ന് സംസ്ഥാന നിയമസഭ പിരിച്ചുവിട്ടു. ഒരു മാസത്തിന് ശേഷം ഡിസംബര് 19 ന് ആര്ട്ടിക്കിള് 356 പ്രകാരം രാഷ്ട്രപതി ഭരണം പ്രഖ്യാപിച്ചു.
2019 ജനുവരി മൂന്നിന് രാഷ്ട്രപതിയുടെ പ്രഖ്യാപനം പാര്ലമെന്റ് അംഗീകരിച്ചു. 2019 ജൂലൈ 3 മുതല് പ്രാബല്യത്തില് വരുന്ന വിധത്തില് ജമ്മു കശ്മീരില് രാഷ്ട്രപതി ഭരണം ആറ് മാസത്തേക്ക് നീട്ടി. 2019 ഓഗസ്റ്റ് 5-ന് ് ഇന്ത്യന് ഭരണഘടനയില് ആര്ട്ടിക്കിള് 367(4) എന്ന പുതിയ വ്യവസ്ഥ ഉള്പ്പെടുത്തിയുള്ള ഭരണഘടനാ ഉത്തരവ് രാഷ്ട്രപതി പുറപ്പെടുവിച്ചു. ഇത് ആര്ട്ടിക്കിള് 370(3)ലെ വ്യവസ്ഥയിലെ സംസ്ഥാനത്തിന്റെ ഭരണഘടനാ അസംബ്ലി എന്ന പ്രയോഗത്തിന് പകരം സംസ്ഥാന നിയമസഭ എന്നാക്കി മാറ്റി.
അതേ ദിവസം തന്നെ പാര്ലമെന്റ് ആര്ട്ടിക്കിള് 370 റദ്ദാക്കുകയും ജമ്മു കശ്മീര് സംസ്ഥാനം പുനഃസംഘടിപ്പിക്കുന്നതിനുള്ള ബില് പാസാക്കുകയും ചെയ്തു. എന്നാല് സംസ്ഥാന അസംബ്ലി പിരിച്ചുവിട്ടുകഴിഞ്ഞാല്, ഭരണസംവിധാനം പരാജയപ്പെട്ടതിന്റെ പ്രശ്നം ഉദിക്കുന്നില്ലെന്ന് നഫാഡെ പറഞ്ഞു. തത്ഫലമായി, ആര്ട്ടിക്കിള് 356 പ്രകാരം ഒരു നടപടിക്കും സാധുതയില്ല. ആര്ട്ടിക്കിള് 356 പ്രകാരമുള്ള രാഷ്ട്രപതിയുടെ ഈ പ്രഖ്യാപനം വ്യക്തമായും അധികാരപരിധിയില്ലാത്തതാണ്.
കാരണം ഗവര്ണര് നേരത്തെ തന്നെ നിയമസഭ പിരിച്ചുവിട്ട് സംസ്ഥാനത്തിന്റെ എല്ലാ അധികാരങ്ങളും ഏറ്റെടുത്തിരുന്നു എന്നും അദ്ദേഹം വാദിച്ചു. ആര്ട്ടിക്കിള് 356 ന്റെ ഉദ്ദേശ്യം ഒരു സംസ്ഥാനത്തെ സാധാരണ നില പുനഃസ്ഥാപിക്കലാണെന്നും സംസ്ഥാനത്തെ ഇല്ലാതാക്കുകയല്ലെന്നും അദ്ദേഹം കൂട്ടിച്ചേര്ത്തു. എസ്ആര് ബൊമ്മെ കേസില് 'ഭരണഘടനാപരമായ സ്ഥാപനം' എന്ന നിലയില് ഒരു സംസ്ഥാനം ആര്ട്ടിക്കിള് 356 അതിജീവിക്കണമെന്ന് ഭരണഘടനാ ബെഞ്ച് വിധിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google