കേരളത്തില് അതിശക്തമായ മഴ; എല്ലായിടത്തും ജാഗ്രതാ നിര്ദേശം, 10 ജില്ലകളില് ഓറഞ്ച് അലര്ട്ട്
തിരുവനന്തപുരം: സംസ്ഥാനത്തെ മഴ മുന്നറിയിപ്പില് മാറ്റം. 14 ജില്ലകളിലും കേന്ദ്ര കാലാവസ്ഥാ വകുപ്പ് ജാഗ്രതാ നിര്ദേശം പുറപ്പെടുവിച്ചു. പത്ത് ജില്ലകളില് അതിശക്തമായ മഴയ്ക്ക് സാധ്യതയുണ്ട് എന്നാണ് കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ ഭാഗമായി ഈ ജില്ലകളില് ഓറഞ്ച് അലര്ട്ട് പുറപ്പെടുവിച്ചിരിക്കുകയാണ്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ഓറഞ്ച് അലര്ട്ട് പുറപ്പെടുവിച്ചിരിക്കുന്നത്.
ഈ ജില്ലകളില് ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 മില്ലി മീറ്റര് മുതല് 204.4 മില്ലി മീറ്റര് വരെ മഴ ലഭിക്കുന്നതിനെ ആണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്. നാല് ജില്ലകളില് ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. ഇവിടങ്ങളില് യെല്ലോ അലര്ട്ടാണ് പുറപ്പെടുവിച്ചിരിക്കുന്നത്.
തിരുവനന്തപുരം, കൊല്ലം, പാലക്കാട്, മലപ്പുറം ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഈ ജില്ലകളില് ഒറ്റപ്പെട്ടയിടങ്ങളില് ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 64.5 മില്ലി മീറ്ററില് മുതല് 115.5 മില്ലി മീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്.
അറബിക്കടലിലെത്തിയ ന്യൂനമര്ദത്തെ തുടര്ന്നാണ് കേരളത്തില് മഴ ശക്തമാകുന്നത് എന്നും ഇടിമിന്നലിനും കാറ്റിനും സാധ്യതയുണ്ടെന്നും കാലാവസ്ഥാ വകുപ്പ് മുന്നറിയിപ്പ് നല്കി. കേരളാ തീരത്ത് മത്സ്യബന്ധനം പാടില്ലെന്നും കാലാവസ്ഥാ വിഭാഗം നിര്ദ്ദേശിച്ചു. അതേസമയം ഓറഞ്ച് അലര്ട്ട് പുറപ്പെടുവിച്ചതോടെ ഉരുള്പ്പൊട്ടലുണ്ടായ വയനാട്ടില് ജില്ലാ ഭരണകൂടം പ്രത്യേക ജാഗ്രതാ നിര്ദ്ദേശം പുറത്തിറക്കി.
മണ്ണിടിച്ചില് സാധ്യതയുള്ള പ്രദേശങ്ങള്, വെള്ളം കയറാന് സാധ്യതയുള്ള സ്ഥലങ്ങളില് താമസിക്കുന്നവര് എന്നിവര് ജാഗ്രത പാലിക്കണം എന്നും ആവശ്യമായാല് ഇത്തരം സ്ഥലങ്ങളിലുള്ളവര് ക്യാംപുകളിലേക്ക് മാറാന് തയ്യാറായി ഇരിക്കണമെന്നും ജാഗ്രതാ നിര്ദേശത്തില് പറയുന്നു. അതേസമയം ഇന്ന് രാവിലെ മുതല് എറണാകുളം ജില്ലയിലെ പലയിടത്തും ശക്തമായ മഴ തുടരുകയാണ്.
ഇടപ്പള്ളിയിലെ ദേശീയപാതയില് വെള്ളക്കെട്ട് രൂപപ്പെട്ടു. കോതമംഗലത്ത് മഴയുടെ അളവ് കൂടിയതോടെ പെരിയാറിലെ ജലനിരപ്പ് കൂടിയിട്ടുണ്ട്. ഭൂതത്താന്കെട്ട് ഡാമിന്റെ 11 ഷട്ടറുകള് തുറന്നിരിക്കുകയാണ്. ഇവിടെ ഇന്നലെ രാത്രി മുതല് പെയ്യുന്ന കനത്ത മഴയെ തുടര്ന്ന് ജലനിരപ്പ് ഉയര്ന്നിരുന്നു. ഇതിനെ തുടര്ന്നാണ് ഷട്ടറുകള് തുറന്നത്.
Click it and Unblock the Notifications
Sign in with Google