സംസ്ഥാനത്ത് ഞായറാഴ്ച മുതല് എടവപ്പാതി സജീവമാകും; കനത്ത മഴയ്ക്ക് സാധ്യത
തിരുവനന്തപുരം: സംസ്ഥാനത്ത് ഞായറാഴ്ച മുതല് എടവപ്പാതി സജീവമാകുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ബംഗാള് ഉള്ക്കടലില് രൂപംകൊണ്ട അന്തരീക്ഷ ചുഴലിയുടെ സ്വാധീനത്താല് മിക്ക ജില്ലകളിലും ശക്തമായതോ അതിശക്തമായതോ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
സംസ്ഥാനത്ത് ജൂണ് ഒന്ന് മുതല് 14 വരെയുള്ള ദിവസങ്ങളില് കേരളത്തില് മഴയില് 55 ശതമാനം കുറവുണ്ടായിരുന്നു. 280.5 മില്ലി മീറ്റര് പെയ്യേണ്ടിയിരുന്നു. എന്നാല് പെയതത് 126 മില്ലി മീറ്റര് മഴ മാത്രമാണ്. സംസ്ഥാനത്ത് ഇപ്പോള് 20 വരെയാണ് മഴ മുന്നറിയിപ്പ് നല്കിയിട്ടുള്ളത്. മഴ ഇനി വരുന്ന ദിവസങ്ങളിലും തുടരാനാണ് സാധ്യത.
കാലാവസ്ഥ വകുപ്പിന്റെ ദീര്ഘകാല പ്രവചന അനുസരിച്ച് 23 മുതല് 29 വരെയുള്ള ആഴ്ചയില് സാധാരണ നിലയിലും കൂടിയ അളവില് മഴ ലഭിക്കാന് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം വ്യക്തമാക്കുന്നത്. മഴയുടെ പശ്ചാത്തലത്തില് 20 വരെ കേരള- കര്ണാടക തീരങ്ങളിലും ലക്ഷദ്വീപ് പ്രദേശത്തും മത്സ്യബന്ധനത്തിന് വിലക്ക് ഏര്പ്പെടുത്തിയിട്ടുണ്ട്.
പുതുക്കിയ ഉയര്ന്ന തിരമാല ജാഗ്രത നിര്ദേശം
വിഴിഞ്ഞം മുതല് കാസര്ഗോഡ് വരെയുള്ള കേരള തീരത്ത് ജൂണ് 17ന് വൈകിട്ട് 5.30 വരെ 2.2 മുതല് 2.6 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത സെക്കന്ഡില് 55 സെന്റിമീറ്ററിനും 75 സെന്റിമീറ്ററിനും ഇടയില് മാറി വരാന് സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
ഈ സാഹചര്യത്തില് മത്സ്യത്തൊഴിലാളികള്ക്കും തീരദേശവാസികള്ക്കും സംസ്ഥാന ദുരന്തനിവാരണ അതോറിറ്റി ജാഗ്രതാ നിര്ദേശം നല്കി. മത്സ്യബന്ധന യാനങ്ങളുടെയും ഉപകരണങ്ങളുടെയും സുരക്ഷ ഉറപ്പാക്കണമെന്നും ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും മുന്നറിയിപ്പുണ്ട്.
പ്രത്യേക ജാഗ്രതാ നിര്ദേശം
ഗള്ഫ് ഓഫ് മാന്നാര്, തെക്കന് തമിഴ്നാട് തീരം അതിനോട് ചേര്ന്നുള്ള കന്യാകുമാരി പ്രദേശം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
തെക്ക് പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള തെക്കന് ശ്രീലങ്കന് തീരം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. തെക്ക് കിഴക്കന് ബംഗാള് ഉള്ക്കടലില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
18-06-2023: ഗള്ഫ് ഓഫ് മാന്നാര്, തെക്കന് തമിഴ്നാട് തീരം അതിനോട് ചേര്ന്നുള്ള കന്യാകുമാരി പ്രദേശം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
വടക്കന് തമിഴ്നാട്, തെക്ക് കിഴക്കന് ബംഗാള് ഉള്ക്കടല് അതിനോട് ചേര്ന്നുള്ള തെക്ക് പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
Click it and Unblock the Notifications
Sign in with Google