ക്യാന്സര് വന്നപ്പോള് ചെറുപുഞ്ചിരി; മനസ്സ് തുറന്നപ്പോള് കൂട്ടച്ചിരി; ഇന്നസെന്റിന്റെ പോരാട്ടം
ചാലക്കുടി: ഇന്നസെന്റ് വിടവാങ്ങിയ ഈ ഘട്ടത്തില് ഏറ്റവും കൂടുതല് ഓര്മയിലെത്തുന്നത് അദ്ദേഹത്തിന്റെ ക്യാന്സര് പോരാട്ടമാണ്. എന്റെ വീട്ടിലെ അതിഥിയെന്നും, സുഹൃത്തെന്നുമൊക്കെയാണ് അദ്ദേഹം ക്യാന്സറിനെ വിശേഷിപ്പിച്ചത്. ക്യാന്സര് വന്നപ്പോള് അതിനെ ചെറു ചിരിയോടെയാണ് ഇന്നസെന്റ് അതിനെ കുറിച്ച് മനസ്സുതുറന്നത്.എന്നാല് ഇന്നസെന്റിന്റെ തുറന്നു പറച്ചിലുകള് പലപ്പോഴും കേരളത്തിലാകെ കൂട്ടച്ചിരികളാണ് വഴി തുറന്ന് കൊടുത്തത്.
കാരണം അത്രയക്ക് രസകരമായിട്ടായിരുന്നു അക്കാര്യങ്ങള് ഇന്നസെന്റ് അവതരിപ്പിച്ചത്. അതിലുപരി കേള്ക്കുന്നവന് മനസ്സിന് വേദന തോന്നരുത് എന്ന വിശാല ചിന്താഗതിയും അദ്ദേഹത്തിനുണ്ടായിരുന്നു.തന്റെ വീട്ടില് 8 വര്ഷത്തോളമായി ഒരു അതിഥിയുണ്ടെന്നായിരുന്നു ഇന്നസെന്റ് ക്യാന്സറിനെ കുറിച്ച് പറഞ്ഞത്. മൂന്നാം തവണ ക്യാന്സര് വന്നതോടെയാണ് ഇന്നസെന്റ് ഇത്തരത്തില് രോഗത്തെ വിശേഷിപ്പിച്ചത്.
കുട്ടിക്കാലത്ത് നമ്മള് ഒളിച്ചുകളിക്കുമ്പോള് പിടിക്കപ്പെടുന്നത് പോലെയാണ് രോഗത്തിന്റെ കാര്യം. ഇവിടെ ക്യാന്സര് ശരീരത്തില് ഒളിച്ചിരിക്കുകയാണ്. ഡോക്ടര്മാര് അതിനെ കണ്ടെത്തുമ്പോള്, കക്ഷി പുതിയ സ്ഥലം കണ്ടുപിടിക്കും. അവിടെ നിന്ന് ഓടിക്കുന്നതോടെ ശരീരത്തിലെ മറ്റേതെങ്കിലും ഭാഗത്തായിരിക്കും പുള്ളി ഒളിക്കുക. ഡോക്ടര് തന്നോട് പറഞ്ഞത് ഇന്നസെന്റ് ശരീരത്തില് വീണ്ടും കോമഡി വന്നല്ലോ എന്നാണെന്നും ഇന്നസെന്റ് പറഞ്ഞിരുന്നു.
മനസ്സില് പണ്ട് പറഞ്ഞത് മാത്രം ഓര്ത്താല് മതി, ഇതല്ല, ഇതിനപ്പുറവും ചാടിക്കടന്നവനാണീ കെകെ ജോസഫ് എന്ന് ഹാസ്യരൂപത്തില് ക്യാന്സറിനോടായി ഇന്നസെന്റ് കുറിച്ച വാക്കുകളാണ്. സത്യന് അന്തിക്കാട് സംവിധാനം ചെയ്ത പുതിയ തീരങ്ങള് എന്ന സിനിമയുടെ ചിത്രീകരണത്തിനിടെയായിരുന്നു ഇന്നസെന്റിന് ആദ്യമായി ക്യാന്സര് രോഗലക്ഷണങ്ങള് കാണിച്ച് തുടങ്ങിയത്.
എറണാകുളത്തുള്ള ഡോക്ടര് ഗംഗാധരന്റെ ചികിത്സയിലായിരുന്നു അദ്ദേഹം. 2013ല് തൊണ്ടയ്ക്കായിരുന്നു അദ്ദേഹത്തിന് അര്ബുദം ബാധിച്ചത്. ആ അനുഭവമാണ് ക്യാന്സര് വാര്ഡിലെ ചിരി എന്ന സ്വന്തം അനുഭവങ്ങള് നിറഞ്ഞ പുസ്തകം പുറത്തിറക്കാന് കാരണം.നിരവധി ക്യാന്സര് രോഗികള്ക്കാണ് ഇന്നസെന്റിന്റെ പുസ്തകം പ്രചോദനമായത്. രോഗബാധിതനായാലും അതിനെ നര്മത്തോടെ നേരിടുന്ന ശൈലിയായിരുന്നു പുസ്തകത്തിലും അദ്ദേഹം സ്വീകരിച്ചത്.
ഇന്നസെന്റ് എങ്ങനെ രോഗത്തെ ഇത്ര തമാശയോടെ നേരിട്ടുവെന്ന് നടന് ജയസൂര്യ മുമ്പ് വെളിപ്പെടുത്തിയിരുന്നു. താന് കലൂര് പള്ളിയില് ഇന്നസെന്റിന് വേണ്ടി പ്രാര്ത്ഥിക്കാന് പോയിരുന്നു. ആ സമയം അദ്ദേഹത്തെ വിളിച്ചിരുന്നു. ഉടനെ അദ്ദേഹം പറഞ്ഞത്, നീ പള്ളിയില് പോയി പ്രാര്ത്ഥിക്കൂ, പക്ഷേ നീയും അമ്മയുടെ ഭാഗമാണ്. അമ്മയില് നിന്ന് അഞ്ചിന്റെ പൈസ മോഷ്ടിക്കരുത്, മോഷ്ടിച്ചാല് നിനക്കൊക്കെ എന്റെ അവസ്ഥയാകും എന്നായിരുന്നു ഇന്നസെന്റ് പറഞ്ഞിരുന്നതെന്ന് ജയസൂര്യ പറഞ്ഞിരുന്നു.
അത്രയ്ക്ക് നര്മത്തോടെയാണ് ക്യാന്സറിനെ അദ്ദേഹം കൈകാര്യം ചെയ്തത്. മരുന്നിന്റെ കൂടെ രോഗികള്ക്ക് ഇന്നസെന്റിന്റെ പുസ്തകവും നല്കണമെന്നും ജയസൂര്യ പറഞ്ഞിരുന്നു. ഇത്തരത്തില് തമാശകളിലൂടെ തന്റെ ജീവിതത്തെ തന്നെയാണ് ഇന്നസെന്റ് മലയാളികളിലേക്ക് എത്തിച്ചത്.
ഗാന്ധിയുടെ നാട്ടിലേക്ക് ഒരു യാത്ര പോയാലോ; സൗരാഷ്ട്ര തന്നെ ബെസ്റ്റ്, കണ്ടിരിക്കണം ഈ സ്ഥലങ്ങള്
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google