ക്ഷേത്രങ്ങള്ക്ക് അങ്ങോട്ട് നല്കിയത് 229 കോടി!; ഇന്ദു മല്ഹോത്രയുടെ വിമര്ശനത്തിന് പിന്നാലെ കെ രാധാകൃഷ്ണന്
തിരുവനന്തപുരം: 'കമ്മ്യൂണിസ്റ്റ് സര്ക്കാര്' ആരാധനാലയങ്ങള് ഏറ്റെടുക്കുന്നു എന്ന സുപ്രീംകോടതി മുന് ജഡ്ജി ഇന്ദു മല്ഹോത്രയുടെ വിമര്ശനത്തിന് പരോക്ഷ മറുപടിയുമായി ദേവസ്വം മന്ത്രി കെ രാധാകൃഷ്ണന്. കഴിഞ്ഞ വര്ഷത്തെ പ്രതിസന്ധി ഘട്ടത്തില് സംസ്ഥാനത്തെ ക്ഷേത്രങ്ങള്ക്ക് 229 കോടി രൂപയുടെ സഹായം നല്കിയെന്ന് രാധാകൃഷ്ണന് പറഞ്ഞു.
ക്ഷേത്രങ്ങളിലെ ഒഴിഞ്ഞ സ്ഥലങ്ങള് കൃഷിയടക്കമുള്ള വാണിജ്യ സംരംഭങ്ങള്ക്കായി വികസിപ്പിക്കാന് ക്ഷേത്ര ബോര്ഡുകള്ക്ക് സംസ്ഥാന സര്ക്കാര് നിര്ദേശം നല്കിയിട്ടുണ്ടെന്നും രാധാകൃഷ്ണന് പറഞ്ഞു. നിയമസഭയിലായിരുന്നു ഇക്കാര്യം അദ്ദേഹം പറഞ്ഞത്. കമ്മ്യൂണിസ്റ്റ് സര്ക്കാരുകള് ഹിന്ദു ക്ഷേത്രങ്ങളുടെ നിയന്ത്രണം ഏറ്റെടുക്കാന് ആഗ്രഹിക്കുന്നത് അത് ഉണ്ടാക്കുന്ന വരുമാനം കൊണ്ടാണെന്ന് ഇന്ദു മല്ഹോത്ര പറഞ്ഞിരുന്നു.
തിരുവിതാംകൂര് ദേവസ്വം ബോര്ഡ്, കൊച്ചിന് ദേവസ്വം ബോര്ഡ്, മലബാര് ദേവസ്വം ബോര്ഡ്, കൂടല്മാണിക്യം ദേവസ്വം ബോര്ഡ് എന്നിവയ്ക്ക് 165 കോടി രൂപ സര്ക്കാര് അനുവദിച്ചതായി രേഖാമൂലമുള്ള ചോദ്യത്തിന് മറുപടിയായി കെ രാധാകൃഷ്ണന് നിയമസഭയെ അറിയിച്ചു. 2018-ലെ കൊറോണ വൈറസ് പാന്ഡെമിക്കും വെള്ളപ്പൊക്കവും സൃഷ്ടിച്ച പ്രതിസന്ധിയുടെ വേലിയേറ്റത്തില് ക്ഷേത്രങ്ങളേയും ധനസഹായത്തിന് പരിഗണിച്ചു എന്നും അദ്ദേഹം വ്യക്തമാക്കി.
ശബരിമല ക്ഷേത്രത്തിന്റെ നടത്തിപ്പുകാരായ തിരുവിതാംകൂര് ദേവസ്വം ബോര്ഡിന് 120 കോടി രൂപയുടെ സഹായം ലഭിച്ചതായി രാധാകൃഷ്ണന് പറഞ്ഞു. കൂടാതെ, 2021 മേയില് നിലവിലെ എല് ഡി എഫ് സര്ക്കാര് അധികാരമേറ്റശേഷം തിരുവിതാംകൂര് ദേവസ്വം ബോര്ഡിന് 20 കോടി രൂപയും മലബാര് ദേവസ്വം ബോര്ഡിന് 44 കോടി രൂപയും ഗ്രാന്റ് ഇന്-എയ്ഡ് നല്കിയതായി മന്ത്രി പറഞ്ഞു.
പുതിയ വരുമാന സ്രോതസ്സുകള് കണ്ടെത്തുന്നതിന്റെ ഭാഗമായി അവരുടെ ഭൂമിയില് ഷോപ്പിംഗ് കോംപ്ലക്സുകള്, ട്രേഡ് ഫെയര് സെന്ററുകള്, ഫാമുകള് എന്നിവ വികസിപ്പിക്കാന് ക്ഷേത്ര ബോര്ഡുകള്ക്ക് നിര്ദ്ദേശം നല്കിയിട്ടുണ്ട്.
തിരുവിതാംകൂര് ദേവസ്വം ബോര്ഡിലെ ജീവനക്കാരുടെ ശമ്പളവും പെന്ഷന്കാരുടെ ക്ഷാമബത്തയും വര്ധിപ്പിച്ചതുമൂലമുണ്ടാകുന്ന അധിക സാമ്പത്തിക ബാധ്യത പരിഹരിക്കാന് സര്ക്കാര് നടപടി സ്വീകരിച്ചിട്ടുണ്ടെന്നും മന്ത്രി പറഞ്ഞു. വരുമാനം കാരണം കമ്യൂണിസറ്റ് സര്ക്കാരുകള് ക്ഷേത്രങ്ങള് ഏറ്റെടുക്കാന് ആഗ്രഹിക്കുന്നു എന്നും ശ്രീപദ്മനാഭസ്വാമി ക്ഷേത്രവുമായി ബന്ധപ്പെട്ട് നടത്തിയ ഇത്തരമൊരു ശ്രമം താനും ചീഫ് ജസ്റ്റിസ് യു യു ലളിതും ചേര്ന്ന് അവസാനിപ്പിച്ചു എന്നും ഇന്ദു മല്ഹോത്ര പറഞ്ഞിരുന്നു.
ക്യൂട്ട് ചിരി... ഹോട്ട് ലുക്ക്... ഗ്ലാമറസ് ലുക്കില് മഡോണയുടെ വൈറല് ഫോട്ടോഷൂട്ട്
Click it and Unblock the Notifications
Sign in with Google