ചന്ദ്രയാന്- 2 പരാജയപ്പെട്ടത് കെ ശിവന് കാരണം; ആരോപണങ്ങളുമായി സോമനാഥിന്റെ ആത്മകഥ
തിരുവനന്തപുരം: ചന്ദ്രയാന് രണ്ടിന്റെ പരാജയ കാരണത്തിന് ഉത്തരവാദി മുന് ഇസ്രൊ ചെയര്മാന് കെ ശിവനാണെന്ന് നിലവിലെ ചെയര്മാന് എസ് സോമനാഥ്. ഗുരുതരമായ ആരോപണങ്ങള് സ്വന്തം ആത്മകഥയിലാണ് സോമനാഥ് ഉള്പ്പെടുത്തിയിരിക്കുന്നത്. താന് ചെയര്മാനാകാതിരിക്കാന് ശിവന് ശ്രമിച്ചു. ചന്ദ്രയാന് രണ്ടിന്റെ പരാജയത്തിന് കാരണം പല നിര്ണായക പരീക്ഷണങ്ങളും പൂര്ത്തിയാക്കാതെ ദൗത്യം നടപ്പാക്കിയതാണെന്നും സോമനാഥ് പുസ്തകത്തില് പറയുന്നു.
നിലാവ് കുടിച്ച സിംഹങ്ങള് എന്ന് പേരിട്ട ആത്മകഥയിലാണ് ഐഎസ്ആര്ഒയില് ശിവന് പ്രതിസന്ധികള് സൃഷ്ടിച്ചിരുന്നതായി പറയുന്നത്. തന്റെ കരിയറിന്റെ വിവിധ ഘട്ടങ്ങളില് ശിവന് പ്രതിസന്ധികള് സൃഷ്ടിച്ചുവെന്നാണ് സോമനാഥ് ആരോപിക്കുന്നത്. അര്ഹതപ്പെട്ട വിഎസ്എസ്സി മേധാവി സ്ഥാനം ആറ് മാസത്തോളമാണ് അദ്ദേഹം വൈകിപ്പിച്ചത്. സ്ഥാനക്കയറ്റം കിട്ടിയപ്പോള് അടക്കം പലതരത്തില് ബുദ്ധിമുട്ടുകള് ഉണ്ടാക്കിയെന്നും അദ്ദേഹം പറഞ്ഞു.
അതേസമയം ഇസ്രൊ മുന്ഗാമിയെ കുറിച്ച് പൊതുമധ്യത്തില് ഇത്ര കടുത്ത ആരോപണങ്ങള് നിലവിലെ മേധാവി ഉന്നയിക്കുന്നത് ആദ്യമായിട്ടാണ്. നിര്ണായക ഘട്ടങ്ങളിലെല്ലാം തന്നെ അകറ്റി നിര്ത്താനാണ് ശിവന് ശ്രമിച്ചത്. പല നിര്ണായക ദൗത്യങ്ങളില് ശിവന്റെ തീരുമാനങ്ങള് പ്രതികൂല ഫലമാണ് ഉണ്ടാക്കിയത്. ചന്ദ്രയാന് രണ്ടിന്റെ വിക്ഷേപണം വളരെ വേഗത്തിലാണ് നടത്തിയത്. ആവശ്യമായ പരീക്ഷണങ്ങള് പൂര്ത്തിയാക്കാതെ ദൗത്യവുമായി മുന്നോട്ട് പോകാനുള്ള ശിവന് തീരുമാനം,. ദൗത്യത്തെ പരാജയപ്പെടുത്തിയെന്നാണ് സോമനാഥ് ആരോപിച്ചിരിക്കുന്നത്.
നിര്ണായകമായ ജിസാറ്റ് വിക്ഷേപണം പരാജയപ്പെട്ടതിനെ കുറിച്ചും സോമനാഥ് വെളിപ്പെടുത്തല് നടത്തിയിട്ടുണ്ട്. സര്ക്കാര് ഇടപെടല് കാരണമാണ് ഈ ഉപഗ്രഹത്തിന്റെ വിക്ഷേപണം മാറ്റിവെച്ചതെന്നും സോമനാഥ് സ്ഥിരീകരിച്ചു. അതേസമയം സോമനാഥ് പുസ്തകം ഉടന് പ്രസിദ്ധീകരിക്കില്ല. ആത്മകഥ തല്ക്കാലം പിന്വലിക്കുകയാണെന്ന് സോമനാഥ് പറഞ്ഞു. കോപ്പി പിന്വലിക്കണമെന്ന് അദ്ദേഹം പ്രസാധകരോട് നിര്ദേശിച്ചു.
കൂടുതല് വിവാദം വേണ്ടെന്ന് അദ്ദേഹം പ്രസാധകരോട് നിര്ദേശിച്ചു. യുവജനങ്ങളെ പ്രചോദിപ്പിക്കാനാണ് ആത്മകഥയിലൂടെ ആഗ്രഹിച്ചതെന്നും സോമനാഥ് വ്യക്തമാക്കി. ഷാര് ഫെസ്റ്റിവലില് വെച്ച് പുസ്തക പ്രകാശനം നടത്തില്ല. ഷാര്ജ യാത്രയും അദ്ദേഹം റദ്ദാക്കി. നാളെയാണ് ഔദ്യോഗിക പ്രകാശം നടത്താനിരുന്നത്. അതേസമയം ഇസ്രൊയില് എല്ലാം സുതാര്യമാണെന്ന് ശിവന് പ്രതികരിച്ചു. വിവാദങ്ങളില് പ്രതികരിക്കാനില്ലെന്നും അദ്ദേഹം വ്യക്തമാക്കി.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google