കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഒടുവില്‍ തീരുമാനമായി; എന്‍സിപി സംസ്ഥാന അധ്യക്ഷന്‍ തോമസ് ചാണ്ടി; ഉപാധ്യക്ഷന്‍ ശശീന്ദ്രന്‍ പക്ഷത്തിന്

Google Oneindia Malayalam News

കൊച്ചി: എന്‍സിപി സംസ്ഥാന അധ്യക്ഷനായി മുന്‍ മന്ത്രി തോമസ് ചാണ്ടിയെ തിരഞ്ഞെടുത്തു. ശശീന്ദ്രന്‍ പക്ഷത്തെ രാജന്‍ മാസ്റ്ററാണ് ഉപാധ്യക്ഷന്‍. ഏറെ വിവാദങ്ങള്‍ക്കും തര്‍ക്കങ്ങള്‍ക്കും ശേഷമാണ് സംസ്ഥാന ഭാരവാഹികളുടെ തിരഞ്ഞെടുപ്പ് പൂര്‍ത്തിയായിരിക്കുന്നത്. കേന്ദ്ര നേതൃത്വത്തിന്റെ ഇടപെടലാണ് തിരഞ്ഞെടുപ്പ് രമ്യമായ പരിഹാരത്തിലേക്ക് എത്തിച്ചത്. ബാബു കാര്‍ത്തികേയനാണ് ട്രഷറര്‍. നെടുമ്പാശേരിയില്‍ നടന്ന സംസ്ഥാന ജനറല്‍ ബോഡിയുടേതാണ് തീരുമാനം.

Uni

നിലവില്‍ പീതാംബരന്‍ മാസ്റ്ററാണ് എന്‍സിപി അധ്യക്ഷന്‍. സംസ്ഥാന ഭാരവാഹികളെ തിരഞ്ഞെടുക്കുന്ന കാര്യത്തില്‍ കേന്ദ്ര നേതൃത്വം മുന്നോട്ട് വച്ച നിര്‍ദേശ പ്രകാരമാണിപ്പോള്‍ തീരുമാനമുണ്ടായിരിക്കുന്നത്. പ്രസിഡന്റ് സ്ഥാനം തോമസ് ചാണ്ടിക്ക് നല്‍കാനായിരുന്നു നിര്‍ദേശം. ഉപാധ്യക്ഷനെ ശശീന്ദ്രന്‍ പക്ഷത്തുനിന്ന് തിരഞ്ഞെടുക്കാനും തീരുമാനിച്ചു.

എന്‍സിപിക്ക് സംസ്ഥാനത്ത് രണ്ടു എംഎല്‍എമാരാണുള്ളത്. തോമസ് ചാണ്ടിയും എകെ ശശീന്ദ്രനും. പാര്‍ട്ടിക്ക് അനുവദിച്ച മന്ത്രി പദവി ആദ്യം ലഭിച്ചത് ശശീന്ദ്രനായിരുന്നു. അദ്ദേഹം ഫോണ്‍കെണി വിവാദത്തില്‍പ്പെട്ടതോടെ രാജിവച്ചു. പിന്നീട് വകുപ്പ് തോമസ് ചാണ്ടിക്ക് കൈമാറിയെങ്കിലും ഏറെ കാലം ആ പദിവിയിലിരിക്കാന്‍ അദ്ദേഹത്തിനും സാധിച്ചില്ല.

കായല്‍ കയ്യേറ്റ വിവാദവുമായി ബന്ധപ്പെട്ട് തോമസ് ചാണ്ടിക്കും മന്ത്രിപദവി രാജിവയ്‌ക്കേണ്ടി വന്നു. പിന്നീട് വകുപ്പിന് മന്ത്രിയില്ലാത്ത അവസ്ഥയായിരുന്നു. എംഎല്‍എമാരില്‍ കുറ്റക്കാരനല്ലെന്ന് തെളിയുന്ന ആദ്യ വ്യക്തിക്ക് വകുപ്പ് കൈമാറാനായിരുന്നു തീരുമാനം. തുടര്‍ന്നാണ് ഫോണ്‍കെണി കേസില്‍ ശശീന്ദ്രന് ശുദ്ധിപത്രം ലഭിച്ചത്. ഇതോടെ മന്ത്രി പദവി അദ്ദേഹത്തിന് കൈമാറി. പിന്നീടാണ് പാര്‍ട്ടി സംസ്ഥാന അധ്യക്ഷ പദവി തോമസ് ചാണ്ടിക്ക് നല്‍കാന്‍ കേന്ദ്ര നേതൃത്വം നിര്‍ദേശിച്ചത്.

English summary
Former Minister Thomas Chandy elected as NCP State President
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X