Click it and Unblock the Notifications
Just In
Don't Miss
-
T20 World Cup: ഡികെയ്ക്ക് ഇനിയും അവസരം കൊടുക്കണ്ട! യോഗ്യരായ യുവാക്കള് പുറത്തുണ്ട്; തുറന്നടിച്ച് മുന് താരം -
'ജാസ്മിൻ മുസ്ലീമായതുകൊണ്ട് പുറത്തിറങ്ങിയാൽ എന്താകുമെന്ന് അറിയില്ല, ആര്യയും വീണയുമൊന്നും മൈന്റ് ചെയ്തില്ല' -
മഹാവ്യാധിയും ദുരിതവും അകറ്റാന് ശക്തി തരും കേതു: കലഹം, ദാരിദ്ര്യം, രോഗം പരിഹാരം ഇതെല്ലാം -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
എട്ടുമണിക്കൂർ നാടിനെ മുൾമുനയിൽ നിർത്തി നീർനായ!പിടിക്കാൻ ശ്രമിച്ചവരെല്ലാം ആശുപത്രിയിൽ,സംഭവം കൊല്ലത്ത്
പഴയാറ്റിൻകുഴിയിൽ മുനിസിപ്പൽ കമ്മീഷണർ രാജുവിന്റെ പറമ്പിലാണ് കഴിഞ്ഞദിവസം രാവിലെ 11 മണിയോടെ നീർനായയെ ആദ്യം കണ്ടത്.
കൊല്ലം: പള്ളിമുക്ക് പഴയാറ്റിൻകുഴി ഗ്രാമത്തെ മുൾമുനയിൽ നിർത്തിയ നീർനായയെ ഒടുവിൽ പിടികൂടി. നിരവധി പേരെ ആക്രമിച്ച് നാടിനെ വിറപ്പിച്ച നീർനായയെ എട്ടു മണിക്കൂറിന് ശേഷമാണ് പിടികൂടാനായത്. മൃഗസംരക്ഷണ വകുപ്പ് അധികൃതരും വനംവകുപ്പ് അധികൃതരും ചേർന്നാണ് നീർനായയെ പിടികൂടിയത്.
പഴയാറ്റിൻകുഴിയിൽ മുനിസിപ്പൽ കമ്മീഷണർ രാജുവിന്റെ പറമ്പിലാണ് കഴിഞ്ഞദിവസം രാവിലെ 11 മണിയോടെ നീർനായയെ ആദ്യം കണ്ടത്. നീർനായയെ കണ്ടതറിഞ്ഞ് പ്രദേശവാസികൾ രാജുവിന്റെ പറമ്പിലേക്കെത്തി. ഇതിനിടെ സ്ഥലത്തെത്തിയെ പഴയാറ്റിൻകുഴി സ്വദേശി നെറീസിനെ നീർനായ ആക്രമിക്കുകയും ചെയ്തു. ഇതോടെ സ്ഥലത്ത് കൂടിനിന്നിരുന്ന ജനങ്ങളെല്ലാം പരിഭ്രാന്തരായി.
പരിക്ക്...
പഴയാറ്റിൻകുഴി സ്വദേശി നെറീസിന് നേരെയാണ് ആദ്യം നീർനായയുടെ ആക്രമണമുണ്ടായത്. സാരമായി പരിക്കേറ്റ ഇയാളെ ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്.
നാട്ടുകാർക്ക് നേരെ ചാടിവീണു...
സംഭവം അറിഞ്ഞെത്തിയ പ്രദേശവാസികൾക്ക് നേരെയും നീർനായ ചാടിവീണു. നാട്ടുകാരിൽ പലർക്കും നീർനായയുടെ ആക്രമണത്തിൽ പരിക്കേറ്റിട്ടുണ്ട്.
പോലീസും ഫയർഫോഴ്സും...
നീർനായ ആക്രമിച്ച സംഭവമറിഞ്ഞ് ഇരവിപുരം പോലീസും ഫയർഫോഴ്സും സ്ഥലത്തെത്തി. എന്നാൽ പോലീസിനും ഫയർഫോഴ്സിനും നീർനായയെ പിടികൂടാനായില്ല.
പിടികൂടാൻ ശ്രമിച്ചവർക്ക് പണികിട്ടി...
ഇതിനിടെ നീർനായയെ പിടികൂടാൻ ശ്രമിച്ച ചില നാട്ടുകാർക്ക് നേരെയും ആക്രമണമുണ്ടായി. ഇതോടെ നാട്ടുകാരും നീർനായയെ പിടികൂടാനുള്ള ശ്രമത്തിൽ നിന്ന് പിന്മാറി.
വനംവകുപ്പും മൃഗസംരക്ഷണ വകുപ്പും...
നാടിനെ വിറപ്പിച്ച നീർനായയെ പിടികൂടാൻ കഴിയാതായതോടെ നാട്ടുകാർ മൃഗസംരക്ഷണ വകുപ്പിനെയും വനംവകുപ്പിനെയും വിവരമറിയിച്ചു.
ഒടുവിൽ...
നായയെ പിടിക്കാൻ പ്രത്യേക പരീശീലനം ലഭിച്ചിട്ടുള്ള കണ്ണനും സ്ഥലത്തെത്തിയിരുന്നു. തുടർന്ന് കണ്ണന്റെ നേതൃത്വത്തിൽ മൃഗസംരക്ഷണ വകുപ്പ് ജീവനക്കാരും വനംവകുപ്പ് ജീവനക്കാരും ചേർന്ന് രാത്രി ഏഴു മണിയോടെയാണ് നീർനായയെ പിടികൂടിയത്.
കൂട്ടിലാക്കി...
രാത്രി ഏഴു മണിയോടെ പിടികൂടിയ നീർനായയെ കൂട്ടിലാക്കിയ ശേഷം വനംവകുപ്പ് ജീവനക്കാർ അഞ്ചലിലേക്ക് കൊണ്ടുപോയി. സംഭവമറിഞ്ഞ് വിവിധ പ്രദേശങ്ങളിൽ നിന്നായി നിരവധി പേരാണ് പഴയാറ്റിൻകുഴിയിലെത്തിയത്.
