മെട്രോയില് നിന്നും 100 കണക്കിന് ഫോണുകള് മോഷ്ടിച്ച ഒരു കുടുംബത്തിലെ 14 പേര് പിടിയില്
ദില്ലി മെട്രോ ട്രെയിന് യാത്രയില് മാത്രമല്ല മോഷണത്തിലും മുന്പന്തിയിലാണ്
Recommended Video
ദില്ലി: ദില്ലി മെട്രോ ട്രെയിന് യാത്രയില് മാത്രമല്ല മോഷണത്തിലും മുന്പന്തിയിലാണ്. ഓരോ ദിവസവും യാത്രക്കാരില് നിന്നും പണവും മൊബൈല് ഫോണുകളും ലാപ്ടോപ്പുകളുമെല്ലാം മോഷ്ടിക്കപ്പെടുന്നു. സ്ത്രീകളും യുവാക്കളും കുട്ടികളുമെല്ലാം മോഷണത്തില് പങ്കാളികളാണ്. പലരും പോലീസ് പിടിയിലായിട്ടുമുണ്ട്.
കഴിഞ്ഞദിവസം ഒരു കുടുംബത്തിലെ 14 പേരെ ഒരുമിച്ച് മോഷണക്കേസില് പിടികൂടിയത് പോലീസിനെ പോലും അമ്പരപ്പിച്ചു. ആഗ്രയിലെ വിഷ്ണുപുര ഗ്രാമത്തില് നിന്നുള്ളവരാണ് പിടിയിലായത്. ഇവരില് എട്ട് മുതിര്ന്നവരും ആറ് പ്രായപൂര്ത്തിയാകാത്തവരും ഉള്പ്പെടും. തിങ്കളാഴ്ച മോഷ്ടിച്ച 9 ഫോണുകളും ഇവരില് നിന്നും കണ്ടെടുത്തു.
ഒരു ദിവസം 25ഓളം മൊബൈല് ഫോണുകള് മോഷ്ടിക്കുന്ന സംഘമാണിതെന്ന് പോലീസ് പറയുന്നു. നേരത്തെയുള്ള പല മോഷണത്തിന് പിന്നലും ഇവരാണെന്ന് സംശയിക്കുന്നു. ഇവരുടെ ഗ്രാമത്തില് നിന്നും വേറെയും ചിലര് മോഷണത്തിനായി ദില്ലിയിലുണ്ട്. എന്നാല് ഒരു സംഘമായി മോഷ്ടിക്കുന്ന ഇത്തരത്തിലൊരു കുടുംബം ഇന്ത്യയില് പോലും അപൂര്വമായിരിക്കുമെന്നാണ് പോലീസ് പറയുന്നത്.