ആഹ്ലാദ പ്രകടനങ്ങള് പാടില്ലെന്ന തിരഞ്ഞെടുപ്പ് കമ്മീഷന്റെ തീരുമാനം സ്വാഗതാര്ഹം: കെ സുരേന്ദ്രന്
തിരുവനന്തപുരം: കൊവിഡ് രണ്ടാം തരംഗം ശക്തമായ സാഹചര്യത്തില് നിയമസഭാ തിരഞ്ഞെടുപ്പിന്റെ ഫലം വരുന്ന ദിവസം ആഹ്ലാദ പ്രകടനങ്ങള് പാടില്ലെന്ന കേന്ദ്ര തിരഞ്ഞെടുപ്പ് കമ്മീഷന്റെ തീരുമാനത്തെ ബിജെപി ഹാര്ദ്ദമായി സ്വാഗതം ചെയ്യുന്നതായി സംസ്ഥാന പ്രസിഡന്റ് കെ.സുരേന്ദ്രന്.
ആഹ്ലാദ പ്രകടനങ്ങളും ആഘോഷങ്ങളും കൊവിഡ് വ്യാപനത്തിന് കാരണമാവും എന്ന ആശങ്കയെ ബിജെപി ഗൗരവമായാണ് കാണുന്നത്. മെയ് രണ്ടിന് പാര്ട്ടി പ്രവര്ത്തകര് കൂട്ടംകൂടി നില്ക്കരുതെന്ന നിര്ദ്ദേശം നല്കിയിട്ടുണ്ട്. ഈ കാര്യത്തില് സര്ക്കാര് ശക്തമായ നടപടികള് കൈക്കൊള്ളണം. കൊവിഡിനെതിരെ എല്ലാവരും ഒന്നിച്ച് നില്ക്കണമെന്നും സുരേന്ദ്രന് പറഞ്ഞു.
അതേസമയം, കൊവിഡ് കേസുകള് ഉയരുന്നതിന്റെ പശ്ചാത്തലത്തില് വോട്ടെണ്ണല് ദിനത്തിലെ ആഹ്ളാദ പ്രകടനങ്ങള് നിരോധിച്ച് കേന്ദ്ര തിരഞ്ഞെടുപ്പ് കമ്മീഷന് നേരത്തെ ഉത്തരവ് പുറപ്പെടുവിച്ചിരുന്നു. അടുത്ത ദിവസവും യാതൊരു പ്രകടനങ്ങളും കൂടിച്ചേരലുകളും പാടില്ല. തിരഞ്ഞെടുപ്പ് നടന്ന അഞ്ച് സംസ്ഥാനങ്ങള്ക്കും നിരോധനം ബാധകമാണെന്നും കമ്മീഷന് വ്യക്തമാക്കിയിരുന്നു.
രാജ്യത്തെ കൊവിഡ് രണ്ടാം വ്യാപനത്തില് മദ്രാസ് ഹൈക്കോടതി തിരഞ്ഞെടുപ്പ് കമ്മിഷനെതിരെ രൂക്ഷവിമര്ശനം ഉന്നയിച്ചിരുന്നു. കൊവിഡ് രണ്ടാം തരംഗത്തിനിടെ തിരഞ്ഞെടുപ്പ് റാലികള്ക്ക് തടയാതെ അവയ്ക്ക് അനുമതി നല്കിയ കമ്മീഷനാണ് രോഗവ്യാപനത്തിന് ഉത്തരവാദി എന്നായിരുന്നു കോടതി കുറ്റപ്പെടുത്തിയത്. കമ്മീഷന് ഉദ്യോഗസ്ഥര്ക്കെതിരെ കൊലക്കുറ്റത്തിന് കേസെടുക്കണമെന്നും കോടതി പറഞ്ഞിരുന്നു.
Recommended Video
ബോൾഡ് ആന്റ് ബ്യൂട്ടിഫുൾ. നടി തനുശ്രീ ദത്തയുടെ പുതിയ ചിത്രങ്ങൾ
Click it and Unblock the Notifications
Sign in with Google