സ്വര്ണം വീണ്ടും കുറഞ്ഞു; സ്വര്ണവില ഏറ്റവും താഴ്ന്ന നിരക്കിലേക്ക്, ഇന്നത്തെ പവന് വില അറിയാം
കൊച്ചി: കേരളത്തില് സ്വര്ണവില വീണ്ടും കുറഞ്ഞു. ഇന്നലെ രാവിലെ വില കൂടുകയും വൈകീട്ട് വില കുറയുകയും ചെയ്ത പിന്നാലെയാണ് ഇന്ന് രാവിലെയും വില താഴ്ന്നത്. സ്വര്ണം വാങ്ങാന് ആഗ്രഹിക്കുന്നവര്ക്ക് ഇത് നല്ല വാര്ത്തയാണ്. അതേസമയം, പഴയ സ്വര്ണം ലാഭത്തില് വില്ക്കാമെന്ന് കരുതിയവര്ക്ക് തിരിച്ചടിയാണിത്.
കേരളത്തില് ഈ മാസം രേഖപ്പെടുത്തിയ ഏറ്റവും ഉയര്ന്ന സ്വര്ണവില പവന് 126920 രൂപയായിരുന്നു. ഈമാസം ഒന്നിനായിരുന്നു ഇത്രയും ഉയര്ന്ന വില. പിന്നീട് കുറഞ്ഞ് 118160 രൂപയിലെത്തി. വീണ്ടും വില കൂടിയിരുന്നു എങ്കിലും ഏറ്റവും കുറഞ്ഞ നിരക്കിന് അടുത്തെത്തിയിരിക്കുകയാണ് ഇപ്പോള്. ഡോളര് മൂല്യം കൂടുന്നതാണ് സ്വര്ണവില കുറയാനുള്ള കാരണം.
കേരളത്തില് ഇന്ന് 22 കാരറ്റ് ഒരു പവന് സ്വര്ണത്തിന് 360 രൂപ കുറഞ്ഞ് 118960 രൂപയായി. ഒരു ഗ്രാമിന് 14870 രൂപ നല്കണം. വെള്ളി വിലയില് 10 രൂപയുടെ കുറവാണ് വന്നിരിക്കുന്നത്. ഒരു ഗ്രാമിന് 280 രൂപയാണ് ഇന്നത്തെ വില. പത്ത് ഗ്രാമിന് 2800 രൂപയും. ആഗോള വിപണിയില് ഔണ്സ് സ്വര്ണത്തിന് 5177 ഡോറളായി വില കുറഞ്ഞിട്ടുണ്ട്.
താഴ്ന്ന കാരറ്റ് സ്വര്ണം വാങ്ങുന്നവര് അറിയാന്
കേരളത്തില് 18 കാരറ്റ് സ്വര്ണം ഗ്രാമിന് 12215 രൂപയും പവന് 97720 രൂപയുമാണ് ഇന്ന് നല്കേണ്ടത്. 14 കാരറ്റ് സ്വര്ണം ഗ്രാമിന് 9515 രൂപയും പവന് 76120 രൂപയും നല്കണം. 9 കാരറ്റ് സ്വര്ണം ഗ്രാമിന് 6135 രൂപയും പവന് 49080 രൂപയുമാണ് നല്കേണ്ടത്. കുറഞ്ഞ വിലയ്ക്ക് സ്വര്ണം വാങ്ങാന് ആഗ്രഹിക്കുന്നവര്ക്ക് ഈ സ്വര്ണങ്ങളെ ആശ്രയിക്കാവുന്നതാണ്.
കാരറ്റ് കുറഞ്ഞ സ്വര്ണത്തിന് മാറ്റ് കുറയാനുള്ള സാധ്യതയുണ്ട്. പണിക്കൂലി കൂടുകയും ചെയ്യും. ഇവയില് സ്വര്ണത്തിന്റെ അംശം കുറവായിരിക്കും. മറ്റു ലോഹങ്ങള് താരതമ്യേന കൂടുതലാകും. അതുകൊണ്ടാണ് മാറ്റ് കുറയുന്നത്. ഇടയ്ക്ക് മഞ്ഞ പൂശേണ്ടി വരും. ബാങ്കുകളില് സ്വര്ണ വായ്പ എടുക്കുന്നതിന് ഈ സ്വര്ണം സ്വീകരിക്കില്ല. മാത്രമല്ല, ആഭരണങ്ങള് മാത്രമേ ഈ കാരറ്റുകളില് ലഭിക്കുകയുള്ളൂ.
ഇപ്പോഴും സ്വര്ണവില കുറയുന്നത് എന്തുകൊണ്ട്?
പശ്ചിമേഷ്യയിലെ സംഘര്ഷ സാഹചര്യത്തിലും എന്തു കൊണ്ട് സ്വര്ണവില കുറയുന്നു എന്ന ചോദ്യം സ്വാഭാവികമാണ്. സാധാരണ സംഘര്ഷ സാഹചര്യത്തില് സ്വര്ണത്തിലേക്ക് കൂടുതല് പേര് എത്തുകയും വില കൂടുകയുമാണ് ചെയ്യുക. ഇവിടെ വിപരീതമാണ് സംഭവിക്കുന്നത്. ഇതിന് കാരണം പണപ്പെരുപ്പം ഉയരാനുള്ള സാധ്യതയാണ്.
പണപ്പെരുപ്പം ഉയരുമെന്ന് നിക്ഷേപകര് കരുതുന്നു. ഇത് നേരിടാന് ബാങ്കുകള് പലിശ നിരക്ക് കൂട്ടിയേക്കും. ഇത് ബാങ്ക്-ബോണ്ട് നിക്ഷേപങ്ങള്ക്ക് വരുമാനം വര്ധിപ്പിക്കും. ഇതാണ് നിക്ഷേപകര് സ്വര്ണം വിട്ട് പോകാന് കാരണം. ആവശ്യക്കാര് കുറയുന്നതോടെ സ്വര്ണവില താഴുകയാണ്. അതേസമയം, എണ്ണ ടാങ്കറുകള്ക്ക് നേരെ നടക്കുന്ന ആക്രമണങ്ങള് ക്രൂഡ് ഓയില് വില കൂടാന് കാരണമായി. ഇത് ഇന്ത്യയ്ക്ക് വലിയ ആശങ്കയാണ് സമ്മാനിക്കുന്നത്. ബാരലിന് 100 ഡോളര് പിന്നിട്ടു. ഓഹരി വിപണികളും ഇടിഞ്ഞു.
-
സ്വര്ണവില കുതിച്ചുകയറി; ഇനി വന് മുന്നേറ്റം, ഒരു പവന് ആഭരണത്തിന് 1.20 ലക്ഷം രൂപ, ഗ്രാം വില അറിയാം -
സ്വര്ണം പിടിവിടുന്നു; വൈകീട്ട് വന് വില വര്ധന, ഇന്ന് 2 തവണ ഉയര്ന്നു, പുതിയ പവന് വില അറിയാം -
സ്വര്ണവില സ്തംഭിച്ചു; ഏറെ കാലത്തിന് ശേഷം, ഇനി വന് കുതിപ്പ് പ്രതീക്ഷിക്കാം, ഇന്നത്തെ പവന് വില -
സ്വര്ണം വീണ്ടും മുകളിലേക്കോ? പവന്വില 1.35 ലക്ഷത്തിലേക്ക് ഉടനെത്തും, ഗ്രാമിന് 16600! -
സ്വര്ണം വില്ക്കാതെ എല്ലാവരും പണയം വെക്കുന്നു... സ്വര്ണവായ്പയില് വന് വര്ധനവെന്ന് റിപ്പോര്ട്ട് -
ഇനി എല്ലാ ആഴ്ചയും സ്വര്ണവില കൂടും? യുദ്ധം അവസാനിക്കുന്നതോടെ കരുത്തുകാട്ടി പൊന്ന് -
സ്വർണത്തിൽ സംഭവിക്കാൻ പോകുന്നത്..1.10 മുടക്കേണ്ടിടത്ത് 1.50 ലക്ഷം മുടക്കേണ്ടി വരും..മുന്നറിയിപ്പ് -
ഏപ്രില് മാസത്തില് സ്വര്ണവില കുതിച്ചുയരും..! ഇപ്പോള് വാങ്ങിയാല് ലാഭം കൊയ്യാം, സംഭവിക്കാന് പോകുന്നത് -
നിങ്ങളുടെ സ്വര്ണാഭരണം ഇന്ഷ്വര് ചെയ്തിട്ടുണ്ടോ? പ്രീമിയം തുക ഇത്ര മാത്രം, നേട്ടങ്ങളിത് -
അമ്പരപ്പിൽ സ്വർണ വിപണി, സ്വർണ്ണവിലയിൽ 17 വർഷത്തിനിടയിലെ ഏറ്റവും വലിയ ഇടിവ്! -
സ്വർണ വില ഇനി പരമാവധി പോയാൽ 1.10 ലക്ഷം വരെ..ഈ വർഷം 2 ലക്ഷമൊന്നും ആകില്ല; പ്രവചനം -
ബെംഗളൂരു ജീവിതം കൈപ്പൊള്ളിക്കും; വെള്ളം മുതൽ വൈദ്യുതി വരെ എല്ലാത്തിനും നാളെ മുതൽ വില ഉയരും
Click it and Unblock the Notifications
Sign in with Google