ആലപ്പുഴയില് വീണ്ടും പക്ഷിപ്പനി സ്ഥിരീകരിച്ചു; താറാവുകളെ കൊന്നൊടുക്കും, ലക്ഷണങ്ങള് ഇവ
ആലപ്പുഴ: ആലപ്പുഴയില് വീണ്ടും പക്ഷിപ്പനി സ്ഥിരീകരിച്ചു. കഴിഞ്ഞ ദിവസം കുട്ടനാട്ടില് എടത്വ, ചെറുതന എന്നിവിടങ്ങളില് താറാവുകള് കൂട്ടത്തോടെ ചത്തിരുന്നു. ഇതിന് പിന്നാലെ ഭോപ്പാലിലെ ഹൈ സെക്യൂരിറ്റി ലാബിലേക്ക് സാംപിളുകള് പരിശോധനക്കായി അയച്ചു. മൂന്ന് സാംപിളുകളാണ് അയച്ചിരുന്നത്. ഇവ മൂന്നും പരിശോധനയില് പോസിറ്റീവായതോടെ ആണ് ജില്ലയില് വീണ്ടും പക്ഷിപ്പനി സ്ഥിരീകരിച്ചത്.
രോഗ ബാധിത മേഖലയിലെ താറാവുകളെ കൂട്ടത്തോടെ കൊന്ന് നശിപ്പിക്കും എന്ന് ജില്ലാ ഭരണകൂടം അറിയിച്ചിട്ടുണ്ട്. ബുധനാഴ്ച വൈകുന്നേരത്തോടെ തന്നെ താറാവുകളെ നശിപ്പിക്കാനുള്ള തയ്യാറെടുപ്പുകളും ആരംഭിച്ചു. എന്നാല് നിലവില് ആശങ്കപ്പെടാനുള്ള സാഹചര്യമില്ല എന്നും ജില്ലാ ഭരണകൂടം അറിയിച്ചു. താറാവുകള് കൂട്ടത്തോടെ ചത്തൊടുങ്ങിയതോടെ ജില്ലാ ഭരണകൂടം ഇറച്ചി വില്പ്പന വിലക്കിയിരുന്നു.
ക്രമമായ ഇടവേളകളില് പക്ഷിപ്പനി സ്ഥിരീകരിക്കുന്നതും താറാവുകളെ കൊന്നൊടുക്കുന്നതും കര്ഷകര്ക്ക് വലിയ തിരിച്ചടിയാണ്. പക്ഷിപ്പനി ബാധിച്ച കോഴി - താറാവ് എന്നിവയെ കൊന്നൊടുക്കുമ്പോള് സര്ക്കാരില് നിന്നും ധന സഹായം കൃത്യമായി ലഭിക്കാറില്ല എന്നാണ് കര്ഷകരുടെ ആരോപണം. താനക്കണ്ടത്തില് ദേവരാജന്, ചിറയില് രഘുനാഥന് എന്നിവരുടെ താറാവുകള്ക്കാണ് രോഗം ബാധിച്ചത്.
രഘുനാഥന് 2 മാസം പ്രായമുള്ള 2000 താറാവുകളും ദേവരാജന് 3 മാസം പ്രായമുള്ള 15,000 താറാവുകളുമാണുള്ളത്. എച്ച് 5 എന് 1 വൈറസ് ബാധയാണ് പക്ഷിപ്പനി എന്ന് അറിയപ്പെടുന്നത്. ഇതിന് മുന്പും ആലപ്പുഴയിലെ താറാവുകളില് പക്ഷിപ്പനി സ്ഥിരീകരിച്ചിട്ടുണ്ട്. പക്ഷികളേയാണ് കൂടുതലായി ഇത് ബാധിക്കുന്നത് എങ്കിലും അപൂര്വമായി മനുഷ്യരിലേക്കും എത്തിയേക്കാം.
രോഗം ബാധിച്ച പക്ഷികളുമായോ അവയുടെ കാഷ്ഠവുമായോ മലിനമായ പ്രതലങ്ങളുമായോ നേരിട്ടുള്ള സമ്പര്ക്കം വഴിയാണ് വൈറസ് പടരുക. ചുമ, തൊണ്ടവേദന, മൂക്കൊലിപ്പ്, ശരീര വേദന, തലവേദന, ക്ഷീണം, ശ്വാസതടസം എന്നിവയാണ് ഇതിന്റെ ലക്ഷണങ്ങള്. വയറിളക്കം, ഓക്കാനം, അപസ്മാരം എന്നിവയും ഉണ്ടാകാം. രണ്ടോ എട്ടോ ദിവസത്തിനുള്ളില് രോഗ ലക്ഷണങ്ങള് ആരംഭിക്കാം.
പൊതുവെ സാധാരണ പനി പോലെയാണ് തോന്നുക. ചുമ, പനി, തൊണ്ടവേദന, പേശിവേദന, തലവേദന, ശ്വാസംമുട്ടല് എന്നിവയില് ആരംഭിച്ച് കുടല് പ്രശ്നങ്ങള്, ശ്വസന പ്രശ്നങ്ങള്, അല്ലെങ്കില് കേന്ദ്ര നാഡീ വ്യൂഹം മാറ്റങ്ങള് എന്നിങ്ങനെ ലക്ഷണങ്ങള് വഷളായേക്കാം എന്നും ആരോഗ്യ വിദഗ്ധര് മുന്നറിയിപ്പ് നല്കുന്നു. 60 ശതമാനമാണ് മരണ നിരക്ക്.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google