വ്യാജരേഖാ കേസ്: വിദ്യക്ക് ഉപാധികളോടെ ജാമ്യം; പാസ്പോര്ട്ട് ഹാജരാക്കണമെന്ന് കോടതി
പാലക്കാട്: വ്യാജരേഖാ കേസില് മുന് എസ് എഫ് ഐ നേതാവ് കെ വിദ്യക്ക് ജാമ്യം. മണ്ണാര്ക്കാട് കോടതിയാണ് ജാമ്യം അനുവദിച്ചത്. ഉപാധികളോടെയാണ് കോടതി വിദ്യക്ക് ജാമ്യം അനുവദിച്ചത്. പാസ്പോര്ട്ട് ഹാജരാക്കണം എന്നും രണ്ടാഴ്ച കൂടുമ്പോള് അന്വേഷണ ഉദ്യോഗസ്ഥര്ക്ക് മുന്നില് ഹാജരാകണം എന്നും കോടതി നിഷ്കര്ഷിച്ചു.
അഗളി പൊലീസ് രജിസ്റ്റര് ചെയ്ത കേസിലാണ് വിദ്യയ്ക്ക് ജാമ്യം ലഭിച്ചിരിക്കുന്നത്. അതേസമയം രണ്ടാമത്തെ കേസില് വിദ്യയെ നീലേശ്വരം പൊലീസിന് കസ്റ്റഡിയിലെടുക്കാമെന്ന് കോടതി വ്യക്തമാക്കി. നേരത്തെ താനൊരു സ്ത്രീയാണെന്നതും ആരോഗ്യവും വയസും പരിഗണിച്ച് ജാമ്യം നല്കണമെന്നുമായിരുന്നു വിദ്യ കോടതിയില് ആവശ്യപ്പെട്ടത്.
വ്യാജരേഖ ഉണ്ടാക്കേണ്ട യാതൊരു ആവശ്യവും തനിക്കില്ലെന്നും വിദ്യ പറഞ്ഞു. മഹാരാജാസ് കോളേജില് നിന്ന് പിജിക്ക് റാങ്ക് നേടിയാണ് താന് വിജയിച്ചതെന്നും വിദ്യ കോടതിയില് ചൂണ്ടിക്കാട്ടി. എന്നാല് വ്യാജരേഖയുണ്ടാക്കിയെന്ന് വിദ്യ സമ്മതിച്ചു എന്നാണ് പ്രോസിക്യൂട്ടര് വാദിച്ചത്. ജാമ്യാപേക്ഷയെ എതിര്ക്കുന്ന നിലാപാടായിരുന്നു പ്രോസിക്യൂഷന് സ്വീകരിച്ചിരുന്നത്.
വ്യാജരേഖ തയ്യാറാക്കിയതായി വിദ്യ സമ്മതിച്ചെന്നും പ്രോസിക്യൂഷന് കോടതിയില് പറഞ്ഞു. ഇതോടെ വ്യാജസീല് കണ്ടെത്തിയോ എന്ന കോടതി ചോദിച്ചു. എന്നാല് കേസെടുത്തതിന് പിന്നാലെ വിദ്യ ഇതിന്റെ ഒറിജിനല് നശിപ്പിച്ചെന്നായിരുന്നു പ്രോസിക്യൂഷന്റെ മറുപടി. സീലും അനുബന്ധ രേഖകളും നിര്മിച്ചത് ഓണ്ലൈനായിട്ടാണെന്നും പ്രോസിക്യൂഷന് കൂട്ടിച്ചേര്ത്തു.
ബുധനാഴ്ച രാത്രി കോഴിക്കോട് മേപ്പയൂര് കുട്ടോത്ത് സുഹൃത്തിന്റെ വീട്ടില് നിന്നാണ് അഗളി പൊലീസ് വിദ്യയെ കസ്റ്റഡിയിലെടുക്കുന്നതും പിന്നീട് അറസ്റ്റ് രേഖപ്പെടുത്തുന്നതും. കേസ് രജിസ്റ്റര് ചെയ്ത് രണ്ടാഴ്ചയ്ക്ക് ശേഷമാണ് വിദ്യയെ പിടികൂടാന് പൊലീസിന് സാധിച്ചത്. മഹാരാജാസ് കോളേജിലെ പൂര്വവിദ്യാര്ത്ഥിനിയായിരുന്ന വിദ്യ അതേ കോളേജിന്റെ സീല് ഉപയോഗിച്ചാണ് വ്യാജരേഖ ചമച്ചത്.
കാസര്കോട് തൃക്കരിപ്പൂര് സ്വദേശിനിയായ വിദ്യ കാലടി സംസ്കൃത സര്വകലാശാലയില് പിഎച്ച്ഡി വിദ്യാര്ഥിയാണ്. പാലക്കാട് അട്ടപ്പാടി രാജീവ് ഗാന്ധി മെമ്മോറിയല് ആര്ട്സ് കോളജിലെ മലയാളം ഗസ്റ്റ് ലക്ചറര് തസ്തികയില് നിയമനം ലഭിക്കാന് വിദ്യ എറണാകുളം മഹാരാജാസ് കോളജിന്റെ പേരിലുള്ള വ്യാജ സര്ട്ടിഫിക്കറ്റ് ഹാജരാക്കി എന്നാണ് പരാതിയില് പറയുന്നത്.
വ്യാജരേഖയുണ്ടാക്കല് (468), യഥാര്ഥ രേഖയെന്ന മട്ടില് അത് ഉപയോഗിക്കല് (471) എന്നീ കുറ്റങ്ങളാണ് വിദ്യക്കെതിരെ രജിസ്റ്റര് ചെയ്ത കേസില് ചുമത്തിയിരിക്കുന്നത്. മഹാരാജാസ് കോളജ് പ്രിന്സിപ്പല് നല്കിയ പരാതിയില് ജൂണ് 6 നാണ് എറണാകുളം സെന്ട്രല് പൊലീസ് കേസെടുത്തത്. ഇത് പിന്നീട് പാലക്കാട് അഗളി പൊലീസിനു കൈമാറുകയായിരുന്നു.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google