യുക്രെയ്ന് മിസൈല് ആക്രമണത്തില് വിറച്ച് റഷ്യ; 400 സൈനികര് കൊല്ലപ്പെട്ടു, നിഷേധിച്ച് റഷ്യ
കീവ്: ഡൊനെറ്റ്സ്ക് മേഖലയില് മിസൈല് ആക്രമണത്തില് 400 ഓളം റഷ്യന് സൈനികര് കൊല്ലപ്പെട്ടതായി യുക്രെയ്ന് അറിയിച്ചു. എന്നാല് യുക്രെയിന്റെ അവകാശവാദത്തെ എതിര്ത്തുകൊണ്ട് റഷ്യ രംഗത്തെത്തി. തങ്ങളുടെ 63 സൈനികര് മാത്രമാണ് സ്ഫോടനത്തില് കൊല്ലപ്പെട്ടതെന്ന് വ്യക്തമാക്കി റഷ്യന് ഉന്നത ഉദ്യോഗസ്ഥര് രംഗത്തെത്തി. റഷ്യന് സൈന്യം നിലയുറപ്പിച്ചിട്ടുണ്ടെന്ന് കരുതുന്ന മകിവ്ക നഗരത്തിലെ കെട്ടിടത്തിലാണ് ആക്രമണം ഉണ്ടായത്.
യു എസ് നിര്മ്മിത ഹിമാര്സ് റോക്കറ്റ് സംവിധാനം ഉപയോഗിച്ച് റഷ്യന് സൈനികര് താമസിക്കുന്ന കെട്ടിടത്തിന് നേരെ യുക്രേനിയന് സേന ആറ് റോക്കറ്റുകള് തൊടുത്തുവിട്ടതായി തിങ്കളാഴ്ച പ്രസ്താവനയില് റഷ്യയുടെ പ്രതിരോധ മന്ത്രാലയം അറിയിച്ചു. ഇതില് രണ്ട് മിസൈലുകള് വെടിവച്ച് വീഴ്ത്തിയെന്നും റിപ്പോര്ട്ടുകളുണ്ടായിരുന്നു.
പുതുവത്സര ദിനത്തില് അര്ദ്ധരാത്രി കഴിഞ്ഞ് രണ്ട് മിനിറ്റിന് ശേഷം മിസൈല് മകിവ്കയില് പതിച്ചതായി ഡൊനെറ്റ്സ്കിന്റെ അധിനിവേശ ഭാഗങ്ങളില് റഷ്യന് പിന്തുണയുള്ള മുതിര്ന്ന ഉദ്യോഗസ്ഥന് ഡാനില് ബെസ്സോനോവ് പറഞ്ഞിരുന്നു. റഷ്യന് നിയന്ത്രിത പ്രദേശങ്ങളിലേക്കുള്ള പ്രവേശനം നിയന്ത്രിച്ചിട്ടുണ്ടെങ്കിലും, നിരവധി റഷ്യന് കമന്റേറ്റര്മാരും ബ്ലോഗര്മാരും ആക്രമണം അംഗീകരിച്ചിട്ടുണ്ട്. എന്നാല് മരണ സംഖ്യയുമായി ബന്ധപ്പെട്ട കണക്കുകള് അവകാശപ്പെട്ടതിനേക്കാള് കുറവാണെന്ന് റഷ്യ അവകാശപ്പെടുന്നത്.
400 ഓളം റഷ്യന് സൈനികര് കൊല്ലപ്പെട്ടെന്നും 300 പേര്ക്ക് പരിക്കേല്ക്കുകയും ചെയ്തതായി യുക്രേനിയന് സൈന്യം അവകാശപ്പെടുന്നത്. ആക്രമണം നടന്ന സ്ഥലത്തുനിന്നുള്ള വീഡിയോ ടെലിഗ്രാമില് വ്യാപകമായി പ്രചരിക്കുന്നുണ്ട്. യുക്രേനിയന് ചാനലില് ഉള്പ്പടെ ഇത് കാണിക്കുന്നുണ്ട്. വീഡിയോയില് അവശിഷ്ടങ്ങളുടെ കൂമ്പാരവും കെട്ടിടത്തിന്റെ ഭാഗം പൂര്ണമായും തകര്ന്നാണ് കാണിക്കുന്നത്.
അതേസമയം, യു എസ് നിര്മിത ഹിമര്സ് റോക്കറ്റുകള് ഉപയോഗിച്ചാണ് ഉക്രേനിയന് ആക്രമണം നടത്തിയതെന്ന് റഷ്യന് പ്രതിരോധ മന്ത്രാലയം അറിയിച്ചു. 'പ്രത്യക്ഷമായും, ഈ ആയുധത്തിന്റെ കഴിവുകളെക്കുറിച്ച് ഹൈക്കമാന്ഡിന് ഇപ്പോഴും അറിയില്ലെന്ന് റഷ്യയുടെ പിന്തുണയുള്ള ഡൊനെറ്റ്സ്ക് ഭരണകൂടത്തിലെ മുന് ഉദ്യോഗസ്ഥനായ ഡാനില് ബെസോനോവ് പറഞ്ഞു. ഈ തീരുമാനത്തിന് പിന്നിലുള്ളവര് ശാസിക്കപ്പെടുമെന്ന് കരുതെന്നും അദ്ദേഹം വ്യക്തമാക്കി.
അതേസമയം, റഷ്യന് സൈന്യത്തിന്റെ അധിനിവേശത്തിനെതിരെ വിജയം കൈവരിക്കുന്നത് വരെ പോരാടുമെന്ന് യുക്രെയിന് പ്രസിഡന്റ് വ്ളോഡമിര് സെലന്സ്കി അറിയിച്ചു. യുദ്ധത്തില് പങ്കെടുക്കുന്നവര്ക്ക് ആദരമര്പ്പിച്ച് നടത്തിയ പുതുവത്സര പ്രസംഗത്തില് സംസാരിക്കുകയായിരുന്നു അദ്ദേഹം. റഷ്യന് അധിനിവേശത്തിനെതിരെ യുക്രെയിന് ജനതയും സൈനകരും അവിശ്വസനീയമായ ചെറുത്തുനില്പ്പാണ് നടത്തുന്നത്. നാം എന്താണ് ചെയ്യുന്നതെന്നും എന്താണ് ചെയ്തതെന്നും നോക്കൂ. ആദ്യ നാളുകള് മുതല് നമ്മുടെ സൈനികര് എങ്ങനെയാണ് ലോകത്തിലെ രണ്ടാമത്തെ രാജ്യത്തെ തകര്ത്തതെന്ന് നോക്കൂ എന്ന് അദ്ദേഹം പറഞ്ഞു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google