കേരള ഹൗസില് ഡിവൈഎഫ്ഐ കേന്ദ്ര കമ്മിറ്റി; പരാതിയുമായി യൂത്ത് കോണ്ഗ്രസ്, യോഗം ചേര്ന്നത് ചട്ടലംഘനം
ദില്ലി: ദില്ലിയിലെ സംസ്ഥാന സര്ക്കാരിന്റ ഔദ്യോഗിക വസതിയായ കേരള ഹൗസില് ഡിവൈഎഫ്ഐ കേന്ദ്ര കമ്മിറ്റി ചേര്ന്നതില് പരാതിയുമായി യൂത്ത് കോണ്ഗ്രസ്. കേരള ഹൗസ് റസിഡന്റ് കമ്മീഷണര്ക്ക് വിഷയത്തില് യൂത്ത് കോണ്ഗ്രസ് പരാതി നല്കിയത്. ചട്ടം മറികടന്നാണ് ഡിവൈഎഫ്ഐക്കായി കോണ്ഫറന്സ് മുറി അനുവദിച്ചതെന്നാണ് യൂത്ത് കോണ്ഗ്രസ് പരാതിയില് പറയുന്നത്. കേരള ഹൗസിലെ കേന്ദ്രകമ്മിറ്റിയോഗത്തില് വച്ച് നിലവിലെ പൊതുമരാമത്ത് മന്ത്രി കൂടിയായ പിഎ മുഹമ്മദ് റിയാസ് സ്ഥാനമൊഴിയുകയും പകരം ഡിവൈഎഫ്ഐ സംസ്ഥാന സെക്രട്ടറിയായിരുന്ന എഎ റഹീം ദേശീയ അധ്യക്ഷന്റെ ചുമതലയേറ്റെടുക്കുകയും ചെയ്തിരുന്നു. പൊതുമരാമത്ത് വകുപ്പിന് ഉടമസ്ഥതയിലാണ് കേരള ഹൗസെന്നും മന്ത്രി മുഹമ്മദ് റിയാസിന്റേത് അധികാര ദുര്വിനിയോഗമാണെന്നുമാണ് യൂത്ത് കോണ്ഗ്രസ് പരാതിയില് പറയുന്നത്.
വിഷയത്തില് റസിഡന്റ് കമ്മീഷ്ണറുടെ വിശദീകരണം തൃപ്തികരമല്ലെങ്കില് ഗവര്ണര്ക്ക് പരാതി നല്കുമെന്നും യൂത്ത് കോണ്ഗ്രസ് പ്രവര്ത്തകര് പറഞ്ഞു. സുര്ജിത്ത് ഭവനും ഏകെജി ഭവനും ഉണ്ടായിരിക്കേ സര്ക്കാര് സ്ഥാപനം രാഷ്ട്രീയ പരിപാടിക്ക് ഉപയോഗിച്ചുവെന്നാണ് യൂത്ത് കോണ്ഗ്രസിസ് പ്രധാനമായും വിമര്ശിക്കുന്നത്. പൊതുമരാമത്ത് മന്ത്രിയെന്ന നിലയില് മുഹമ്മദ് റിയാസിനായി ഹാള് ബുക്ക് ചെയ്തായിരുന്നു ഡിവൈഎഫ്ഐ കേന്ദ്ര കമ്മിറ്റി യോഗം ചേര്ന്നിരുന്നത്. അതേസമയം രാഷ്ട്രീയം പറയാനില്ലാത്തവരാണ് വിവാദത്തിന് പിന്നിലെന്ന് ഡിവൈഎഫ്ഐ അഖിലേന്ത്യ പ്രസിഡന്റ് എഎ റഹീം പറഞ്ഞു.
കഴിഞ്ഞ ദിവസമാണ് കേരള ഹൗസിലെ കോണ്ഫറന്സ് മുറിയില് ഡിവൈഎഫ്ഐയുടെ കേന്ദ്രകമ്മിറ്റി യോഗം ചേര്ന്നത്. രാഷ്ട്രീയ പാര്ട്ടികള്ക്കോ പാര്ട്ടികളുമായി ബന്ധമുള്ള സംഘടനകള്ക്കോ, സ്വകാര്യ വ്യക്തികള്ക്കോ, വാണിജ്യ ആവശ്യങ്ങള്ക്കോ ഒന്നും കേരള ഹൗസിലെ കോണ്ഫറന്സ് മുറി നല്കാന് പാടില്ലെന്ന സര്ക്കാര് ഉത്തരവ് നിലനില്ക്കെ ഡിവൈഎഫ്ഐ കേന്ദ്ര കമ്മിറ്റി കൂടാന് ഹാള് അുവദിച്ചതാണ് വിവാദമായിരിക്കുന്നത്. ഇതെല്ലാം ഡിവൈഎഫ്ഐ കേന്ദ്രകമ്മിറ്റിക്കായി മറി കടന്നുവെന്നും ആരോപണമുണ്ട്. പുതിയ സംസ്ഥാന സെക്രട്ടറി സ്ഥാനത്തേക്ക് എം.വിജിന്, കെവി സുമേഷ്, സച്ചിന് ദേവ്, കെ റഫീഖ് എന്നിവരുടെ പേരുകള് പരിഗണനയിലുണ്ടെന്നാണ് ലഭിക്കുന്ന സൂചന. ഇക്കാര്യത്തില് വൈകാതെ തീരുമാനുണ്ടാവുമെന്നാണ് അറിയുന്നത്. കേരളത്തില് നിന്നുള്ള മറ്റൊരു നേതാവായ ജെയ്ക്ക് പി തോമസിനെ ഡിവൈഎഫ്ഐ കേന്ദ്ര കമ്മിറ്റിയില് ഉള്പ്പെടുത്തിയിട്ടുണ്ടായിരുന്നു. അടുത്ത അഖിലേന്ത്യാ സമ്മേളനം വരെയാണ് റഹീമിന് കേന്ദ്ര കമ്മിറ്റി അധ്യക്ഷ ചുമതല. താത്കാലിക ചുമതലയാണ് ഇപ്പോള് റഹീമിന് നല്കുന്നതെങ്കിലും ഡിവൈഎഫ്ഐയുടെ അടുത്ത സമ്മേളനത്തില് റഹീം നേരിട്ട് അധ്യക്ഷനാവാണ് സാധ്യത. കഴിഞ്ഞ ദിവസം ദില്ലിയില് ചേര്ന്ന ഫ്രാക്ഷന് യോഗത്തില് റഹീമിന് ചുമതല നല്കുന്നത് സംബന്ധിച്ച് ധാരണയുണ്ടായിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google