Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
സര്‍ക്കാര്‍ ജീവനക്കാര്‍ പണിമുടക്കില്‍ പങ്കെടുക്കേണ്ടെന്ന് ഹൈക്കോടതി; ഇന്ന് തന്നെ ഉത്തരവിറക്കാന്‍ നിര്‍ദേശം
തിരുവനന്തപുരം: സര്‍ക്കാര്‍ ജീവനക്കാര്‍ക്ക് പണിമുടക്കില്‍ പങ്കെടുക്കാനാവില്ലെന്ന് ഹൈക്കോടതി. ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് ഉത്തരവ്. കേന്ദ്ര - സംസ്ഥാന സര്‍ക്കാര്‍ ജീവനക്കാര്‍ പണിമുടക്കില്‍ പങ്കെടുക്കുന്നത് വിലക്കി ഉത്തരവ് പുറത്തിറക്കണമെന്ന് ഹൈക്കോടതി സംസ്ഥാന സര്‍ക്കാരിനോട് നിര്‍ദേശിച്ചു. പണിമുടക്കില്‍ പങ്കെടുക്കുന്നത് വിലക്കി കൊണ്ടുള്ള ഉത്തരവ് ഇന്ന് തന്നെ പുറപ്പെടുവിക്കണമെന്നും ഹൈക്കോടതി സംസ്ഥാന സര്‍ക്കാരിനോട് ആവശ്യപ്പെട്ടു.
സര്‍ക്കാര്‍ ജീവനക്കാര്‍ പണിമുടക്കില്‍ പങ്കെടുക്കുന്നത് നിയമവിരുദ്ധമാണെന്നും ഹൈക്കോടതി പറഞ്ഞു. ഇക്കാര്യം സര്‍വീസ് ചട്ടങ്ങളില്‍ വ്യക്തമാണെന്നും ഹൈക്കോടതി ചൂണ്ടിക്കാട്ടി. അതേസമയം പണിമുടക്കുന്ന സര്‍ക്കാര്‍ ജീവനക്കാര്‍ക്ക് ഇക്കുറി ശമ്പളം നഷ്ടമാകാനാണ് സാദ്ധ്യത. 2019 ജനുവരി 8, 9 തീയതികളില്‍ നടത്തിയ പൊതുപണിമുടക്കില്‍ പങ്കെടുത്തവര്‍ക്ക് ശമ്പളത്തോടെ ലീവ് അനുവദിച്ചെങ്കിലും ഹൈക്കോടതി ഇടപെട്ട് റദ്ദാക്കിയിരുന്നു. ഇതിനാല്‍ ശമ്പളം തിരിച്ചുപിടിക്കേണ്ട സ്ഥിതിയുണ്ടായി.
വാണിജ്യ-വ്യാപാര സ്ഥാപനങ്ങള്‍ അടച്ചിടുന്നതിലൂടെ സര്‍ക്കാരിന് നേരിട്ടുള്ള വരുമാനത്തില്‍ 600 കോടിയോളം രൂപ കുറയുമെങ്കിലും സര്‍ക്കാര്‍ ജീവനക്കാരുടെ രണ്ടു ദിവസത്തെ ശമ്പളയിനത്തില്‍ 166 കോടി രൂപയുടെ നേട്ടമുണ്ടാകുമെന്നാണ് കണക്കുകൂട്ടല്‍. 5.6 ലക്ഷം സര്‍ക്കാര്‍ ജീവനക്കാരും 6.13 ലക്ഷം സ്വകാര്യ ജീവനക്കാരുമാണ് സംസ്ഥാനത്തുള്ളത്. കേന്ദ്രസര്‍ക്കാരിന്റെ ജനവിരുദ്ധ - തൊഴിലാളി വിരുദ്ധ നയങ്ങളില്‍ പ്രതിഷേധിച്ചാണ് രാജ്യമൊന്നാകെ പൊതുപണിമുടക്ക് നടക്കുന്നത്.
Recommended Video
രണ്ട് ദിവസത്തെ പണിമുടക്ക് ഇന്നലെ രാത്രിയോടെയാണ് ആരംഭിച്ചത്. കേരളത്തില്‍ ഇതവരെ പണിമുടക്ക് പൂര്‍ണമാണ്. വാണിജ്യ-വ്യാപാര സ്ഥാപനങ്ങളിലെ തൊഴിലാളികള്‍ പണിമുടക്കുന്നതിനാല്‍ കടകമ്പോളങ്ങള്‍ അടഞ്ഞു കിടക്കുന്നു. അതേസമയം ഹോട്ടലുകള്‍, വ്യാപാരികള്‍, സംരംഭകര്‍ എന്നിവരെ പണിമുടക്കില്‍ നിന്ന് ഒഴിവാക്കണമെന്ന് ഈ സ്ഥാപനങ്ങളുമായി ബന്ധപ്പെട്ട സംഘടനകള്‍ പണിമുടക്കുന്ന സംഘടനകളോട് അഭ്യര്‍ത്ഥിച്ചിരുന്നെങ്കിലും പല സ്ഥാപനങ്ങളും പ്രവര്‍ത്തിക്കുന്നില്ല. ഓട്ടോ-ടാക്‌സി തൊഴിലാളികളും പണിമുടക്കില്‍ പങ്കെടുക്കുന്നുണ്ട്.
സമരത്തില്‍ പങ്കെടുക്കില്ലെന്ന് വ്യാപാരി വ്യവസായി ഏകോപന സമിതി പ്രവര്‍ത്തകര്‍ നേരത്തെ അറിയിച്ചിരുന്നെങ്കിലും ആരും കടകള്‍ തുറന്നിട്ടില്ല. കോഴിക്കോടും കൊച്ചിയിലും തിരുവനന്തപുരത്തും പണിമുടക്ക് പൂര്‍ണമാണ്. ടൂറിസം മേഖലയെ പണിമുടക്കില്‍ നിന്ന് ഒഴിവാക്കുമെന്ന് സംസ്ഥാന സര്‍ക്കാര്‍ പ്രഖ്യാപിച്ചിരുന്നെങ്കിലും രാവിലെ സമരാനുകൂലികള്‍ പ്രകടനമായെത്തി ഹൗസ് ബോട്ട് ജീവനക്കാരോടക്കം പണിമുടക്കിന്റെ ഭാഗമാകണമെന്ന് പറഞ്ഞു. തൊഴിലാളി സംഘടനകള്‍ വിവിധ സ്ഥലങ്ങളില്‍ സംസ്ഥാനത്ത് ഉടനീളം പ്രകടനം നടത്തി.
