Click it and Unblock the Notifications
Just In
Don't Miss
-
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പാക് മുന്‍ പ്രധാനമന്ത്രി ഇമ്രാന്‍ ഖാന് വെടിയേറ്റു; ആശുപത്രിയിലേക്ക് മാറ്റി
ഇസ്ലാമാബാദ്: പാകിസ്ഥാന്‍ മുന്‍ പ്രധാനമന്ത്രി ഇമ്രാന്‍ ഖാന് വെടിയേറ്റു. ഫ്രീഡം റാലിയില്‍ പങ്കെടുക്കുന്നതിനിടെയാണ് വെടിയേറ്റത്. വസീറാബാദിലെ സഫര്‍ അലി ഖാന് ചൗക്കില്‍ വച്ചായിരുന്നു സംഭവം. അദ്ദേഹം ഇപ്പോള്‍ ആശുപത്രിയില്‍ ചികിത്സയിലാണെന്നാണ് വിവരം.
അതേസമയം, ഈ വെടിവയ്പ്പ് അദ്ദേഹത്തെ വധിക്കാന്‍ വേണ്ടി നടത്തിയതാണെന്ന് മുന്‍ മന്ത്രി ഫവാസ് ചൗധരി വ്യക്തമാക്കി. ആക്രമിയെ പൊലീസ് പിടികൂടിയിട്ടുണ്ടെന്നാണ് വിവരം.
ഇമ്രാന്‍ ഖാന്റെ പരിക്ക് ഗുരുതരമല്ലെന്നാണ് വിവരം. അദ്ദേഹത്തിന്റെ വലതുകാലിലാണ് വെടിയേറ്റത്. വെടിയേറ്റതിന് പിന്നാലെ കാലില്‍ ബാന്‍ഡേജ് ചുറ്റിയിരുന്നു. ഇതിന്റെ ദൃശ്യങ്ങള്‍ പുറത്തുവന്നു. ഇടക്കാല തിരഞ്ഞെടുപ്പ് ആവശ്യപ്പെട്ട് റിയല്‍ ഫ്രീഡം ലോംഗ് മാര്‍ച്ചിനിടെയാണ് സംഭവം. റാലിയുടെ ഭാഗമായി കണ്ടെയിനറില്‍ ഇമ്രാന്‍ ഖാന് സഞ്ചരിക്കുന്നതിനിടെയാണ് വേടിവയ്പ്പ് ഉണ്ടായത്.
അപകടത്തിന് ശേഷം ഇമ്രാന്‍ ഖാനെ ബുള്ളറ്റ് പ്രൂഫ് വാഹനത്തിലാണ് ആശുപത്രിയിലേക്ക് എത്തിച്ചത്. വെടിവയ്പ്പില്‍ പാര്‍ട്ടി അനുയായികള്‍ക്കും മറ്റ് നേതാക്കള്‍ക്കും വെടിയേറ്റിട്ടുണ്ട്. അവരില്‍ ഒരാള്‍, പാര്‍ലമെന്റേറിയന്‍ ഫൈസല്‍ ജാവേദ് ഖാന് ആണ്. ഇസ്ലാമാബാദില്‍ നിന്ന് 200 കിലോമീറ്റര്‍ അകലെയുള്ള ഗുജ്റന്‍വാല ജില്ലയിലാണ് സംഭവം,
വിവിധ ആവശ്യങ്ങള്‍ ഉന്നയിച്ച് ഒക്ടോബര്‍ 28ന് ആണ് ഇമ്രാന്‍ ഖാന് ലാഹോറില്‍ നിന്ന് ഇസ്ലമാബാദിലേക്ക് പ്രതിഷേധ മാര്‍ച്ച് ആരംഭിച്ചത്. അധികാരത്തില്‍ നിന്ന് പുറത്തായതിന് ശേഷം ഇമ്രാന്‍ ഖാന് നേതൃത്വത്തില്‍ വലിയ പ്രതിഷേധമാണ് നടക്കുന്നത്. ലാഹോറില്‍ ആരംഭിച്ച മാര്‍ച്ച വലിയ സമ്മേളനത്തോടെ ഇസ്ലമാബാദില്‍ അവസാനിക്കുമെന്നാണ് നേരത്തെ അറിയിച്ചിരുന്നത്.
