ഉഷ്ണ തരംഗത്തില് വീര്പ്പുമുട്ടി യൂറോപ്പ്; കാട്ടുതീ പടരുന്നു, 1000ല് കൂടുതല് മരണം
ലണ്ടന്: കടുത്ത ഉഷ്ണ തരംഗത്തില് വീര്പ്പുമുട്ടുകയാണ് യൂറോപ്പ്. റെക്കോര്ഡ് ചൂടിന്റെ ഫലമായി കുറഞ്ഞത് 1,500 പേര് മരിച്ചെന്ന റിപ്പോര്ട്ടുകലാണ് പുറത്തുവരുന്നത്. ഉഷ്ണ തരംഗത്തെ തുടര്ന്ന് കാട്ടുതീ പൊട്ടിപ്പുറപ്പെടുകയും നഗരങ്ങളിലെ ജനജീവിതം സ്തംഭിക്കുകയും ചെയ്തിട്ടുണ്ട്. പോര്ച്ചുഗലില് 1,000-ത്തിലധികം ചൂടുമായി ബന്ധപ്പെട്ട മരണങ്ങള് അധികൃതര് രേഖപ്പെടുത്തിയിട്ടുണ്ട്.
നിലവിലെ ഉഷ്ണ തരംഗത്തിന്റെ ഫലമായി പോര്ച്ചുഗലില് 1,000-ത്തിലധികം ആളുകള് മരിച്ചു, താപനില തുടരുന്നതിനാല് കാലാവസ്ഥാ വ്യതിയാനത്തിന്റെ പ്രത്യാഘാതങ്ങളെ നേരിടാന് രാജ്യം തയ്യാറാകണമെന്ന് ആരോഗ്യമന്ത്രി ചൊവ്വാഴ്ച മുന്നറിയിപ്പ് നല്കി. ചൊവ്വാഴ്ച, യുകെയിലെ താപനില ചരിത്രത്തില് ആദ്യമായി 40 ഡിഗ്രി സെല്ഷ്യസ് കവിഞ്ഞു.
മട്ടന് ബിരിയാണിയാണോ ഇന്നത്തെ ഡിഷ്; അമലയുടെ ചിത്രത്തില് ആരാധകര്, വൈറല്
ഇത് ലണ്ടനില് വലിയ അടിയന്തരാവസ്ഥ പ്രഖ്യാപിക്കാന് നിര്ബന്ധിതരായി. യുകെയിലെ ജൂലൈയിലെ ശരാശരി താപനില പകല് സമയത്ത് 21 ഡിഗ്രി സെല്ഷ്യസ് മുതല് രാത്രി 12 ഡിഗ്രി സെല്ഷ്യസ് വരെ വ്യത്യാസപ്പെടുന്നു. ഇതുമായി താരതമ്യം ചെയ്യുമ്പോള് ഇപ്പോഴത്തെ താപനില സഹിക്കാവുന്നതിവും അപ്പുറമാണ്. കടുത്ത പ്രതിസന്ധിയാണ് യൂറോപ്പ് നഗരങ്ങളിലെ ജനങ്ങള് നേരിടുന്നത്.
വിവിധയിടങ്ങളില് തീപ്പിടുത്തവും രൂക്ഷമാകുന്നുണ്ട്. തീ നിയന്ത്രിക്കുന്നതിനായി പല സ്ഥലങ്ങളിലും ഫയര് എന്ജിനുകള് ക്രമീകരിച്ചിട്ടുണ്ടെന്ന് ലണ്ടന് ഫയര് ബ്രിഗേഡ് അറിയിച്ചു. ഇപ്പോഴത്തെ ഉഷ്ണ തരംഗം വിമാനത്താവളങ്ങളുടെ പ്രവര്ത്തനത്തെ വരെ കാര്യമായി ബാധിച്ചിട്ടുണ്ട്.
ഫ്രാന്സ്, പോര്ച്ചുഗല്, സ്പെയിന്, ഗ്രീസ് എന്നിവിടങ്ങളില് നിന്ന് ആയിരക്കണക്കിന് ആളുകളെയാണ് മാറ്റിപ്പാര്പ്പിപ്പിച്ചത്. ചൂട് വരും ദിവസങ്ങളിലും ഇനിയും കൂടാനാണ് സാധ്യത. ഫ്രാന്സില് പല സ്ഥലങ്ങളിലും കാട്ടുതീ ഇപ്പോഴും അണയ്ക്കാന് സാധിച്ചിട്ടില്ല.
അതേസമയം, യൂറോപ്പിനെ വിറപ്പിക്കുന്ന ഉഷ്ണ തരംഗം 2060 വരെ തുടരുമെന്നാണ് ഐക്യരാഷ്ട്ര സഭ നല്കുന്ന മുന്നറിയിപ്പ്. അന്തരീക്ഷത്തിലേക്ക് കൂടുതല് കാര്ബണ് ഡൈ ഓക്സൈഡ് പുറന്തള്ളുന്ന രാജ്യങ്ങള്ക്കുള്ള മുന്നറിയിപ്പാണ് ഇപ്പോഴത്തെ ഉഷ്ണതരംഗമെന്നും യുഎന്നിന്റെ കീഴിലുള്ള വേള്ഡ് മെറ്റീരിയോളജിക്കല് ഓര്ഗനൈസേഷന് നല്കുന്ന മുന്നറിയിപ്പില് വ്യക്തമാക്കുന്നു.
Click it and Unblock the Notifications
Sign in with Google