കീമോതെറാപ്പിയോട് പ്രതികരിക്കുന്നില്ല; പെലെ ഗുരുതരാവസ്ഥയില്, പ്രാര്ത്ഥനയോടെ ഫുട്ബോള് ലോകം
സാവോപോളോ: ഫുട്ബോള് ഇതിഹാസം പെലയെ ഗുരുതരാവസ്ഥയില് ആശുപത്രിയില് തുടരുന്നു. അടിയന്തര സാഹചര്യമില്ലെന്ന് മകള് നേരത്തെ അറിയിച്ചെങ്കിലും നില വഷളായെന്നാണ് പുറത്തുവരുന്ന റിപ്പോര്ട്ട്. ഏറ്റവും പുതിയ റിപ്പോര്ട്ടുകള് പ്രകാരം, ക്യാന്സറിനുള്ള കീമോതെറാപ്പിയോട് പെലെ ഇപ്പോള് പ്രതികരിക്കുന്നില്ല, തുടര്ന്ന് 'പാലിയേറ്റീവ് കെയറിലേക്ക്' മാറ്റിയെന്നാണ് ആന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്.
ക്യാന്സര് ചികിത്സ ആശുപത്രിയിലേക്ക് കൊണ്ടുപോയെങ്കിലും ശ്വാസകോശത്തില് അണുബാധയുണ്ടെന്ന് കണ്ടെത്തി. കഴിഞ്ഞ വര്ഷമാണ് പെലയ്ക്ക് വന് കുടലില് ക്യാന്സര് ബാധിതനായെന്ന വാര്ത്ത പുറത്തുവരുന്നത്. ഇപ്പോള് കീമോതെറാപ്പി താല്ക്കാലികമായി നിര്ത്തിവച്ചിരിക്കുകയാണ്, വേദനയും ശ്വാസതടസ്സവും പോലുള്ള രോഗലക്ഷണങ്ങള്ക്ക് മാത്രം ചികിത്സിക്കുന്ന അദ്ദേഹത്തെ പാലിയേറ്റീവ് കെയറിലേക്ക് മാറ്റിയിരിക്കുകയാണ്.
കഴിഞ്ഞ ദിവസമാണ് 82കാരനായ പെലയെ ആശുപത്രിയില് പ്രവേശിപ്പിച്ചത്. കാന്സറിന് ചികിത്സ തേടുന്ന പെലയെ ഹൃദയ സംബന്ധമായ അസുഖങ്ങളും അലട്ടുന്നുണ്ടെന്നാണ് റിപ്പോര്ട്ട്. തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. സോഷ്യല് മീഡിയയിലൂടെ മകളാണ് ഇക്കാര്യം അറിയിച്ചത്.
ബ്രസീലിനായി മൂന്ന് തവണ ഫുട്ബോള് ലോകകപ്പ് നേടിയ ഇതിഹാസ താരമാണ് പെലെ. ലോകം കണ്ട ഏറ്റവും മികച്ച ഫുട്ബോള് കളിക്കാരില് ഒരാളാണ്. ആക്രമണ ഫുട്ബോളിന്റെ സൗന്ദര്യമാര്ന്ന ശൈലി ലോകത്തിനു കാട്ടിക്കൊടുത്ത അദ്ദേഹത്തെ കറുത്ത മുത്ത് എന്നാണ് ലോകം വിളിക്കുന്നത്.
പന്തടക്കത്തിലും ഇരുകാലുകള്ക്കൊണ്ടുമുള്ള ഷൂട്ടിങ്ങിലും അവസരങ്ങള് ഗോളാക്കി മാറ്റുന്നതിലും പെലെ വലിയ മികവു പ്രകടിപ്പിച്ചിരുന്നു . ആയിരത്തിലേറെ ഗോളുകള് സ്വന്തം പേരില്ക്കുറിച്ചിട്ടുണ്ട്. കളിക്കളത്തില് എതിരാളികളുടെ ചലനങ്ങള് മുന്കൂട്ടി അറിയുന്നതിനൊപ്പം രണ്ട് കാലുകളാലും പന്ത് അടിക്കുന്നതില് പെലെ മിടുക്കനായിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google