Click it and Unblock the Notifications
Just In
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
അനീഷയുടെമരണം;കുറ്റിപ്പുറം എസ്‌ഐക്ക് സസ്പെന്ഷന്
മലപ്പുറം: ചങ്ങരംകുളം പോലീസ് സ്‌റ്റേഷനില്‍വച്ച് കസ്റ്റഡിയിലെടുത്ത യുവതി ആത്മഹത്യ ചെയ്ത സംഭവത്തില്‍ കുറ്റിപ്പുറം എസ്‌ഐക്ക് സസ്പെന്ഷന്. ചട്ടം ലംഘിച്ച് ചങ്ങരംകുളം സ്റ്റേഷന്‍ സന്ദര്‍ശിച്ച സംഭവത്തിലാണ് നടപടി.
കുറ്റിപ്പുറം എസ്‌ഐ ആയ ടി മനോഹരനെയാണ് മധ്യമേഖല ഐജി ഗോപിനാഥ് സസ്‌പെന്‍ഡ് ചെയ്തത്. യുവതി മരിക്കുന്നതിന് മണിക്കൂറുകള്‍ക്ക് മുമ്പ് എസ്‌ഐ മനോഹരന്‍ കുറ്റിപ്പുറം സ്റ്റേഷനിലെത്തി ചോദ്യം ചെയ്തിരുന്നു. ഇത് ചട്ട വിരുദ്ധമാണ്.
ഏപ്രില്‍ 24 ന് പുലര്‍ച്ചെയാണ് മോഷണ കേസില്‍ കസ്റ്റഡിയിലെടുത്ത അനീഷ എന്ന യുവതിയെ സ്റ്റേഷനിലെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്. മുമ്പും മോഷണ കേസില്‍ പോലീസ് പിടിയിലായിട്ടുള്ള അനീഷ ആത്മഹത്യ ചെയ്യില്ലെന്നാണ് നാട്ടുകാര്‍ പറയുന്നത്.
കുറ്റിപ്പുറം എസ്‌ഐക്ക് തന്റെ മകളോട് മുന്കാല വൈരാഗ്യമുണ്ടെന്ന് മരിച്ച അനീഷയുടെ മാതാവ് ആരോപിച്ചിരുന്നു. അനീഷയെ കേസില്‍ കുടുക്കാന്‍ എസ്‌ഐ മനോഹരന്‍ മുമ്പ് ശ്രമിച്ചിരുന്നതായും ഇവര്‍ ആരോപണം ഉന്നയിച്ചിരുന്നു.
പോലീസ് കംപ്ലെയ്ന്റ് അതോറിറ്റി അംഗം പി മുരളീധരന്‍ ചങ്ങരംകുളം സ്റ്റേഷനിലെത്തി നടത്തിയ തെളിവെടുപ്പില്‍ കുറ്റിപ്പുറം എസ്‌ഐയുടെ ചട്ടലംഘനം സംബന്ധിച്ച് വിവരം ലഭിച്ചിരുന്നു. പോലീസുകാര്‍ തന്നെയാണ് വിവരം നല്‍കിയത്. ഈ റിപ്പോര്‍ട്ടിന്റെ അടിസ്ഥാനത്തിലാണ് നടപടി.
കഴിഞ്ഞ ദിവസം ആഭ്യന്തരമന്ത്രി രമേശ് ചെന്നിത്തല ചങ്ങരംകുളം പോലീസ് സ്‌റ്റേഷനില്‍ സന്ദര്‍ശനം നടത്തിയിരുന്നു. കുറ്റിപ്പുറം എസ്‌ഐക്കെതിരെ നടപടിയുണ്ടാകുമെന്ന് മന്ത്രി വ്യക്തമാക്കിയിരുന്നു. അനീഷയുടെ മരണത്തില്‍ ചങ്ങരംകുളം സ്റ്റേഷനിലെ എസ്‌ഐ ഉള്‍പ്പെടെ ആറ് പേരെ സസ്‌പെന്‍ഡ് ചെയ്തിട്ടുണ്ട്.
