വിഭാഗീയതയില് വി.എസിനൊപ്പം നിന്ന അന്ത്യനാളില് പിണറായിയെ കാണാന് കൊതിച്ച ബര്ലിന് കുഞ്ഞനന്തന് നായര്
കണ്ണൂര്: ബര്ലിന് കുഞ്ഞനന്തന് നായരുടെ നിര്യാണത്തോടെ ഇന്ത്യയിലെ കമ്യൂണിസ്റ്റ് പാര്ട്ടികള്ക്ക് നഷ്ടമാകുന്നത് മറ്റൊരു മുതിര്ന്ന നേതാവിനെ. പ്രത്യയശാസ്ത്രപരമായി ഇടത് രാഷ്ട്രീയം എന്താകണം എന്ന് ഉറച്ച ബോധ്യമുള്ളയാളായിരുന്നു ബര്ലിന് കുഞ്ഞനന്തന് നായര്. മുംബൈയില് നടന്ന കമ്യൂണിസ്റ്റ് പാര്ടിയുടെ ആദ്യ പാര്ടി കോണ്ഗ്രസില് പങ്കെടുത്ത 12 പേരില് ഒരാളായിരുന്നു ബര്ലിന് കുഞ്ഞനന്തന് നായര്.
പി കൃഷ്ണപിള്ളയുടെയും കെ പി ആര് ഗോപാലന്റെയും നേതൃത്വത്തില് രൂപംകൊണ്ട ബാലസംഘത്തിന്റെ സെക്രട്ടറിയെന്ന നിലയിലാണ് കുഞ്ഞനന്തന് നായര് പാര്ടി കോണ്ഗ്രസ് പ്രതിനിധിയായത്. ആഗോള കമ്യൂണിസ്റ്റ് നേതാക്കളുമായുള്ള ബര്ലിന് കുഞ്ഞനന്തന് നായരുടെ ബന്ധം അദ്ദേഹത്തിന്റെ ഉള്ളിലെ രാഷ്ട്രീയ കാഴ്ചപാടിനേയും വിശാലമാക്കി.
പിണറായി വിജയനെ കാണണം എന്ന ആഗ്രഹം ബാക്കിയാക്കിയാണ് ബര്ലിന് കുഞ്ഞനന്തന് മടങ്ങുന്നത്. 2005 ല് പാര്ട്ടിയില് നിന്ന് പുറത്താക്കിയെങ്കിലും 2015 ല് അദ്ദേഹത്തെ പാര്ട്ടിയില് തിരിച്ചെടുത്തിരുന്നു. എന്നാല് സി പി ഐ എമ്മില് വിഭാഗീയത കൊടി കുത്തി വാണ കാലത്ത് വി എസ് അച്യുതാനന്ദനൊപ്പമായിരുന്നു ബര്ലിന് നിന്നത്.
അക്കാലത്ത് പിണറായി വിജയനെ കടന്നാക്രമിക്കാനും അദ്ദേഹം മടിച്ചില്ല. പൊളിച്ചെഴുത്ത് എന്ന തന്റെ ആത്മകഥയില് അതിരൂക്ഷമായി പിണറായി വിജയനെ ബര്ലിന് കുഞ്ഞനന്തന് നായര് വിമര്ശിച്ചു. മുതലാളിത്തത്തിന്റെ ദത്തുപുത്രന്, ഏകാധിപതി എന്നൊക്കെ പല അവസരങ്ങളിലും പിണറായിയെ ബര്ലിന് കുഞ്ഞനന്തന് നായര് വിശേഷിപ്പിച്ചിരുന്നു.
2009 ലെ ലോക്സഭാ തെരഞ്ഞെടുപ്പില് അദ്ദേഹം കെ സുധാകരന് പരസ്യ പിന്തുണ പ്രഖ്യാപിച്ചു. അതേസമയത്ത് തന്നെ വി എസ് അച്യുതാനന്ദന് ബര്ലിന് കുഞ്ഞനന്തനെ രോഗ കിടക്കയില് പോയി കണ്ടത് പാര്ട്ടി നേതൃത്വത്തെ ചൊടിപ്പിച്ചു. ഇ എം എസിന്റെ പ്രൈവറ്റ് സെക്രട്ടറിയായിരിക്കുമ്പോള് തുടങ്ങിയതാണ് ബര്ലിന് കുഞ്ഞനന്തന് നായരും വി എസ് അച്യുതാനന്ദനും തമ്മിലുള്ള സൗഹൃദം.
പിന്നീട് പിണറായിയെ കുറിച്ചുള്ള അഭിപ്രായം ബര്ലിന് കുഞ്ഞനന്തന് നായര് തിരുത്തി. അവസാന നാളുകളില് കണ്ണിന് കാഴ്ച നഷ്ടപ്പെട്ടിരുന്നു. എന്നാലും പിണറായി വിജയനെ അടുത്തിരുന്ന് കേള്ക്കണം എന്ന് അതിയായി ആശിച്ചിരുന്നു. 1958 ല് റഷ്യയില് പോയി പാര്ട്ടി സ്കൂളില് നിന്ന് മാര്ക്സിസം ലെനിനിസത്തിലും രാഷ്ട്രീയ മീമാംസയിലും ബിരുദമെടുത്തയാളാണ് കുഞ്ഞനന്തന് നായര്.
-
'മാധ്യമങ്ങളാൽ നിർമ്മിക്കപ്പെട്ട ബിംബമല്ല പിണറായി വിജയൻ, സച്ചിദാനന്ദന്റേത് അരാഷ്ട്രീയ വാദം'; ബി ഉണ്ണികൃഷ്ണൻ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
ഉള്ളത് 84 രൂപ, ഭൂമിയില്ല, തൊഴിലില്ല- കേരളത്തിലെ ആസ്തി കുറഞ്ഞ സ്ഥാനാര്ഥി ഏറ്റുമാനൂരിലുണ്ട് -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം
Click it and Unblock the Notifications
Sign in with Google