Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ത്രിപുരയില്‍ പ്രതിപക്ഷം സീറ്റുകള്‍ വീതംവച്ചു; കോണ്‍ഗ്രസ് 13 സീറ്റില്‍ മല്‍സരിക്കും, സിപിഎം 43 സീറ്റില്‍
ബിജെപിയെ പരാജയപ്പെടുത്തുക എന്ന ലക്ഷ്യത്തോടെയാണ് ത്രിപുരയില്‍ കോണ്‍ഗ്രസും സിപിഎമ്മും കൈകോര്‍ത്തിരിക്കുന്നത്‌
അഗര്‍ത്തല: ത്രിപുര നിയമസഭാ തിരഞ്ഞെടുപ്പില്‍ സിപിഎം, കോണ്‍ഗ്രസ്, ഇടതു പാര്‍ട്ടികള്‍ എന്നിവരുടെ സഖ്യം സീറ്റുകള്‍ പങ്കുവച്ചു. കോണ്‍ഗ്രസ് 13 സീറ്റില്‍ മല്‍സരിക്കും. ഒരു സീറ്റ് സ്വതന്ത്രന് കൈമാറി. ബാക്കി സീറ്റുകളില്‍ ഇടതുപക്ഷമാണ് മല്‍സരിക്കുക. ഇതില്‍ 43 സീറ്റില്‍ സിപിഎം മല്‍സരിക്കും. ബാക്കി ആര്‍എസ്പി, സിപിഐ, ഫോര്‍വേഡ് ബ്ലോക്ക് എന്നിവര്‍ ഓരോ സീറ്റിലും മല്‍സരിക്കും. 60 അംഗ നിമയസഭയാണ് ത്രിപുരയിലേത്.
അഗര്‍ത്തലയില്‍ സിപിഎം ആസ്ഥാനത്ത് വിളിച്ചുചേര്‍ത്ത വാര്‍ത്താസമ്മേളനത്തിലാണ് സീറ്റ് പങ്കുവച്ച കാര്യം നേതാക്കള്‍ അറിയിച്ചത്. വരുന്ന നിയമസഭാ തിരഞ്ഞെടുപ്പില്‍ എട്ട് സിപിഎം സിറ്റിങ് എംഎല്‍എമാര്‍ മല്‍സരിക്കില്ലെന്ന് ഇടതുപക്ഷ കണ്‍വീനര്‍ നാരായണ്‍ കര്‍ പറഞ്ഞു. മുന്‍ മുഖ്യമന്ത്രി മണിക് സര്‍ക്കാരും ഇതില്‍പ്പെടും. നാല് തവണ ത്രിപുരയുടെ മുഖ്യമന്ത്രിയായ വ്യക്തിയാണ് മണിക് സര്‍ക്കാര്‍. മുന്‍ മന്ത്രിമാരായ ഭാനുലാല്‍ സാഹ, സഹിദ് ചൗധരി, ബാദല്‍ ചൗധരി, തപന്‍ ചക്രവര്‍ത്തി, എംഎല്‍എമാരായ നാരായണ്‍ ചന്ദ്ര ചൗധരി, ജഷ്ബിര്‍ ത്രിപുര, മബസര്‍ അലി എന്നിവരും മല്‍സരിക്കില്ല.
24 പുതുമുഖങ്ങളെ മല്‍സരിപ്പിക്കാന്‍ ഇടതുപക്ഷം തീരുമാനിച്ചു. ഇതില്‍ രണ്ടു പേര്‍ വനിതകളായിരിക്കും. മണിക് സര്‍ക്കാര്‍ മല്‍സരിച്ചിരുന്ന ധാന്‍പൂരില്‍ പുതുമുഖ സ്ഥാനാര്‍ഥി കൗശിക് ചന്ദ ജനവിധി തേടുമെന്നും സിപിഎം നേതാക്കള്‍ പറഞ്ഞു. കോണ്‍ഗ്രസുമായി സഖ്യം ചേര്‍ന്ന് മല്‍സരിക്കാന്‍ സിപിഎം നേതൃത്വം തീരുമാനിച്ചിരുന്നു. ബിജെപിയെ പരാജയപ്പെടുത്തുക എന്ന ലക്ഷ്യത്തോടെയാണ് ഈ നീക്കം.
അതേസമയം, കോണ്‍ഗ്രസിന്റെ തിരഞ്ഞെടുപ്പ് സമിതി യോഗം ഡല്‍ഹിയില്‍ നടക്കുകയാണ്. ഇതില്‍ പങ്കെടുക്കുന്നതിന് ഡല്‍ഹിയിലാണ് കോണ്‍ഗ്രസ് സംസ്ഥാന അധ്യക്ഷന്‍ ബിരജിത് സിന്‍ഹയും സുദീപ് റോയ് ബര്‍മന്‍ എംഎല്‍എയും. ഇന്നോ നാളെയോ 13 സ്ഥാനാര്‍ഥികളുടെ പട്ടികയ്ക്ക് അന്തിമ രൂപം നല്‍കുമെന്ന് കോണ്‍ഗ്രസ് നേതാവ് ആശിശ് കുമാര്‍ സാഹ പറഞ്ഞു.
ഫെബ്രുവരി 16നാണ് ത്രിപുര നിയമസഭാ തിരഞ്ഞെടുപ്പ്. മേഘാലയ, നാഗാലാന്റ് എന്നീ സംസ്ഥാനങ്ങളിലും തിരഞ്ഞെടുപ്പ് നടക്കുന്നുണ്ട്. എല്ലാ സംസ്ഥാനങ്ങളിലെയും ഫലം മാര്‍ച്ച് രണ്ടിന് പ്രഖ്യാപിക്കും.
