പാക് മുന് പ്രധാനമന്ത്രി ഇമ്രാന് ഖാന് വെടിയേറ്റു; ആശുപത്രിയിലേക്ക് മാറ്റി
ഇസ്ലാമാബാദ്: പാകിസ്ഥാന് മുന് പ്രധാനമന്ത്രി ഇമ്രാന് ഖാന് വെടിയേറ്റു. ഫ്രീഡം റാലിയില് പങ്കെടുക്കുന്നതിനിടെയാണ് വെടിയേറ്റത്. വസീറാബാദിലെ സഫര് അലി ഖാന് ചൗക്കില് വച്ചായിരുന്നു സംഭവം. അദ്ദേഹം ഇപ്പോള് ആശുപത്രിയില് ചികിത്സയിലാണെന്നാണ് വിവരം.
അതേസമയം, ഈ വെടിവയ്പ്പ് അദ്ദേഹത്തെ വധിക്കാന് വേണ്ടി നടത്തിയതാണെന്ന് മുന് മന്ത്രി ഫവാസ് ചൗധരി വ്യക്തമാക്കി. ആക്രമിയെ പൊലീസ് പിടികൂടിയിട്ടുണ്ടെന്നാണ് വിവരം.
ഇമ്രാന് ഖാന്റെ പരിക്ക് ഗുരുതരമല്ലെന്നാണ് വിവരം. അദ്ദേഹത്തിന്റെ വലതുകാലിലാണ് വെടിയേറ്റത്. വെടിയേറ്റതിന് പിന്നാലെ കാലില് ബാന്ഡേജ് ചുറ്റിയിരുന്നു. ഇതിന്റെ ദൃശ്യങ്ങള് പുറത്തുവന്നു. ഇടക്കാല തിരഞ്ഞെടുപ്പ് ആവശ്യപ്പെട്ട് റിയല് ഫ്രീഡം ലോംഗ് മാര്ച്ചിനിടെയാണ് സംഭവം. റാലിയുടെ ഭാഗമായി കണ്ടെയിനറില് ഇമ്രാന് ഖാന് സഞ്ചരിക്കുന്നതിനിടെയാണ് വേടിവയ്പ്പ് ഉണ്ടായത്.
മഞ്ജു വാര്യറില്ലാതെ ആദ്യ സാക്ഷിപ്പട്ടിക: തടസ്സം നീക്കാന് പ്രോസിക്യൂഷന്, വിചാരണ 10 ന് തുടങ്ങും
അപകടത്തിന് ശേഷം ഇമ്രാന് ഖാനെ ബുള്ളറ്റ് പ്രൂഫ് വാഹനത്തിലാണ് ആശുപത്രിയിലേക്ക് എത്തിച്ചത്. വെടിവയ്പ്പില് പാര്ട്ടി അനുയായികള്ക്കും മറ്റ് നേതാക്കള്ക്കും വെടിയേറ്റിട്ടുണ്ട്. അവരില് ഒരാള്, പാര്ലമെന്റേറിയന് ഫൈസല് ജാവേദ് ഖാന് ആണ്. ഇസ്ലാമാബാദില് നിന്ന് 200 കിലോമീറ്റര് അകലെയുള്ള ഗുജ്റന്വാല ജില്ലയിലാണ് സംഭവം,
സൗജന്യമായി ലോകകപ്പ് കാഴ്ച്ചകളൊരുക്കാന് ഖത്തര്, ആരാധകര്ക്ക് സന്തോഷവാര്ത്ത, നിബന്ധനകള് പാലിക്കണം
വിവിധ ആവശ്യങ്ങള് ഉന്നയിച്ച് ഒക്ടോബര് 28ന് ആണ് ഇമ്രാന് ഖാന് ലാഹോറില് നിന്ന് ഇസ്ലമാബാദിലേക്ക് പ്രതിഷേധ മാര്ച്ച് ആരംഭിച്ചത്. അധികാരത്തില് നിന്ന് പുറത്തായതിന് ശേഷം ഇമ്രാന് ഖാന് നേതൃത്വത്തില് വലിയ പ്രതിഷേധമാണ് നടക്കുന്നത്. ലാഹോറില് ആരംഭിച്ച മാര്ച്ച വലിയ സമ്മേളനത്തോടെ ഇസ്ലമാബാദില് അവസാനിക്കുമെന്നാണ് നേരത്തെ അറിയിച്ചിരുന്നത്.