ചരിത്ര നിമിഷത്തിന് കാതോര്ത്ത് സൗദി വനിതകള്: ഞായറാഴ്ച മുതല് അവര് ഡ്രൈവിംഗ് സീറ്റില്
റിയാദ്: ചരിത്രനിമിഷത്തില് പങ്കാളികളാകാനുള്ള തയ്യാറെടുപ്പിലാണ് സൗദിയിലെ വനിതകള്. സൗദിയിലാദ്യമായി വനിതാ ഡ്രൈവിംഗ് നിയമവിധേയമാവുന്ന ഞായറാഴ്ച തന്നെ വാഹനവുമായി ഒറ്റയ്ക്ക് പുറത്തിറങ്ങാന് പ്രതീക്ഷയോടെ കാത്തിരിക്കുകയാണവര്. നിരവധി സ്ത്രീകളാണ് കഴിഞ്ഞ ഏതാനും മാസങ്ങള്ക്കിടയില് സൗദി ഡ്രൈവിംഗ് ലൈസന്സെടുത്തത്. അന്താരാഷ്ട്ര ലൈസന്സ് കൈവശമുള്ളവര് അത് സൗദി ലൈസന്സാക്കി മാറ്റി. വലിയ സ്വാതന്ത്ര്യമാണ് ഇതിലൂടെ തങ്ങള്ക്ക് ലഭിക്കുന്നതെന്നാണ് സൗദി വനിതകളുടെ പൊതു അഭിപ്രായം.
സ്വദേശികളും വിദേശികളുമായ അരലക്ഷത്തോളം സ്ത്രീകള് ഇതിനകം ഡ്രൈവിംഗ് ലൈസന്സ് കരസ്ഥമാക്കി ഞായറാഴ്ച പുലരുന്നതും കാത്തിരിക്കുകയാണ്. കഴിഞ്ഞ വര്ഷമാണ് ഇത് സംബന്ധിച്ച രാജ വിജ്ഞാപനം ഭരണാധികാരി സല്മാന് രാജാവ് പുറത്തുവിട്ടത്. ഏറെക്കാലമായി വനിതകള് ഇക്കാര്യം ആവശ്യപ്പെട്ട് രംഗത്തെത്തിയിരുന്നെങ്കിലും ഇത് നടപ്പിലാക്കിയിരുന്നില്ല. ഒടുവില് മുഹമ്മദ് ബിന് സല്മാന് രാജകുമാരന് കിരീടവകാശിയായി വന്നതോടെ വനിതാ ഡ്രൈവിംഗിനെതിരായ നിരോധനം എടുത്തുകളയാന് തീരുമാനിക്കുകയായിരുന്നു.
ഞായറാഴ്ച വനിതകള് വാഹനങ്ങളുമായി നിരത്തിലിറങ്ങുമ്പോള് അവരെ വരവേല്ക്കാനും ആവശ്യമായ സുരക്ഷ പ്രദാനം ചെയ്യാനും രാജ്യത്തെ മുഴുവന് സുരക്ഷാ സംവിധാനങ്ങളും സജ്ജമായിക്കഴിഞ്ഞതായി അധികൃതര് അറിയിച്ചു. വാഹനാപകടങ്ങള്ക്കു പേരു കേട്ട സൗദിയില് സ്ത്രീകള് വളയം പിടിക്കാനെത്തുന്നതോടെ സുരക്ഷിത ഡ്രൈവിംഗ് സാധ്യമാവുമെന്ന പ്രതീക്ഷയിലാണ് അധികൃതര്.
അതേസമയം, ഗതാഗത നിയമ ലംഘനങ്ങളുമായി ബന്ധപ്പെട്ട ശിക്ഷകളില് വനിതകള്ക്ക് ഇളവുകള് ലഭിക്കില്ലെന്ന് ട്രാഫിക് ഡയറക്ടറേറ്റ് വ്യക്തമാക്കിയിട്ടുണ്ട്. നിയമം ലംഘിക്കുന്ന വനിതാ ഡ്രൈവര്മാര്ക്ക് എതിരെ നിലവിലെ ട്രാഫിക് നിയമപ്രകാരം കേസ് രജിസ്റ്റര് ചെയ്യും.
വനിതകള് വാഹനമോടിക്കുന്നതിന്റെ പശ്ചാത്തലത്തില് ട്രാഫിക് അപകടങ്ങള് കൈകാര്യം ചെയ്യാന് പരിശീലനം പൂര്ത്തിയാക്കി 40 വനിതകള് ഉള്പ്പെടുന്ന പ്രഥമ ബാച്ച് പുറത്തിറങ്ങിയിട്ടുണ്ട്. വിവിധ നഗരങ്ങളിലെ നജ്ം ഓഫീസ് കേന്ദ്രീകരിച്ചായിരിക്കും ഇവിടുത്തെ പ്രവര്ത്തനം.
അതേസമയം, ഡ്രൈവിംഗിനുള്ള സ്വാതന്ത്ര്യമെന്ന വനിതകളുടെ ചിരകാല ആവശ്യം നാളെ യാഥാര്ഥ്യമാവുമ്പോള് അതിന് വേണ്ടി ശബ്ദിക്കുകയും കാംപയിനുകള് സംഘടിപ്പിക്കുകയും ചെയ്ത വനിതാ ആക്ടിവിസ്റ്റുകളില് ചിലരെ സൗദി അറേബ്യ അറസ്റ്റ് ചെയ്തിരിക്കുകയാണെന്ന യാഥാര്ഥ്യം ഒരു വിരോധാഭാസമായി നിലനില്ക്കുകയാണ്.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google