സൗദിയിലേക്ക് ഹൂത്തി മിസൈലാക്രമണം വീണ്ടും; ഇന്ത്യക്കാരന് പരിക്ക്
റിയാദ്: സൗദിയെ ലക്ഷ്യമാക്കി യമനിലെ ഹൂത്തി വിമതര് വീണ്ടും മിസൈല് ആക്രമണം നടത്തി. അതിര്ത്തി പ്രദേശമായ നജ്റാന് ലക്ഷ്യമാക്കി വന്ന മിസൈല് തകര്ത്തതായി സൗദി അറേബ്യ അവകാശപ്പെട്ടു. തകര്ന്ന മിസൈലിന്റെ അവശിഷ്ടം പതിച്ച് നജ്റാനിലെ ഒരു ഇന്ത്യക്കാരന് പരിക്കേറ്റതായും സിവില് ഡിഫന്സ് വക്താവ് കാപ്റ്റന് അബ്ദുല് ഖാലിഖ് അല് ഖഹ്ത്താനി അറിയിച്ചു. പരിക്കേറ്റ ഇന്ത്യക്കാരനെ കുറിച്ചുള്ള കൂടുതല് വിവരങ്ങള് ലഭ്യമല്ല. അതേസമയം, നജ്റാനിലെ സൗദി സൈനിക താവളം ലക്ഷ്യമാക്കി നടത്തിയ ആക്രമണത്തില് വലിയ നാശ നഷ്ടങ്ങളുണ്ടായതായി ഹൂത്തി വിമതര് അവകാശപ്പെട്ടു.
ജിസാനിലെ ജനവാസ കേന്ദ്രം ലക്ഷ്യമാക്കി ഹൂതികള് കഴിഞ്ഞ ദിവസം തൊടുത്തു വിട്ട മിസൈല് സഊദി റോയല് വ്യോമ പ്രതിരോധ സേന ആകാശത്ത് വെച്ച് തന്നെ തകര്ത്തതിനു പിന്നാലെയാണ് പുതിയ ആക്രമണമുണ്ടായിരിക്കുന്നത്. വ്യാഴാഴ്ച രാത്രി 9:35 ഓടെയായിരുന്നു ജിസാനിലെ ആക്രമണം. ലക്ഷ്യസ്ഥാനത്ത് എത്തുന്നതിന് മുമ്പ് മിസൈല് തകര്ക്കാന് കഴിഞ്ഞതിനാല് വന് ദുരന്തം ഒഴിവാവുകയായിരുന്നു. കഴിഞ്ഞ ഞായറാഴ്ച അര്ദ്ധ രാത്രി ഹൂതികള് നടത്തിയ മിസൈലാക്രമണങ്ങളില് ഒരാള് കൊല്ലപ്പെട്ടിരുന്നു.
പ്രകോപന പരമായ നടപടിക്ക് പിന്നില് ഇറാന് പിന്തുണയുള്ള ഹൂതികളാണെന്നും ഇറാന് ആയുധങ്ങളാണ് ഹൂതികള് ഉപയോഗിക്കുന്നതെന്ന് നേരത്തെ തന്നെ തെളിഞ്ഞതായും സൗദി സഖ്യ സേന വക്താവ് കേണല് തുര്ക്കി അല്മാലികി വ്യക്തമാക്കിയതായി സഊദി വാര്ത്താ ഏജന്സി റിപ്പോര്ട്ട് ചെയ്തു. ജനവാസ കേന്ദ്രങ്ങളിലേക്ക് മിസൈലാക്രമണം നടത്തുന്നത് യുഎന് പ്രമേയങ്ങളുടെയും അന്താരാഷ്ട്ര നിയമങ്ങളുടെയും വ്യക്തമായ ലംഘനമാണെന്നും അദ്ദേഹം കൂട്ടിച്ചേര്ത്തു. ഹൂത്തി മിസൈലാക്രമണങ്ങളെ യുഎന്നും വിവിധ രാഷ്ട്രങ്ങളും ശക്തമായ അപലപിച്ചിരുന്നു. 2015 ജൂണ് ആറു മുതല് ഇതുവരെ 105 ബാലിസ്റ്റിക് മിസൈല് സഊദിയിലേക്ക് യമനിലെ ഇറാന് പിന്തുണയോടെ പ്രവര്ത്തിക്കുന്ന ഹൂതികള് പ്രയോഗിച്ചതായാണ് കണക്കുകള്.
-
ഇറാന്റെ അടുത്ത പണി; ബാബ് അല്-മന്ദേബ് കടലിടുക്ക് തടയുമെന്ന് മുന്നറിയിപ്പ് -
ഇറാന്റെ പരമോന്നത നേതാവാകാന് എന്നെ നിര്ബന്ധിക്കുന്നു; യുദ്ധഭീതിക്കിടെ 'വെടിപൊട്ടിച്ച്' ട്രംപ്: എന്റെ മറുപടി.. -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
ഹിറ്റ്ലറെ വിറപ്പിച്ച ആ അമേരിക്കൻ സൈന്യം ഇറാനിലേക്ക്; വൻ യുദ്ധത്തിന് കളമൊരുങ്ങുന്നു? -
ഇറാനെ വരുതിയിലാക്കാന് അമേരിക്ക; ചര്ച്ചകള്ക്കിടയിലും ആക്രമണം തുടര്ന്ന് ഇസ്രായേലും ഇറാനും -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000
Click it and Unblock the Notifications
Sign in with Google