ഭാമ, സിദ്ദീഖ്, ഇടവേള ബാബു, ബിന്ദു പണിക്കര്...; ദിലീപിന് വേണ്ടി കൂറുമാറിയവര്; 'ആദ്യം പറഞ്ഞതെല്ലാം മാറ്റി
നടിയെ ആക്രമിച്ച കേസിന്റെ വിധി പ്രസ്താവത്തിനായി ആകാംക്ഷയോടെ കാത്തിരിക്കുകയാണ് കേരളം. മലയാള സിനിമാ ചരിത്രത്തില് തന്നെ ഇത്രത്തോളം ഇന്ഡസ്ട്രിയെ ബാധിച്ച ഒരു കേസില്ല. മലയാള സിനിമയെ നടിയെ ആക്രമിച്ച കേസിന് ശേഷവും മുന്പും എന്ന തരത്തില് കൃത്യമായി വിഭജിക്കപ്പെട്ട ഒന്ന്് കൂടിയാണിത്. അതിനാല് തന്നെ എട്ട് വര്ഷത്തിന് ശേഷം ഡിസംബര് എട്ടിന് വരുന്ന വിധി ഏറെ സുപ്രധാനമാണ്.
എട്ട് വര്ഷം നീണ്ട ഈ കേസിന്റെ വാദപ്രതിവാദങ്ങള്ക്കും വിചാരണയ്ക്കും ഇടയില് 28 പ്രോസിക്യൂഷന് സാക്ഷികളാണ് കൂറുമാറിയത്. തന്റെ ഇപ്പോഴത്തെ ഭാര്യ കാവ്യ മാധവനുമായുള്ള വിവാഹേതര ബന്ധത്തെക്കുറിച്ച് അന്നത്തെ ഭാര്യ മഞ്ജു വാര്യരെ അറിയിച്ചതിന് ദിലീപിന് അതിജീവിതയോട് കടുത്ത പകയുണ്ടായിരുന്നു എന്നാണ് പ്രോസിക്യൂഷന് വാദം. ഈ പകയെക്കുറിച്ച് തനിക്ക് അറിയാമായിരുന്നുവെന്ന് മഞ്ജു തന്നെ അന്വേഷണ സംഘത്തോട് പറഞ്ഞിരുന്നു.
അതിജീവിതയോട് പ്രതികാരം ചെയ്യാനായി പള്സര് സുനി എന്ന ഗുണ്ടയെക്കൊണ്ട് അവളെ തട്ടിക്കൊണ്ടുപോയി ലൈംഗികമായി പീഡിപ്പിക്കാനും അത് ചിത്രീകരിക്കാനും ഏല്പ്പിച്ചത് ദിലീപ് ആണ് എന്നതാണ് പ്രോസിക്യൂഷന്റെ കണ്ടെത്തല്. അതിജീവിതയോട് ദിലീപിന് വൈരാഗ്യമുണ്ടായിരുന്നു എന്ന് അറിയാമായിരുന്നു എന്നായിരുന്നു പല സാക്ഷികളും ആദ്യം പൊലീസിനോട് പറഞ്ഞത്.
ദിലീപിന് ഇരയായ സ്ത്രീയോടുള്ള ശത്രുത കണ്ടെത്താനും ഗൂഢാലോചനയുടെ രൂപരേഖകള് കണ്ടെത്താനും പ്രോസിക്യൂഷനെ സഹായിച്ചത് അവരുടെ പ്രാരംഭ മൊഴികളായിരുന്നു. എന്നാല് പിന്നീട് സിനിമാ താരങ്ങളായ ഭാമ, ബിന്ദു പണിക്കര്, സിദ്ദിഖ്, ഇടവേള ബാബു തുടങ്ങിയവര് കൂറുമാറി. അതിജീവിതയെ സംബന്ധിച്ചിടത്തോളം ഇത് വലിയ തിരിച്ചടിയായിരുന്നു.
കാരണം അടുത്ത സുഹൃത്തുക്കളും ദീര്ഘകാല സഹപ്രവര്ത്തകരും മുമ്പ് അറിയാത്ത വ്യക്തികളും എല്ലാവരും നിശബ്ദമായി കൂറ് മാറ്റി. സിനിമാതാരങ്ങളല്ലാത്ത ചില സാക്ഷികളും കൂറുമാറിയിരുന്നു. ദിലീപിന്റെ ആശുപത്രി പ്രവേശന രേഖകള് വ്യാജമായി നിര്മ്മിച്ചതായി ആരോപിക്കപ്പെടുന്ന ഡോക്ടര്മാര് മുതല്, പള്സര് സുനിയെ നടനുമായി അടുപ്പിച്ചതായി മുമ്പ് വെളിപ്പെടുത്തിയ ഹോട്ടല് ജീവനക്കാര് വരെയുള്ള നിര്ണായക സാക്ഷികള് ഇവരില് ഉള്പ്പെടുന്നു.
ആലുവയിലെ അന്വര് മെമ്മോറിയല് ആശുപത്രിയിലെ ഡോ. ഹൈദര് അലിയും സഹോദരന് സലീമും അത്തരം രണ്ട് സാക്ഷികളാണ്. 2017 ഫെബ്രുവരി 17 ന് രാത്രിയില് താന് ആശുപത്രിയില് ആയിരുന്നുവെന്ന് കാണിക്കുന്ന രേഖകള് ദിലീപ് ഹാജരാക്കിയിരുന്നു. തട്ടിക്കൊണ്ട് പോകല് സമയത്ത് ദിലീപ് ഉണ്ടായിരുന്ന എന്ന വാദം പ്രോസിക്യൂഷന് പോലും ഉന്നയിച്ചിട്ടില്ലായ്യിരുന്നു.
ഈ ഘട്ടത്തിലാണ് ഇത്തരത്തിലൊരു രേഖ ഹാജരാക്കിയത്. എന്നാല് ഇത് തെറ്റാണെന്ന് പൊലീസ് കണ്ടെത്തി. ആശുപത്രിയില് ജോലി ചെയ്തിരുന്ന ഒരു നഴ്സ് നടനെ അവിടെ പ്രവേശിപ്പിച്ചതായി കാണിക്കാന് രേഖകള് വ്യാജമായി നിര്മ്മിച്ചതാണെന്ന് കോടതിയെ അറിയിച്ചിരുന്നു. എന്നാല് ഹൈദര് അലിയും സലീമും വിചാരണയ്ക്കിടെ തങ്ങളുടെ പങ്ക് നിഷേധിക്കുകയും ചെയ്തു.
കാവ്യയുടെ ഉടമസ്ഥതയിലുള്ള ലക്ഷ്യ എന്ന വസ്ത്രശാലയിലെ ജീവനക്കാരനായ സാഗര് വിന്സെന്റ് ആണ് ആദ്യം കൂറുമാറിയ മറ്റൊരു സാക്ഷി. കുറ്റകൃത്യം നടന്ന് അഞ്ച് ദിവസത്തിന് ശേഷം ഫെബ്രുവരി 22 ന് പള്സര് സുനിയും മറ്റൊരാളും കട സന്ദര്ശിച്ച് ഒരു പാക്കേജ് കൈമാറിയതായി അദ്ദേഹം പോലീസിനോട് പറഞ്ഞിരുന്നു. വിചാരണ വേളയില്, സാഗര് ഇത് നിഷേധിച്ചു.
സംവിധായകിന് ബാലചന്ദ്രകുമാര് പിന്നീട് ഹാജരാക്കിയ വോയ്സ് ക്ലിപ്പുകളിലൊന്നില്, മൊഴി മാറ്റാന് ദിലീപിന്റെ അഭിഭാഷകര് സാഗറിന് 5 ലക്ഷം രൂപ കൈക്കൂലി വാഗ്ദാനം ചെയ്തതായി പറഞ്ഞിരുന്നു. പിന്നീട് സാഗര് കോടതിയില് പോയി തന്റെ ആദ്യ മൊഴിയില് കള്ളം പറഞ്ഞതായി സമ്മതിച്ചു. കാവ്യ മാധവന്റെ സഹോദരന് മിഥുനും ഭാര്യ റിയയും, ലക്ഷ്യയുടെ പങ്കാളികളും, ഫെബ്രുവരി 22 ന് സുനി തങ്ങളുടെ കടയില് വന്നിരുന്നുവെന്ന് പൊലീസിനോട് പറഞ്ഞിരുന്നു.
പിന്നീട് ഇരുവരും കൂറുമാറിയതോടെ കോടതിയില് ഇത് നിഷേധിച്ചു. ആലപ്പുഴയിലെ അര്ക്കാഡിയ ഹോട്ടലിലെ ജീവനക്കാരിയായ ഷേര്ലി അജിത്തും കൂറുമാറിയവരില് ഉള്പ്പെടുന്നു. ദിലീപും നടന് മുകേഷും 'സൗണ്ട് തോമ' എന്ന സിനിമയുടെ ഷൂട്ടിംഗ് സമയത്ത് അവിടെ താമസിച്ചിരുന്നു. പള്സര് സുനിയും മുകേഷും അവിടെയായിരുന്നു താമസിച്ചിരുന്നതെന്ന് ഷേര്ലി പറഞ്ഞിരുന്നു.
സുനി മുമ്പ് മുകേഷിന്റെ പേഴ്സണല് ഡ്രൈവറായി ജോലി ചെയ്തിരുന്നു, മുകേഷ് കോടതിയില് ഇത് സാക്ഷ്യപ്പെടുത്തിയിട്ടുണ്ട്. ദിലീപും മുകേഷും അവിടെ താമസിച്ചിരുന്നുവെന്ന് സ്ഥിരീകരിക്കുന്ന രേഖകളും അന്വേഷണ സംഘത്തിന് ഹോട്ടലില് നിന്ന് നല്കി. എന്നാല് വിചാരണ വേളയില് അക്കാര്യം നിഷേധിച്ച ഷേര്ലി, ഒരു ഹോട്ടല് രജിസ്റ്ററും പൊലീസിന് കൈമാറിയിട്ടില്ലെന്നും അങ്ങനെ ചെയ്ത ആരെയും താന് അറിഞ്ഞിട്ടില്ലെന്നും പറഞ്ഞു.
2013-ല് കൊച്ചിയിലെ ഹോട്ടല് അബാദ് പ്ലാസയില് നടന്ന അമ്മ സാംസ്കാരിക പരിപാടിയുടെ റിഹേഴ്സലിനിടെ നടന്ന കൂടിക്കാഴ്ചയാണ് ഈ ആരോപണത്തിന്റെ കേന്ദ്രബിന്ദു. ദിലീപ് ആദ്യം സുനിയെ ബന്ധപ്പെട്ടിരുന്നുവെന്ന് പ്രോസിക്യൂഷന് പറഞ്ഞു. കാവ്യ മാധവന് പൊലീസിന് നല്കിയ ആദ്യ മൊഴി പ്രകാരം, അബാദ് റിഹേഴ്സല് വേദിയില് വെച്ച് അതിജീവിത ദിലീപിനൊപ്പമുള്ള തന്റെ ഫോട്ടോ എടുത്ത് മഞ്ജുവിന് അയച്ചുകൊടുത്തു എന്നാണ്.
ഇത് ദിലീപിനെ പ്രകോപിപ്പിച്ചു. എന്നാല് വിചാരണ വേളയില് കാവ്യ ഇത് നിഷേധിച്ചുവെന്നാണ് വൃത്തങ്ങളെ ഉദ്ധരിച്ച് ദി ന്യൂസ് മിനുട്ട് റിപ്പോര്ട്ട് ചെയ്യുന്നത്. ദിലീപ് പ്രകോപിതനാകുന്നതിന് മുന്പ്, അതിജീവിത റിഹേഴ്സല് ക്യാമ്പില് തന്നോട് മോശം വാക്കുകള് പറയുന്നുണ്ടെന്ന് കാവ്യ സിദ്ദിക്കിനോട് പരാതിപ്പെട്ടിരുന്നു. തുടര്ന്ന് സിദ്ദിഖ് അതിജീവിതക്ക് മുന്നറിയിപ്പ് നല്കിയിരുന്നുവെന്ന് പ്രോസിക്യൂഷന് വാദിച്ചു.
ദിലീപ് പെണ്കുട്ടിയെ വേദിയില് വെച്ച് പരസ്യമായി ഭീഷണിപ്പെടുത്തിയെന്നും തീകൊളുത്തുമെന്ന പരാമര്ശം നടത്തിയെന്നും ഭാമയും സിദ്ദിഖും ആദ്യം പൊലീസിനോട് പറഞ്ഞിരുന്നു. മഞ്ജുവിനോട് തന്റെ ബന്ധം വെളിപ്പെടുത്തിയതില് അതിജീവിതയോട് ദിലീപിന് കടുത്ത ദേഷ്യമുണ്ടെന്ന് ഇരുവരും ആദ്യം സമ്മതിച്ചിരുന്നു. എന്നിരുന്നാലും, കോടതിയില്, അത്തരമൊരു കാര്യം കണ്ടതോ കേട്ടതോ അറിയുന്നതോ അവര് നിഷേധിച്ചു.
ദിലീപ് തന്റെ അവസരം നഷ്ടപ്പെടുത്തുന്നതിനെതിരെ അതിജീവിത പരാതി നല്കിയപ്പോള് അമ്മയുടെ ജനറല് സെക്രട്ടറിയായിരുന്നു ഇടവേള ബാബു. 2017 ജൂലൈയില് പോലീസിന് നല്കിയ ആദ്യ മൊഴി ഇത് അംഗീകരിക്കുകയും അവളുടെ പരാതിയുടെ സത്യാവസ്ഥയില് താന് വിശ്വസിക്കുന്നുവെന്ന് സമ്മതിക്കുകയും ചെയ്തു. അമ്മ ഇത്തരം പരാതികളുടെ രേഖകള് സൂക്ഷിക്കാറില്ലെന്ന് അദ്ദേഹം അന്വേഷണ ഉദ്യോഗസ്ഥരോട് പറഞ്ഞിരുന്നു.
എന്നാല് പരാതിയെക്കുറിച്ച് ദിലീപുമായി നേരിട്ട് സംസാരിക്കുകയും 'അനാവശ്യ കാര്യങ്ങളില് ഇടപെടരുതെന്ന്' ആവശ്യപ്പെടുകയും ചെയ്തിരുന്നു. എന്നിരുന്നാലും, കേസിന്റെ വിചാരണയ്ക്കിടെ അദ്ദേഹം പിന്മാറി. സിനിമകളില് നിന്ന് ഒഴിവാക്കപ്പെട്ട കാര്യം അതിജീവിത തന്നോട് പറഞ്ഞിട്ടില്ലെന്നും പരാതി നല്കിയിട്ടില്ലെന്നും ബാബു പറഞ്ഞു. 'ഞാന് പോലീസില് മൊഴി നല്കിയിട്ടില്ല' എന്ന് അദ്ദേഹം കോടതിയില് പറഞ്ഞു.
ദിലീപ് തന്നോട് പുലര്ത്തിയിരുന്ന ദേഷ്യത്തെക്കുറിച്ച് അതിജീവിത സഹപ്രവര്ത്തകരോട് തുറന്നു പറഞ്ഞിരുന്നു. നടിമാരായ ഗീതു മോഹന്ദാസ്, സംയുക്ത വര്മ്മ എന്നിവരോട് ദിലീപിന്റെ വിവാഹേതര ബന്ധത്തെക്കുറിച്ച് മഞ്ജുവിനോട് പറഞ്ഞതായും അവര് വിവരിച്ചിരുന്നു. അന്വേഷണ സംഘത്തിന് നല്കിയ ആദ്യ മൊഴിയില്, അതിജീവിതയും ദിലീപും തമ്മിലുള്ള സംഘര്ഷത്തെക്കുറിച്ച് തനിക്ക് അറിയാമായിരുന്നുവെന്ന് നടി ബിന്ദു പണിക്കര് പറഞ്ഞിരുന്നു.
എന്നാല് 2020 ല്, വിചാരണയ്ക്കിടെ, അവര് ഇത് നിഷേധിച്ചു. ദിലീപിന്റെയും കാവ്യയുടെയും കുടുംബാംഗങ്ങളില് നിന്നുള്ള നിരവധി പേരെ പ്രോസിക്യൂഷന് സാക്ഷികളായി ഉള്പ്പെടുത്തിയിരുന്നു. നേരായ ചോദ്യങ്ങള് പോലും സമ്മതിക്കാന് വിസമ്മതിച്ചപ്പോള് അവരെ കൂറുമാറിയതായി കണക്കാക്കി. കാവ്യയുടെ മാതാപിതാക്കള്, സഹോദരന് മിഥുന്, സഹോദരഭാര്യ റിയ എന്നിവരും ഇതില് ഉള്പ്പെടുന്നു.
ദിലീപിന്റെ സുഹൃത്തുക്കളായ നാദിര്ഷ, ബൈജു, സഹോദരന് അനൂപ്, സഹോദരീഭര്ത്താവായ സൂരജ്, ഡ്രൈവര് അപ്പുണ്ണി, ഗാര്ഡ് ദാസന് എന്നിവരും കൂറുമാറി. പള്സര് സുനിയെ ദിലീപിനൊപ്പം കണ്ടതായി പോലീസിനോട് ആദ്യം പറഞ്ഞ ഷൈന് എന്ന പ്രൊഡക്ഷന് മാനേജരെയും കൂറുമാറി. നടി ചിപ്പിയുടെ ഭര്ത്താവ് രഞ്ജിത്ത് 2013 ല് ഷാര്ജയിലും കൊച്ചിയിലും നടന്ന മഴവില് അഴകില് അമ്മ എന്ന പരിപാടിയുടെ പ്രോഗ്രാം എക്സിക്യൂട്ടീവ് ആയിരുന്നു.
മാര്ച്ച് 26 നും ഏപ്രില് 7 നും ഇടയില് കൊച്ചിയിലെ അബാദ് പ്ലാസ ഹോട്ടലില് വെച്ചാണ് ഇതിന്റെ റിഹേഴ്സല് നടന്നത്. പ്രോസിക്യൂഷന് പറയുന്നതനുസരിച്ച്, ദിലീപിന് ഹോട്ടലിലെ 410-ാം നമ്പര് മുറി അനുവദിച്ചു, അവിടെ ഇരയെ ആക്രമിക്കാനുള്ള ഗൂഢാലോചനയുടെ ഭാഗമായി അദ്ദേഹം പള്സര് സുനിയെ കണ്ടുമുട്ടി. എന്നാല്, തന്റെ മുന് പ്രസ്താവന രഞ്ജിത്ത് നിഷേധിച്ചു. റിഹേഴ്സല് സമയത്ത് ദിലീപ് ഹോട്ടലില് താമസിച്ചിരുന്നില്ലെന്നായിരുന്നു രഞ്ജിത്ത് പറഞ്ഞത്.
-
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
തമിഴകം പിടിക്കാൻ വിജയ്; സ്ഥാനാർത്ഥി പട്ടികയിലെ വമ്പൻ സർപ്രൈസ്; ഞെട്ടലിൽ രാഷ്ട്രീയ ലോകം -
മലപ്പുറം വിഭജിക്കും,ജയിലിൽ നോണ് വെജും കൂലിയും കൊടുക്കില്ല'; സന്തോഷ് പണ്ഡിറ്റ് മുഖ്യമന്ത്രിയായാൽ -
ഇറാനെ വിഴുങ്ങാൻ അമേരിക്കൻ പട? പെന്റഗണിന്റെ 'രഹസ്യ' നീക്കം പുറത്ത് -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
ഏപ്രിൽ 1 മുതൽ കളി മാറും! പാൻ കാർഡ് നിയമങ്ങളിൽ വൻ മാറ്റം; അറിഞ്ഞില്ലെങ്കിൽ പണി കിട്ടും -
അമേരിക്കൻ സർവ്വകലാശാലകൾ തകർക്കുമെന്ന് ഇറാൻ; പശ്ചിമേഷ്യ കത്തുന്നു -
ഗള്ഫും സ്വര്ണത്തെ കൈവിടുന്നോ? ഇനി വില കൂടില്ല.. പൊന്നിന് വിനയായത് ഈ മൂന്ന് ഘടകങ്ങള് -
'മീനാക്ഷിയെ നോക്കുന്നത് പണിയാണല്ലോ..വിവാഹം കഴിച്ച് കാണിച്ച് കൊടുത്തൂടെ';മഞ്ജു വാര്യർക്ക് അധിക്ഷേപം -
പാകിസ്താന് തന്ത്രത്തില് നീങ്ങുന്നു; സൗദി, തുര്ക്കി നേതാക്കള് ഇസ്ലാമാബാദില്, ഇറാനിലേക്ക് ചരക്കുകള്
Click it and Unblock the Notifications
Sign in with Google