Click it and Unblock the Notifications
Just In
Don't Miss
-
പുതിയ ഭൂമിയാകുമോ എന്സിലാഡസ്? ശനിയുടെ ഈ ചന്ദ്രനില് ജീവന് വേണ്ട എല്ലാ ചേരുവകളും -
വീട്ടിൽ ഇൻകം ടാക്സ് റെയ്ഡ്; കൂസലില്ലാതെ രേഖ; നടിക്കൊപ്പം ഇന്റിമേറ്റ് രംഗങ്ങളിൽ അഭിനയിച്ചപ്പോൾ; ശേഖർ സുമൻ -
IPL 2024: തലയെ വീഴ്ത്തി റുതുരാജ്, ധോണിയുടെ വമ്പന് റെക്കോഡ് തകര്ന്നു! ഇനി ഒന്നാമന് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
രാജ് കുന്ദ്ര അനുവാദമില്ലാതെ ചുംബിച്ചു, ശില്‍പ്പ ഷെട്ടിയുമായി ബന്ധത്തില്‍ വിള്ളല്‍, വെളിപ്പെടുത്തല്‍
മുംബൈ: രാജ് കുന്ദ്രയ്‌ക്കെതിരെ വന്‍ വെളിപ്പെടുത്തലുമായി നടിയും മോഡലുമായ ഷെര്‍ലിന്‍ ചോപ്ര. തന്നെ ലൈംഗിക ഉദ്ദേശത്തോടെ സ്പര്‍ശിക്കുകയും ചുംബിക്കുകയും ചെയ്തുവെന്നാണ് ഷെര്‍ലിന്റെ വെളിപ്പെടുത്തല്‍. മുംബൈ ക്രൈംബ്രാഞ്ച് നടിയുടെ മൊഴി രേഖപ്പെടുത്താനായി കഴിഞ്ഞ ദിവസം വിളിച്ചുവരുത്തിയിരുന്നു. നടി നല്‍കിയ പരാതിയിലാണ് ഞെട്ടിക്കുന്ന വെളിപ്പെടുത്തലുള്ളത്.
Recommended Video
തന്റെ ബിസിനസ് ബാനേജറെ ഡേറ്റുമായി ബന്ധപ്പെട്ട കാര്യങ്ങള്‍ സംസാരിക്കാന്‍ 2019ല്‍ രാജ് കുന്ദ്ര വിളിച്ചിരുന്നു. മാര്‍ച്ച് 27നാണ് ബിസിനസ് മീറ്റിംഗ് നടന്നത്. അതിന് ശേഷമാണ് ഈ കാര്യങ്ങള്‍ നടന്നതെന്ന് ഷെര്‍ലിന്‍ പറഞ്ഞു. ബിസിനസ് മീറ്റിംഗിന് ശേഷം ഒന്ന് പറയുക പോലും ചെയ്യാതെ എന്റെ വീട്ടിലേക്ക് രാജ് കുന്ദ്ര വന്നു. ഒരു ടെക്‌സ്റ്റ് മെസേജുമായി ബന്ധപ്പെട്ട തര്‍ക്കത്തിലാണ് രാജ് തന്റെ വീട്ടിലെത്തിയതെന്ന് ഷെര്‍ലിന്‍ ചോപ്ര പറയുന്നു.
തന്റെ എതിര്‍പ്പുകള്‍ വകവെക്കാതെ രാജ് കുന്ദ്ര തന്നെ ചുംബിച്ചുവെന്ന് ഷെര്‍ലിന്‍ വ്യക്തമാക്കി. വിവാഹം ചെയ്ത ഒരു പുരുഷനുമായി ബന്ധത്തിന് താല്‍പര്യമില്ലാത്തത് കൊണ്ടും, തന്റെ അവസരങ്ങള്‍ക്കായി മറ്റൊരാള്‍ക്കൊപ്പം സമയം ചെലവിടുന്നത് ഇഷ്ടമല്ലാത്തത് കൊണ്ട് അതിനെ എതിര്‍ത്തുവെന്നും ഷെര്‍ലിന്‍ വ്യക്തമാക്കി. നടി ശില്‍പ്പ ഷെട്ടിയുമായുള്ള തന്റെ ബന്ധത്തില്‍ വിള്ളലുണ്ടെന്ന് രാജ് കുന്ദ്ര പറഞ്ഞുവെന്ന് ഷെര്‍ലിന്‍ പറയുന്നു.
വളരെ സങ്കീര്‍ണമായ ബന്ധമാണ് അത്, വീട്ടില്‍ വളരെ സമ്മര്‍ദത്തോടെയാണ് താന്‍ ഇരിക്കുന്നതെന്നും രാജ് കുന്ദ്ര തന്നോട് പറഞ്ഞിരുന്നുവെന്നും ഷെര്‍ലിന്‍ വെളിപ്പെടുത്തി. എന്നാല്‍ താന്‍ രാജ് കുന്ദ്രയെ തള്ളിമാറ്റി ഓടി വാഷ് റൂമില്‍ കയറി വാതില്‍ അടച്ചുവെന്നും, താന്‍ ഭയന്നുപോയിരുന്നുവെന്നും ഷെര്‍ലിന്‍ പറഞ്ഞു. നേരത്തെ ഷെര്‍ലിന്‍ ചോപ്ര ഏപ്രില്‍ മാസത്തില്‍ രാജ് കുന്ദ്രയ്‌ക്കെതിരെ പരാതി നല്‍കിയിരുന്നു.
നേരത്തെ രാജ് കുന്ദ്രയുമായി ബന്ധമുള്ള ആംസ്‌പ്രൈം എന്ന കമ്പനിയെ കുറിച്ച് മഹാരാഷ്ട്ര സൈബര്‍ സെല്ലിന് വിവരങ്ങള്‍ നല്‍കിയത് ഷെര്‍ലിന്‍ ചോപ്രയാണ്. കേസില്‍ ഇതുവരെ പതിനൊന്ന് പേരാണ് അറസ്റ്റിലായത്. നേരത്തെ ശില്‍പ്പ ഷെട്ടിയും രാജ് കുന്ദ്രയ്‌ക്കെതിരെ തെളിവെടുപ്പിന് എത്തിച്ചപ്പോള്‍ തട്ടിക്കയറിയിരുന്നു. അവസരങ്ങള്‍ ഒരുപാട് ഈ കേസ് കാരണം നഷ്ടപ്പെട്ടുവെന്നും, നേരത്തെ പറഞ്ഞ് ഉറപ്പിച്ച പല പരിപാടികളില്‍ നിന്നും ഒഴിവാക്കിയെന്നും, ബിസിനസില്‍ തകര്‍ച്ച നേരിടുകയും ധനനഷ്ടം ഉണ്ടാവുകയും ചെയ്തുവെന്ന് ശില്‍പ്പ ഷെട്ടി പറഞ്ഞിരുന്നു.
അതേസമയം കേസില്‍ ശില്‍പ്പ ഷെട്ടിയെ കുറ്റവിമുക്തമാക്കിയിട്ടില്ലെന്ന് പോലീസ് പറയുന്നു. എന്നാല്‍ നടിയെ കേസുമായോ രാജ് കുന്ദ്രയ.ുടചെ സാമ്പത്തിക ഇടപാടുകളുമായോ ബന്ധിപ്പിക്കാനാവുന്ന യാതൊരു തെളിവും ലഭിച്ചിട്ടില്ല. അതേസമയം യുട്യൂബില്‍ അപ്ലോഡ് ചെയ്ത വീഡിയോക്കെതിരെ മാനനഷ്ടക്കേസുമായി കോടതിയെ സമീപിച്ചിരിക്കുകയാണ് നടി. ഈ വീഡിയോകള്‍ നീക്കം ചെയ്യാന്‍ ബോംബെ ഹൈക്കോടതി ആവശ്യപ്പെട്ടിരിക്കുകയാണ്. എന്നാല്‍ കേസ് റിപ്പോര്‍ട്ട് ചെയ്യുന്നതില്‍ നിന്ന് മാധ്യമങ്ങളെ വിലക്കാനാവില്ലെന്നും കോടതി പറഞ്ഞു.
