ബിലീവേഴ്സ് ഈസ്റ്റേണ് ചര്ച്ച് അധ്യക്ഷന് കെപി യോഹന്നാന് അന്തരിച്ചു
ഡാലസ്: ബിലീവേഴ്സ് ഈസ്റ്റേണ് ചര്ച്ച് പരമാധ്യക്ഷന് മോറാന് മോര് അത്താനാസിയോസ് യോഹാന് പ്രഥമന് മെത്രാപ്പോലീത്ത ( കെ പി യോഹന്നാന്) അന്തരിച്ചു. അമേരിക്കയിലെ ഡാലസില് വെച്ച് വാഹനാപകടത്തില് ഗുരുതര പരിക്കേറ്റതിനെ തുടര്ന്ന് ചികിത്സയിലായിരുന്നു. പ്രഭാതനടത്തത്തിനിടെ ചൊവ്വാഴ്ച പുലര്ച്ചെ അഞ്ചരയോടെയായിരുന്നു അപകടം. ശസ്ത്രക്രിയയ്ക്ക് ശേഷം ആരോഗ്യനിലയില് പുരോഗതി കൈവരുന്നതിന്റെ സൂചനകളുണ്ടായിരുന്നു.
ജീവിതത്തിലേക്ക് തിരികെയെത്തും എന്ന പ്രതീക്ഷകള്ക്കിടെയാണ് അന്ത്യം. അജ്ഞാത വാഹനമിടിച്ചാണ് യോഹന്നാന് പരിക്കേറ്റത്. തലയ്ക്കും നെഞ്ചിനും ഗുരുതരമായി പരിക്കേറ്റിരുന്നു. നാല് ദിവസം മുന്പാണ് ഇദ്ദേഹം അമേരിക്കയിലെത്തിയത്.
ശസ്ത്രക്രിയയെ തുടര്ന്ന് ആന്തരിക രക്തസ്രാവം നിന്നിരുന്നു. രക്തസമ്മര്ദ്ദത്തിന്റെ അളവ് ഗണ്യമായി മെച്ചപ്പെടുകയും ചെയ്തിരുന്നു. സഭയുടെ നോര്ത്ത് അമേരിക്കന് ഭദ്രാസനത്തിലെ ടെക്സാസ് കാമ്പസിലാണ് ഇദ്ദേഹം സാധാരണയായി പ്രഭാത നടത്തത്തിനിറങ്ങാറുള്ളത്. അമിതവേഗതയില് വന്ന വാഹനം അദ്ദേഹത്തെ ഇടിച്ച് തെറിപ്പിക്കുകയായിരുന്നു.
അപകട വാര്ത്ത പുറത്തുവന്നയുടന് സഭാ സെക്രട്ടറി ഫാ. ഡാനിയല് ജോണ്സണ് യു എസിലേക്ക് തിരിച്ചിരുന്നു. സഭയിലെ ബിഷപ്പുമാരുടെ ഒരു സംഘവും അമേരിക്കയിലേക്ക് പുറപ്പെട്ടിരുന്നു. ഇന്ത്യയിലും ഏഷ്യയിലും ശ്രദ്ധ കേന്ദ്രീകരിക്കുന്ന സംഘടനയായ ഗോസ്പല് ഫോര് ഏഷ്യ എന്ന പേരില് നേരത്തെ അറിയപ്പെട്ടിരുന്ന ജി എഫ് എ വേള്ഡിന്റെ സ്ഥാപകനും പ്രസിഡന്റുമാണ് 74 കാരനായ കെ പി യോഹന്നാന്.
അപ്പര് കുട്ടനാട്ടിലെ നിരണത്ത് സാധാരണ കര്ഷക കുടുംബത്തിലാണ് കെ പി യോഹന്നാന് ജനിക്കുന്നത്. കൗമാരകാലത്ത് തന്നെ ബൈബിള് പ്രഘോഷണത്തിലേക്ക് തിരിഞ്ഞ യോഹന്നാന് 16-ാം വയസില് ഓപ്പറേഷന് മൊബിലൈസേഷന് എന്ന സംഘടനയുടെ ഭാഗമായി പ്രവര്ത്തിക്കാന് തുടങ്ങി. 1974 ല് ആണ് അമേരിക്കയിലെ ഡാലസല് ദൈവശാസ്ത്രപഠനത്തിന് ചേരുന്നത്.
പാസ്റ്ററായി ദൈവവചനം പ്രചരിപ്പിച്ച് കൊണ്ട് വൈദിക ജീവിതം ആരംഭിച്ചു. ജര്മന് പൗര ഗിസല്ലയെ വിവാഹം ചെയ്ത യോഹന്നാന് 1978 ല് ഭാര്യയുമായി ചേര്ന്നാണ് ഗോസ്പല് ഫോര് ഏഷ്യ എന്ന സ്ഥാപനം ആരംഭിച്ചത്. 2003 ല് ബീലീവേഴ്സ് ചര്ച്ച എന്ന സഭയ്ക്ക് രൂപം നല്കി. ചുരുങ്ങിയ ചിലവില് സാധാരണക്കാരന് ചികിത്സ ഉറപ്പാക്കാന് തിരുവല്ലയില് തുടങ്ങിയ മെഡിക്കല് കോളേജ് അദ്ദേഹത്തിന്റെ ജനപ്രീതി വര്ധിപ്പിച്ചു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google