Click it and Unblock the Notifications
Just In
Don't Miss
-
സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്? -
ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും
അനാഥാലയത്തിലേക്ക് കുട്ടികള്‍; 8 പേര്‍ അറസ്റ്റില്‍
പാലക്കാട്: അന്യസംസ്ഥാനങ്ങളില്‍ നിന്ന് കേരളത്തിലെ അനാഥാലയങ്ങളിലേക്ക് കുട്ടികളെ കൊണ്ടുവന്ന കേസില്‍ എട്ട് പേരെ പോലീസ് അറസ്റ്റ് ചെയ്തു. കുട്ടികള്‍ക്കൊപ്പം ഉണ്ടായിരുന്നു മുതിര്‍ന്നവരെയാണ് അറസ്റ്റ് ചെയ്തത്. മതിയായ രേഖകള്‍ ഹാജരാക്കാത്തതിനെ തുടര്‍ന്നാണ് നടപടി.
ബീഹാര്‍, ഝാര്‍ഖണ്ഡ്, ബംഗാള്‍ എന്നീ സംസ്ഥാനങ്ങളില്‍ നിന്നുള്ള 589 കുട്ടികളെയാണ് തീവണ്ടിയില്‍ കടത്തിക്കൊണ്ടുവന്നത്. ചൈല്‍ഡ് വെല്‍ഫെയര്‍ കമ്മിറ്റിയുടെ സഹായത്തോടെ പാലക്കാട് റെയില്‍വേ പോലീസ് ആണ് മനുഷ്യക്കടത്ത് കണ്ടുപിടിച്ചത്.
അന്യ സംസ്ഥാനങ്ങളില്‍ നിന്ന് കുട്ടികളെ വിലകൊടുത്ത് വാങ്ങിയതാണ് എന്ന് ആരോപണം ഉണ്ട്. ഇത് സംബന്ധിച്ച് ഒരു പൊതു പ്രവര്‍ത്തക പേലീസിന് വിവരങ്ങള്‍ നല്‍കിയിട്ടുണ്ട്. സര്‍ക്കാര്‍ സഹായത്തിനും മറ്റ് സര്‍ക്കാരിതര സംഘടനകളുടെ ധനസഹായത്തിനും വേണ്ടി കുട്ടികളുടെ എണ്ണം കൂട്ടാനാണ് അനാഥാലയ അധികൃതര്‍ ഇത്തരത്തില്‍ കുട്ടികളെ കടത്തിക്കൊണ്ടുവരുന്നതെന്നാണ് അന്വേഷണ ഉദ്യോഗസ്ഥര്‍ നല്‍കുന്ന വിവരം.
മുക്കത്തെ മുസ്ലീം ഓര്‍ഫനേജ് കമ്മിറ്റിയുടെ അനാഥാലയത്തിലേക്കും മലപ്പുറം വെട്ടത്തൂരിലെ അന്‍വറുല്‍ ഹുദ കോംപ്ലക്‌സ് അനാഥാലയത്തിലേക്കും ആണ് കുട്ടികളെ കൊണ്ടുവന്നത്.
അനാഥാലയങ്ങളുമായി ചേര്‍ന്ന് പ്രവര്‍ത്തിക്കുന്ന എയ്ഡഡ് സ്‌കൂളുകളില്‍ കുട്ടികളെ നിറക്കുക എന്ന ഉദ്ദേശവും ഇത്തരം മനുഷ്യക്കടത്തിന് ഉണ്ടെന്നാണ് വിവരം. ഡിവിഷന്‍ ഫാള്‍ ഒഴിവാക്കാനാണത്രെ ഇത്തരം കുട്ടികളെ ഉപയോഗിക്കുന്നത്.
അവധിക്കാലത്ത് സ്വദേശത്തേക്ക് പോയ കുട്ടികള്‍ മടങ്ങിവരികയാണെന്നായിരുന്നു ആദ്യം കൂടെയുള്ള മുതിര്‍ന്ന വ്യക്തികള്‍ നല്‍കിയ വിശദീകരണം. എന്നാല്‍ കുട്ടികളില്‍ പലര്‍ക്കും തിരിച്ചറിയല്‍ രേഖകള്‍ ഉണ്ടായിരുന്നില്ല. ബംഗ്ലാദേശ് അഭയാര്‍ത്ഥികളും ഇക്കൂട്ടത്തില്‍ ഉണ്ടെന്ന് സംശയിക്കപ്പെടുന്നു.
കൂടെ ഉണ്ടായിരുന്ന മുതിര്‍ന്നവര്‍ ഉസ്താദുമാര്‍ എന്നാണ് വിളിക്കപ്പെടുന്നത്. ഇവരെയാണ് അറസ്റ്റ് ചെയ്തത്. ഇവര്‍ കുട്ടികളോട് ക്രൂരമായാണ് പെരുമാറിയതെന്നും പറയുന്നു.
