കേന്ദ്രം കൊവിഡ് വാക്സിന് ആഗോള ടെൻഡർ വിളിക്കണം, പ്രധാനമന്ത്രിക്ക് കത്തയച്ചുവെന്ന് മുഖ്യമന്ത്രി
തിരുവനന്തപുരം: 45 വയസ്സിന് മുകളില് പ്രായമുളളവര്ക്കുളള വാക്സിന് സ്റ്റോക്ക് സംസ്ഥാനത്തില്ലെന്ന് വ്യക്തമാക്കി മുഖ്യമന്ത്രി പിണറായി വിജയന്. ഈ വാക്സിന് ലഭ്യമാക്കേണ്ടത് കേന്ദ്ര സര്ക്കാരാണെന്ന് മുഖ്യമന്ത്രി വാര്ത്താ സമ്മേളനത്തില് പറഞ്ഞു.
മുഖ്യമന്ത്രിയുടെ പ്രതികരണം: രോഗവ്യാപനം നിയന്ത്രിക്കുന്നതിന് ഏറ്റവും ഫലപ്രദമായ മാര്ഗം സമൂഹത്തിലെ പരമാവധി ആളുകള്ക്ക് വാക്സിന് നല്കി സാമൂഹിക പ്രതിരോധശേഷി ആര്ജിക്കുക എന്നതാണ്. എന്നാല്, വാക്സിനുകളുടെ ദൗര്ലഭ്യം കാരണം ആസൂത്രണം ചെയ്ത വേഗതയോടെ വാക്സിനേഷന് മുന്പോട്ടു കൊണ്ടുപോകാനാകില്ല. ഈ പ്രശ്നം നേരിടുന്നതിനാലാണ് വാക്സിനുകള് വാങ്ങുന്നതിനു വേണ്ടിയുള്ള ആഗോള ടെണ്ടര് സംസ്ഥാന സര്ക്കാര് വിളിച്ചത്.
പക്ഷേ, ഇത്തരത്തില് സംസ്ഥാന സര്ക്കാരുകള് ടെണ്ടറുകള് ക്ഷണിക്കുന്നത് വാക്സിനുകളുടെ വില കുത്തനെ ഉയരാന് കാരണമായേക്കാം. അതിനാല് ഓരോ സംസ്ഥാനത്തിന്റേയും വാക്സിന് ആവശ്യകത കണക്കാക്കി രാജ്യത്തിനു മൊത്തത്തില് ആവശ്യം വരുന്ന വാക്സിന് വാങ്ങുന്നതിനുള്ള ആഗോള ടെണ്ടര് കേന്ദ്ര സര്ക്കാര് തന്നെ വിളിക്കുകയാണെങ്കില് വാക്സിനുകളുടെ വില ഉയരാതെ നിലനിര്ത്താന് സാധിക്കും.
ഇതിനാവശ്യമായ നടപടികള് എത്രയും പെട്ടെന്നു സ്വീകരിക്കണമെന്നാവശ്യപ്പെട്ട് പ്രധാനമന്ത്രി നരേന്ദ്ര മോഡിക്ക് കത്തയച്ചിട്ടുണ്ട്. അതോടൊപ്പം സംസ്ഥാനങ്ങള്ക്ക് വാക്സിനുകള് സൗജന്യമായി നല്കിക്കൊണ്ട് ഒരാള് പോലുമൊഴിവാകാതെ എല്ലാ ജനങ്ങളും വാക്സിന് എടുക്കുന്നത് ഉറപ്പുവരുത്തണമെന്നും ആവശ്യപ്പെട്ടിട്ടുണ്ട്. ഉചിതമായ നടപടികള് പ്രധാനമന്ത്രിയുടെ ഭാഗത്തു നിന്നുണ്ടാകുമെന്നു പ്രതീക്ഷിക്കുന്നു. സ്വകാര്യ ആശുപത്രികളില് സൗജന്യ ചികിത്സ നല്കുന്ന സര്ക്കാരിന്റെ കാരുണ്യ ആരോഗ്യ സുരക്ഷാ പദ്ധതിയില് രണ്ടാമത്തെ തരംഗത്തിന്റെ തുടക്കത്തില് 106 ആശുപത്രികളാണുണ്ടായിരുന്നത്. അതിപ്പോള് 252 ആശുപത്രികളായി ഉയര്ന്നിട്ടുണ്ട്. 122.65 കോടി രൂപയാണ് ഈ പദ്ധതി വഴി ജനങ്ങളുടെ ചികിത്സയ്ക്കായി ചെലവഴിച്ചിരിക്കുന്നത്.
കൂടുതല് ആശുപത്രികള് ഈ പദ്ധതിയുടെ ഭാഗമാകണമെന്നും ജനങ്ങള്ക്ക് സൗജന്യ ചികിത്സ ലഭിക്കാനുള്ള സൗകര്യം ഒരുക്കണമെന്നും അഭ്യര്ഥിക്കുന്നു. പദ്ധതിയുമായി ബന്ധപ്പെട്ട പരാതികള് ജില്ലാ മെഡിക്കല് ഓഫീസര്മാരുടെ അദ്ധ്യക്ഷതയിലുള്ള പരാതി പരിഹാര സെല് പരിശോധിച്ചു വരികയാണ്. അതനുസരിച്ച് സത്വരമായ നടപടികള് കൈക്കൊണ്ട് പദ്ധതി കൂടുതല് ശക്തമായി മുന്നോട്ടുകൊണ്ടുപോകും'.
മാസ്ക്കുകളുടെ ഉപയോഗം കോവിഡ് രോഗവ്യാപനം തടയാന് ഏറ്റവും ഉപകാരപ്രദമായ പ്രതിരോധ മാര്ഗമാണ്. കോവിഡിനെ മാത്രമല്ല, വായു വഴി പകരുന്ന മറ്റു സാംക്രമിക രോഗങ്ങളെ തടയാനും മാസ്ക്കുകള് സഹായകമാണ്. മാസ്കുകളുടെ അശാസ്ത്രീയമായ ഉപയോഗം രോഗങ്ങള് പിടിപെടാനും കാരണമാകുമെന്ന് നമ്മളോര്ക്കണം. തുണി കൊണ്ടുള്ള മാസ്കുകള് ഉപയോഗിക്കുമ്പോള് അവ ഉപയോഗശേഷം നന്നായി കഴുകി വെയിലില് ഉണക്കണം. മഴക്കാലത്താണെങ്കില് ഉണങ്ങിയാലും ഈര്പ്പം മുഴുവനായി കളയാന് ഇസ്തിരിപ്പെട്ടി ഉപയോഗിച്ചു തന്നെ ഉണക്കണം. സര്ജിക്കല് മാസ്ക്കുകള് ഒരു തവണ മാത്രം ഉപയോഗിക്കാനുള്ളതാണ്. 6 മുതല് 8 മണിക്കൂര് വരെയാണ് പരമാവധി ഉപയോഗിക്കാന് കഴിയുക.
എന് 95 മാസ്കുകളും ഒരു തവണ മാത്രം ഉപയോഗിക്കുന്നതാണ് ഉത്തമമായിട്ടുള്ളത്. എങ്കിലും വില കണക്കിലെടുത്തുകൊണ്ട് കൂടുതല് തവണ എന് 95 മാസ്കുകള് ഉപയോഗിക്കുന്നതിനുള്ള ശാസ്ത്രീയമായ രീതി ആള് ഇന്ത്യാ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ് നിര്ദ്ദേശിച്ചിട്ടുണ്ട്. എന്95 മാസ്ക്കുകള് വാങ്ങുമ്പോള് 5 മാസ്ക്കുകള് എങ്കിലും ഒരുമിച്ചു വാങ്ങുകയും ഒരു തവണത്തെ ഉപയോഗത്തിനു ശേഷം മലിനമായിട്ടില്ലെങ്കില് ആ മാസ്ക്ക് ഒരു പേപ്പര് കവറില് സൂക്ഷിക്കുകയും ചെയ്യണം. മറ്റു നാലു മാസ്കുകള് കൂടി ഉപയോഗിച്ച് ഇതേ പോലെ സൂക്ഷിച്ചതിനു ശേഷം, ആറാമത്തെ ദിവസം ആദ്യ ദിവസമുപയോഗിച്ച മാസ്ക് വീണ്ടും ഉപയോഗിക്കാം. ഈ വിധം പരമാവധി മൂന്നു തവണ ഒരു മാസ്കുപയോഗിക്കാം. അതില് കൂടുതല് തവണയോ തുടര്ച്ചയായോ എന്95 മാസ്കുകള് ഉപയോഗിക്കാന് പാടില്ല.
സത്യപ്രതിജ്ഞ ചെയ്ത് എംഎൽഎമാർ, നിയമസഭയിൽ നിന്നുളള ചിത്രങ്ങൾ
മാസ്കുകള് ഇത്തരത്തില് ശാസ്ത്രീയവും സുരക്ഷിതവുമായ രീതിയില് വേണം നമ്മളുപയോഗിക്കാന്. മാസ്കുകള് ഉപയോഗിക്കുന്നതും ബ്ളാക് ഫംഗസ് രോഗവും തമ്മില് ബന്ധപ്പെടുത്തിക്കൊണ്ട് അശാസ്ത്രീയമായ സന്ദേശങ്ങള് പരക്കുന്നത് ശ്രദ്ധയില് പെട്ടിട്ടുണ്ട്. യഥാര്ഥത്തില് ബ്ളാക് ഫംഗസ് ഉള്പ്പെടെയുള്ള രോഗങ്ങളെ തടയാന് ശരിയായ രീതിയില് മാസ്കുകള് ഉപയോഗിക്കുന്നത് നല്ലതാണ്. അതുകൊണ്ട് മാസ്കുകള് കൃത്യമായി ഉപയോഗിക്കാന് എല്ലാവരും ശ്രദ്ധിക്കണം. സംസ്ഥാനത്തെ 11 ആശുപത്രികള്ക്ക് കൂടി ദേശീയ ഗുണനിലവാര (എന്ക്യൂഎഎസ്) അംഗീകാരം ലഭിച്ചതായി കേന്ദ്ര ആരോഗ്യ മന്ത്രാലയം അറിയിച്ചിട്ടുണ്ട്.
ഞെട്ടിക്കുന്ന ഗ്ലാമറസ് ഫോട്ടോഷൂട്ടുമായി ജയസൂര്യയുടെ നായിക; ചിത്രങ്ങള് വൈറല്
Click it and Unblock the Notifications
Sign in with Google