Click it and Unblock the Notifications
Just In
Don't Miss
-
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
IPL 2024: എല്ലാം തിരക്കഥ? 17ാം സീസണിലെ തട്ടിപ്പിന് തെളിവുണ്ട്? സഞ്ജുവിന്റെ രാജസ്ഥാനും പങ്ക്! -
50 രൂപയിൽ താഴെയുള്ള പവർ സ്റ്റോക്ക്, ഒരു വർഷത്തെ നേട്ടം 400%, ഓഹരി കയ്യിലുണ്ടെങ്കിൽ വിൽക്കണോ...? -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
ആ പ്രീതി വ്യക്തിപരമല്ല.. നിയമപരം മാത്രം; ഗവര്‍ണറോട് ഹൈക്കോടതി
കൊച്ചി: ഗവര്‍ണര്‍ ആരിഫ് മുഹമ്മദ് ഖാനെതിരെ ഹൈക്കോടതി. ചാന്‍സലറുടെ പ്രീതി വ്യക്തിപരമല്ല എന്ന് ഹൈക്കോടതി നിരീക്ഷിച്ചു. വ്യക്തിപരമായ പ്രീതിയല്ല, നിയമപരമായ പ്രീതിയാണ് ഭരണഘടന അനുശാസിക്കുന്നത് എന്ന് ഹൈക്കോടതി ചൂണ്ടിക്കാട്ടി. സെനറ്റ് അംഗങ്ങളെ പുറത്താക്കിയുള്ള ചാന്‍സലര്‍ കൂടിയായ ഗവര്‍ണറുടെ ഉത്തരവിലാണ് ഹൈക്കോടതിയുടെ നിരീക്ഷണം.
നാമനിര്‍ദേശം ചെയ്യപ്പെട്ടവര്‍ നിയമലംഘനം നടത്തിയാല്‍ മാത്രമേ അവരിലുള്ള പ്രീതി നഷ്ടപ്പെട്ടു എന്ന് പറയാന്‍ കഴിയൂ എന്ന് ഹൈക്കോടതി അറിയിച്ചു. സെനറ്റ് ഒരാളെ സെര്‍ച്ച് കമ്മിറ്റിയിലേക്ക് നിര്‍ദേശിച്ചാല്‍ പ്രശ്‌നം തീരില്ലേ എന്നും ഹൈക്കോടതി ആരാഞ്ഞു. കേരള സര്‍വകലാശാലയില്‍ നിന്ന് ഗവര്‍ണര്‍ ആരിഫ് മുഹമ്മദ് ഖാന്‍ പുറത്താക്കിയ 15 അംഗങ്ങളാണ് ഹൈക്കോടതിയെ സമീപിച്ചത്.
പുറത്താക്കല്‍ ഉത്തരവാണ് ഹൈക്കോടതിയുടെ മുന്നില്‍ ഹര്‍ജി പരിഗണിച്ചപ്പോള്‍ എത്തിയത്. ഈ ഉത്തരവില്‍ പ്രീതി പിന്‍വലിക്കുന്നു എന്നാണ് ചാന്‍സലര്‍ രേഖപ്പെടുത്തിയിരുന്നത്. കൂടാതെ മറ്റ് വിശദീകരണം ഉണ്ടായിരുന്നില്ല. ഇതിനെ തുടര്‍ന്നായിരുന്നു ഹൈക്കോടതിയുടെ പരാമര്‍ശം. പ്രീതി എന്നത് വ്യക്തിപരമല്ല എന്നും അത് ഭരണഘടനാപരമായി നിയമപരമായി അനുവദിച്ചിരിക്കുന്ന ഒരു അവകാശമാണ്.
ഭരണഘടനാപരമായുള്ള അവകാശം ഉപയോഗിക്കുമ്പോള്‍ കൃത്യമായി അതിന്റെ നിയമലംഘനം എന്ത് എന്നത് കൂടി വ്യക്തമാക്കണം എന്നും ഹൈക്കോടതി വ്യക്തമാക്കി. ജസ്റ്റിസ് ദേവന്‍ രാമചന്ദ്രന്റെ ബെഞ്ചിന്റേതാണ് നിരീക്ഷണം. ഇക്കാര്യം ഹൈക്കോടതി നേരത്തെ വ്യക്തമാക്കിയിട്ടുണ്ടെന്നും ദേവന്‍ രാമചന്ദ്രന്‍ കൂട്ടിച്ചേര്‍ത്തു.
അതേസമയം കേരള സര്‍വകലാശാലയിലെ സെനറ്റ് അംഗങ്ങളുടെ നാമനിര്‍ദേശം പിന്‍വലിച്ച തീരുമാനത്തെ ന്യായീകരിച്ച് ഗവര്‍ണര്‍ ആരിഫ് മുഹമ്മദ് ഖാന്‍ ഹൈക്കോടതിയില്‍ സത്യവാങ്മൂലം സമര്‍പ്പിച്ചിരിക്കുകയാണ്. വൈസ് ചാന്‍സലര്‍ നിയമനത്തിലെ കാലതാമസം ഒഴിവാക്കാനാണ് ശ്രമിച്ചത് എന്നാണ് സത്യവാങ്മൂലത്തില്‍ ഗവര്‍ണര്‍ പറഞ്ഞിരിക്കുന്നത്.
നേരത്തെ പ്രീതി നഷ്ടപ്പെട്ടാല്‍ മന്ത്രിമാരെ പിന്‍വലിക്കും എന്ന് ഗവര്‍ണര്‍ ആരിഫ് മുഹമ്മദ് ഖാന്‍ ഭീഷണി മുഴക്കിയിരുന്നു. കൂടാതെ ധനമന്ത്രി കെ എന്‍ ബാലഗോപാലിന്റെ കാര്യത്തില്‍ തന്റെ പ്രീതി നഷ്ടപ്പെട്ടു എന്നും ഗവര്‍ണര്‍ പ്രഖ്യാപിച്ചിരുന്നു. ഇതിന്റെ പശ്ചാത്തലത്തില്‍ ഹൈക്കോടതിയില്‍ നിന്നുണ്ടായ നിരീക്ഷണം തിരിച്ചടിയായാണ് കണക്കാക്കുന്നത്.
