'സംസ്ഥാനത്ത് സ്കൂളുകൾ തുറക്കാൻ ആലോചന;കോളേജ് വിദ്യാർത്ഥികൾക്ക് വാക്സിൻ സൗകര്യം ഒരുക്കും'
തിരുവനന്തപുരം; സംസ്ഥാനത്ത് സ്കൂളുകള് അടക്കമുള്ള വിദ്യാഭ്യാസ സ്ഥാപനങ്ങള് തുറക്കാനുള്ള ആലോചയുണ്ടെന്ന് മുഖ്യമന്ത്രി പിണറായി വിജയൻ. ഇത് സംബന്ധിച്ച് വിദഗ്ദരുമായി ചർച്ച പുരോഗമിക്കുകയാണെന്നും മുഖ്യമന്ത്രി വാർത്താസമ്മേളനത്തിൽ പറഞ്ഞു.
കോവിഡ് വ്യാപനം ഭയപ്പെടേണ്ടതില്ലാത്ത സാഹചര്യത്തിലേക്ക് എത്തുന്നതിനാല് സ്കൂളുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള് തുറക്കുന്നതിനുള്ള ഗൗരവതരമായ ആലോചനകള് നടന്നു വരികയാണ്. ഇക്കാര്യത്തില് അറിവും അനുഭവസമ്പത്തുമുള്ള വിദഗ്ധരുമായി ചര്ച്ചകള് നടക്കുന്നുണ്ട്. നമ്മുടെ വ്യവസായവ്യാപാര മേഖലകളുടെ പുനരുജ്ജീവനവും അടിയന്തരമായി നടപ്പിലാകണം. അതിനാവശ്യമായ ഇടപെടലുകളും ഉണ്ടാകും.
കോളേജുകള് തുറക്കുന്നതിനാല് വിദ്യാര്ത്ഥികള്ക്കുള്ള കോവിഡ് വാക്സിനേഷന് സൗകര്യമൊരുക്കുന്നതാണ്. കേളേജുകളിലെത്തുന്നതിന് മുമ്പായി എല്ലാ വിദ്യാര്ത്ഥികളും കോവിഡ് വാക്സിന് ഒരു ഡോസെങ്കിലും എടുക്കേണ്ടതാണ്. രണ്ടാമത്തെ ഡോസ് സ്വീകരിക്കുവാന് കാലാവധി ആയിട്ടുള്ളവര് രണ്ടാമത്തെ ഡോസ് വാക്സിനും സ്വീകരിക്കേണ്ടതാണ്. വിദ്യാര്ത്ഥികള്ക്ക് വാക്സിന് ലഭിക്കുന്നതിനായി തൊട്ടടുത്തുള്ള ആരോഗ്യ പ്രവര്ത്തകരുമായോ ആശാ പ്രവര്ത്തകരുമായോ ബന്ധപ്പെടേണ്ടതാണ്.
കോളേജ് വിദ്യാര്ത്ഥികളുടെ വാക്സിനേഷന് ആരോഗ്യ വകുപ്പും ഉന്നതവിദ്യാഭ്യാസ വകുപ്പും സംയുക്തമായി നടത്തും. സര്വകലാശാലകള് കേന്ദ്രീകരിച്ച് വാക്സിന് എടുക്കാത്ത വിദ്യാര്ത്ഥികളുടേയും അധ്യാപകരുടേയും കണക്കെടുത്ത് ഉന്നതവിദ്യാഭ്യാസ വകുപ്പ് ആരോഗ്യ വകുപ്പിന് നല്കും. അതടിസ്ഥാനമാക്കി അവിടെത്തന്നെ വാക്സിനേഷന് ക്യാമ്പുകള് സംഘടിപ്പിക്കും. ആരും വാക്സിനെടുക്കാതെ മാറി നില്ക്കരുത്.
കോവിഡ് ഉയര്ത്തുന്ന ഭീഷണികളെ നമുക്ക് അവഗണിക്കാനാവില്ല. കോവിഡിനെതിരെയുള്ള എല്ലാ മുന്കരുതലുകളും പാലിച്ചുകൊണ്ട് സുരക്ഷാകവചം തകരാതെ നോക്കിക്കൊണ്ട് വേണം നമുക്ക് മുന്നോട്ടു പോകാന്. എങ്കില് മാത്രമേ ഈ പ്രതിസന്ധി വിജയകരമായി മറികടക്കാന് കഴിയുകയുള്ളൂ.
Recommended Video
മറ്റു സംസ്ഥാനങ്ങള് വിദ്യാര്ത്ഥികള്ക്കു സംസ്ഥാനങ്ങളിലേക്കുള്ള പ്രവേശനത്തിനായി രണ്ട് ഡോസ് വാക്സിന് നിര്ബന്ധമാക്കിയ സാഹചര്യത്തില് ആ വിഭാഗക്കാരുടെ വാക്സിനേഷന് അടിയന്തിരമായി പൂര്ത്തിയാക്കാൻ ശ്രമിക്കുമെന്നും മുഖ്യമന്ത്രി അറിയിച്ചു.
സെപ്റ്റംബര് 30നകം 18 വയസിന് മുകളിലുള്ള എല്ലാവര്ക്കും ആദ്യഡോസ് വാക്സിന് നല്കാനാണ് ലക്ഷ്യമിടുന്നത്. 18 വയസ്സിനു മുകളിലുള്ള 78.03 ശതമാനം പേര്ക്ക് (2,23,94,059) ഒരു ഡോസ് വാക്സിനും 30.16 ശതമാനം പേര്ക്ക് (86,55,858) രണ്ട് ഡോസ് വാക്സിനും നല്കിയിട്ടുണ്ട്
ശരിക്കും സ്റ്റൈലിഷ്... ഭാവനയുടെ പുതിയ ലുക്കും ഏറ്റെടുത്ത് ആരാധകർ, വൈറൽ ചിത്രങ്ങൾ
ഡെല്റ്റാ വൈറസിനു വാക്സിന് ഉയര്ത്തുന്ന പ്രതിരോധം ഭേദിക്കാനുള്ള കഴിവ് ചെറിയ തോതിലുണ്ട്. പക്ഷേ, അതില് ഭയപ്പെടേണ്ടതില്ല. കാരണം വാക്സിന് എടുത്തവരില് രോഗം ഗുരുതരമാകില്ല. ആശുപത്രിയില് പ്രവേശിപ്പിക്കേണ്ട ആവശ്യം പൊതുവേ ഉണ്ടാകാറില്ല. മരണസാധ്യത ഏറെക്കുറെ ഇല്ല എന്നു തന്നെ പറയാം. രണ്ടോ അതിലധികമോ അനുബന്ധ രോഗങ്ങള് ഉള്ളവര് മാത്രമാണ് വാക്സിന് എടുത്തതിന് ശേഷം മരണമടഞ്ഞിട്ടുള്ളത്. അവര്ക്കിടയില് പോലും രോഗം ഗുരുതരമാക്കാതിരിക്കാന് വാക്സിന് സഹായകരമാണ്. അതിനാല് വാക്സിന് എത്രയും പെട്ടെന്ന് സ്വീകരിച്ച് രോഗപ്രതിരോധ ശേഷിയാര്ജ്ജിക്കാന് എല്ലാവരും തയ്യാറാകണമെന്നും മുഖ്യമന്ത്രി പറഞ്ഞു.
Click it and Unblock the Notifications
Sign in with Google