നടിയെ ആക്രമിച്ച കേസ്; വിചാരണ പൂര്ത്തിയാക്കാന് 8 മാസം കൂടി വേണം, സുപ്രിം കോടതിയോട് ജഡ്ജി
ന്യൂഡല്ഹി: നടിയെ ആക്രമിച്ച കേസില് വിചാരണ പൂര്ത്തിയാക്കി വിധി പ്രസ്താവിക്കാന് എട്ട് മാസം കൂടി സമയം അനുവദിക്കണമെന്ന് വിചാരണ കോടതി ജഡ്ജി ഹണി എം വര്ഗീസ്. വിചാരണ നടപടികള് പൂര്ത്തിയാക്കാന് 2024 മാര്ച്ച് 31 വരെ സമയം അനുവദിക്കണമെന്ന് ആവശ്യപ്പെട്ട് ജഡ്ജി സുപ്രീം കോടതിക്ക് കത്ത് നല്കി. ജഡ്ജിയുടെ ആവശ്യം ജസ്റ്റിസുമാരായ അനിരുദ്ധ ബോസ്, ബേല എം ത്രിവേദി എന്നിവരുടെ ബെഞ്ച് വെള്ളിയാഴ്ച പരിഗണിക്കും.
വിചാരണ പൂര്ത്തിയാക്കാന് സുപ്രീം കോടതി അനുവദിച്ച സമയപരിധി ജൂലായ് 31ന് അവസാനിച്ചിരുന്നു. ഇനിയും ആറ് സാക്ഷികളെ വിസ്തരിക്കണമെന്നാണ് പ്രോസിക്യൂഷന് അറിയിച്ചിട്ടുള്ളത്. ബാലചന്ദ്രകുമാറിന്റെ രഹസ്യമൊഴി രേഖപ്പെടുത്തിയ മജിസ്ട്രേറ്റിന്റെതാണ് ഇതില് ഒന്ന്. കൂടാതെ അന്വേഷണ ഉദ്യോഗസ്ഥര് ഉള്പ്പടെ അഞ്ച് പേരെ കൂടി വിസ്തരിക്കേണ്ടതുണ്ട്. കേസിന്റെ വിസ്താരം പൂര്ത്തിയാക്കാന് മൂന്ന് മാസം കൂടി വേണ്ടി വരുമെന്നാണ് രേഖകളില് നിന്ന് മനസിലാകുന്നതെന്ന് വിചാരണ കോടതി ജഡ്ജി സുപ്രീം കോടതിക്ക് കൈമാറിയ കത്തില് വ്യക്തമാക്കുന്നു.
സുപ്രീം കോടതി നിഷ്കര്ഷിച്ച സമയപരിധിക്കുള്ളില് വിചാരണ പൂര്ത്തിയാക്കി വിധി പ്രസ്താവിക്കാന് എല്ലാ ശ്രമങ്ങളും കോടതി നടത്തിയതായി കത്തില് പറയുന്നു. എന്നാല് എറണാകുളം പ്രിന്സിപ്പല് സെഷന്സ് കോടതി എന്ന നിലയില് തനിക്ക് ഭരണപരമായ മറ്റ് കര്ത്തവ്യങ്ങളും നിര്വഹിക്കേണ്ടതുണ്ടെന്നും കത്തില് പറയുന്നു.
'സംസ്ഥാന ട്രാന്സ്പോര്ട്ട് അപ്പലേറ്റ് ട്രിബ്യൂണല്, എറണാകുളം ജില്ലയിലെ കൊമേഷ്യല് അപ്പലേറ്റ് ഡിവിഷന് എന്നീ ഉത്തരവാദിത്തങ്ങളും ഈ കോടതിക്കുണ്ട്. ഇതു കൂടാതെ പട്ടികജാതി, പട്ടിക വര്ഗ വിഭാഗങ്ങള്ക്ക് എതിരായ അതിക്രമങ്ങള് തടയുന്നതുമായി ബന്ധപ്പെട്ട് കേസുകള് കൈകാര്യം ചെയ്യുന്ന പ്രത്യേക കോടതി കൂടിയാണ് തന്റേതെന്ന് ഹണി എം വര്ഗീസ് കത്തില് വ്യക്തമാക്കി.
Click it and Unblock the Notifications
Sign in with Google