ഗണേഷ് കുമാറും കുരുക്കിലേക്കോ? നടി ആക്രമിക്കപ്പെട്ട കേസില് പുതിയ വിവരം... കൊച്ചിയില് ഗൂഢാലോചന
കൊച്ചി: നടി ഇരയായ കേസ് ആകെ കലങ്ങി മറിഞ്ഞിരിക്കുകയാണ്. ജഡ്ജിയെ മാറ്റണം എന്ന പരാതിയില് ഹൈക്കോടതി വിധി പറയാനിരിക്കുകയാണ്. അതിനിടെയാണ് മാപ്പുസാക്ഷിയെ ഭീഷണിപ്പെടുത്തിയ കേസിലെ വിവരങ്ങള് പുറത്ത് വരുന്നത്.
പത്തനാപുരം എംഎല്എയും സിനിമ താരവും ആയ കെബി ഗണേഷ് കുമാറിന്റെ ഓഫീസ് സെക്രട്ടറിയാണ് സാക്ഷിയായ വിപിന്ലാലിനെ ഭീഷണിപ്പെടുത്തിയത് എന്ന് കണ്ടെത്തിയിട്ടുണ്ട്. ഭീഷണിയ്ക്ക് മുമ്പ് കൊച്ചിയില് ഒരു യോഗവും നടന്നിരുന്നു എന്നാണ് പുറത്ത് വരുന്ന വിവരം. ഗണേഷിനൊപ്പം ദിലീപിനെ കണ്ടിട്ടുണ്ട് എന്നും പ്രദീപ് മൊഴി നൽകി. ഈ വിവാദം കെബി ഗണേഷ് കുമാറിനും ഇടതുപക്ഷത്തിനും വിനയാകുമോ എന്നാണ് ഇപ്പോള് ചര്ച്ച. വിശദാംശങ്ങള്...
ഭീഷണിയ്ക്ക് പിറകില്
കേസിലെ മാപ്പുസാക്ഷിയായ വിപിന്ലാലിനെ ഭീഷണിപ്പെടുത്തിയത് കെബി ഗണേഷ് കുമാര് എംഎല്എയുടെ ഓഫീസ് സെക്രട്ടറിയും സഹായിയും അയ പ്രദീപ് ആണ്. ഇത്തരമൊരു ഭീഷണിയ്ക്ക് പിന്നില് പ്രവര്ത്തിച്ചത് ആരെല്ലാം ആണ് എന്നാണ് പോലീസ് ഇപ്പോള് അന്വേഷിക്കുന്നത്.
പഞ്ചനക്ഷത്ര ഹോട്ടലില് യോഗം
നടി ആക്രമിക്കപ്പെട്ട കേസില് വിചാരണ തുടങ്ങുന്നതിന് മുമ്പ് കൊച്ചിയിലെ ഒരു പഞ്ചനക്ഷത്ര ഹോട്ടലില് ചിലര് യോഗം ചേര്ന്നിരുന്നതായി പോലീസിന് വിവരം ലഭിച്ചിട്ടുണ്ട്. എന്നാല് ഈ യോഗത്തില് പ്രദീപ് പങ്കെടുത്തിട്ടുണ്ടോ എന്ന് വ്യക്തമല്ല. ഇത് സംബന്ധിച്ച അന്വേഷണം പുരോഗമിയ്ക്കുകയാണ്.
യോഗത്തില് ആരൊക്കെ
പഞ്ചനക്ഷത്ര ഹോട്ടലില് നടന്ന യോഗത്തില് ആരൊക്കെയാണ് പങ്കെടുത്തത് എന്ന വിവരം പോലീസ് പുറത്ത് വിട്ടിട്ടില്ല. ഈ യോഗത്തിന് ശേഷം ആണ് പ്രദീപ് കാസര്കോട് എത്തി സാക്ഷിയെ ഭീഷണിപ്പെടുത്തിയത്. ഇതിനായി പ്രത്യേക സിം കാര്ഡും ഫോണും ആയിരുന്നു ഉപയോഗിച്ചത്.
ഗണേഷ് കുമാറിന്റെ പ്രതിസന്ധി
സാക്ഷിയെ ഭീഷണിപ്പെടുത്തിയ സംഭവത്തില് ഗണേഷ് കുമാര് എംഎല്എയ്ക്ക് ഏതെങ്കിലും തരത്തില് പങ്കുള്ളതായി ഇതുവരെ കണ്ടെത്തിയിട്ടില്ല. എന്നാല് പ്രദീപിനെ രക്ഷിക്കാന് എംഎല്എ ഇടപെട്ടു എന്ന രീതിയില് വാര്ത്തകള് വന്നിരുന്നു. ഇത് ഗണേഷിന് പ്രതിസന്ധി സൃഷ്ടിക്കും.
ഗണേഷിനൊപ്പം ദിലീപിനെ കണ്ടെന്ന് മൊഴി
ഇതിനിടെ കേസിലെ കുറ്റാരോപിതനായ ദിലീപിനെ രണ്ട് തവണ ജയിലില് പോയി കണ്ടുവെന്ന് പ്രദീപ് കുമാര് സമ്മതിച്ചു. ഒരുതവണ ഗണേഷ് കുമാറിനൊപ്പമാണ് കണ്ടത് എന്നാണ് പ്രദീപ് നല്കിയിരിക്കുന്ന മൊഴി. ദിലീപുമായി ബന്ധമില്ലെന്ന പ്രദീപിന്റെ ആദ്യ നിലപാട് ഇതോടെ പൊളിഞ്ഞിരിക്കുകയാണ്.
പിന്തുണ ആര്ക്ക്
നടി ആക്രമിക്കപ്പെട്ട സംഭവത്തില് ആരോപണ വിധേയനായ ദിലീപിന് പിന്തുണ പ്രഖ്യാപിച്ചവരുടെ കൂട്ടത്തിലാണ് ഗണേഷ് കുമാറും ഉള്ളത്. അടുത്തിടെ ഗണേഷ് നടത്തിയ ചില പരാമര്ശങ്ങളും വിവാദമായിരുന്നു. ഇത് ഇടതുപക്ഷ സര്ക്കാരിന്റെ പ്രതിച്ഛായയ്ക്ക് കോട്ടം തട്ടിക്കുന്നതാണ് എന്ന ആരോപണവും ഉയര്ന്നിരുന്നു.
മുന്കൂര് ജാമ്യം
ഗണേഷ് കുമാറിന്റെ ഓഫീസ് സെക്രട്ടറിയും സഹായിയും ആയ ബി പ്രദീപ് കുമാര് സമര്പ്പിച്ച മുന്കൂര് ജാമ്യ ഹര്ജിയും ഹൈക്കോടതി പരിഗണിക്കുന്നുണ്ട്. ഇതില് വിധി ഉടനുണ്ടാകും എന്നാണ് സൂചന. ജാമ്യം നിഷേധിക്കപ്പെട്ടാല് പ്രദീപ് കുമാറിനെ പോലീസ് അറസ്റ്റ് ചെയ്തേക്കുമെന്നാണ് റിപ്പോര്ട്ട്.
ജഡ്ജി മാറുമോ
നടി ആക്രമിക്കപ്പെട്ട കേസില് വിചാരണ കോടതി ജഡ്ജിയെ മാറ്റണം എന്നാവശ്യപ്പെടുന്ന ഹര്ജിയില് ഹൈക്കോടതി നവംബര് 20 ന് തീര്പ്പ് കല്പിക്കും. ജഡ്ജിയെ മാറ്റണം എന്ന ആവശ്യം അംഗീകരിച്ചാല് അത് കേസില് ഏറെ നിര്ണായകമാകും.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ?
Click it and Unblock the Notifications
Sign in with Google