ആയുര്വേദ ഡോക്ടറുടെ ബ്രഹ്മിദ്രാക്ഷാദി കഷായമാണ് ഉദ്ദേശിച്ചത്; രാഹുല് റേപ്പ് അനുകൂലിയെന്ന് മീര
കോഴിക്കോട്: കേരള ലിറ്ററേച്ചര് ഫെസ്റ്റിവലിലെ പരാമര്ശത്തിന്റെ പേരില് രാഹുല് ഈശ്വര് തനിക്കെതിരെ പരാതി നല്കിയതില് പ്രതികരണവുമായി എഴുത്തുകാരി കെആര് മീര. തന്റെ പരാമര്ശത്തിന്റെ പേരില് കേരളത്തിലെവിടെയെങ്കിലും സ്ത്രീകളും പുരുഷന്മാരും ഗ്രൂപ്പു തിരിഞ്ഞു ലഹളയുണ്ടാക്കിയിട്ടില്ല എന്ന് മീര പറഞ്ഞു. ഫേസ്ബുക്ക് പോസ്റ്റിലായിരുന്നു മീരയുടെ പ്രതികരണം.
കൊലക്കുറ്റത്തെ താന് ന്യായീകരിച്ചെന്ന രാഹുല് ഈശ്വറിന്റെ പ്രചരണം വസ്തുതാവിരുദ്ധവും മന:പൂര്വം തന്നെ അപകീര്ത്തിപ്പെടുത്താന് ലക്ഷ്യമിട്ടുള്ളതുമാണ് എന്നും മീര ആരോപിച്ചു. 'ടോക്സിക് 'ആയി പെരുമാറുന്ന പുരുഷന്മാര്ക്ക് കഷായം കൊടുക്കേണ്ടി വരും എന്നു പറഞ്ഞതിനര്ത്ഥം ആയുര്വേദ ഡോക്ടര്മാരുടെ മേല്നോട്ടത്തില് മാനസമിത്രം ഗുളിക ചേര്ത്ത ദ്രാക്ഷാദി കഷായം, ബ്രഹ്മിദ്രാക്ഷാദി കഷായം തുടങ്ങിയവ ഗുണം ചെയ്തേക്കുമെന്നാണ് എന്നും മീര പറഞ്ഞു.
കെആര് മീരയുടെ വാക്കുകള് ഇങ്ങനെയാണ്..
'ക്രൂരമായ ക്വട്ടേഷന് റേപ്പ്, പലതരം ലൈംഗികാതിക്രമങ്ങള്, ക്രൂരമായ സ്ത്രീപീഡനങ്ങള് എന്നിങ്ങനെ വിവിധ കുറ്റകൃത്യങ്ങള് ചെയ്തവരെ വെള്ള പൂശാന് 'ക്വട്ടേഷന്' എടുത്തയാളെന്നു വിശേഷിപ്പിക്കപ്പെടുന്ന ഒരു 'പുരുഷന്' എനിക്ക് എതിരേ പോലീസില് പരാതി നല്കുമെന്നു ഭീഷണിപ്പെടുത്തിയതായി അറിയുന്നു. ഇന്ത്യന് ഭരണഘടന ഉറപ്പുനല്കുന്ന തുല്യപൌരത്വത്തിനുവേണ്ടി എഴുതുകയും സംസാരിക്കുകയും ചെയ്യുന്ന ഒരു എഴുത്തുകാരിയാണു ഞാന്.
കോഴിക്കോട്ടുവച്ചു നടന്ന കേരള ലിറ്ററേച്ചര് ഫെസ്റ്റവലില്, മലയാളിയുടെ പ്രണയസങ്കല്പ്പങ്ങളിലുള്ള ഋതുഭേദങ്ങളെക്കുറിച്ചു പുതിയ തലമുറയിലെ അംഗങ്ങളുമായി നടത്തിയ ചര്ച്ചയില് ഞാന് പറഞ്ഞ വാക്കുകള് അടര്ത്തിയെടുത്താണ് പ്രസ്തുത ലൈംഗികാതിക്രമ അനുകൂലി എനിക്കെതിരേ പരാതിപ്പെടുന്നത്. ഇന്ഫര്മേഷന് ടെക്നോളജി ആക്ടിലെ 67-ാം വകുപ്പ്, ഇലക്ടോണിക് മീഡിയ വഴി obscene materials പ്രചരിപ്പിക്കുന്നതു തടയാനുള്ളതാണ്.
Obscene എന്ന വാക്കിന്റെ അര്ത്ഥം 'ലൈംഗിക വികാരങ്ങള്ക്കു പ്രേരകമായത്' എന്നാണെന്നു സാധാരണ നിഘണ്ടുവും നിയമനിഘണ്ടുവും വിശദീകരിക്കുന്നു. എന്റെ സംഭാഷണത്തിലെ ഏതു വാക്കാണു പരാതിക്കാരനു ലൈംഗികതാപ്രേരകമായത് എന്നു വ്യക്തമാക്കിയിട്ടില്ല. ഭാരതീയ ശിക്ഷാസംഹിത അനുസരിച്ച് 'excusable or justifiable' ആയ കുറ്റങ്ങള് പോലും ഉത്തമനായ ഒരു പുരുഷനും ചെയ്തു കൂടാ എന്നു മാത്രമാണു ഞാന് പറഞ്ഞത്.
സമൂഹത്തില് കുറ്റകൃത്യങ്ങള് കുറയ്ക്കാന് പുരുഷന്മാര് മുന്കയ്യെടുത്ത് ഉത്തമ കാമുകന്മാര് ആകണം എന്നു മാത്രമേ അതിന് അര്ത്ഥമുള്ളൂ. ഇങ്ങനെയൊരു പരാമര്ശം സ്ത്രീകള്ക്കും പുരുഷന്മാര്ക്കും ഇടയില് സ്പര്ധയും കലാപവും ലഹളയും ഉണ്ടാക്കുമെന്ന വാദം അടിസ്ഥാനരഹിതമാണ്. എന്റെ വാക്കുകള് കേട്ടു കേരളത്തിലെവിടെയെങ്കിലും സ്ത്രീകളും പുരുഷന്മാരും ഗ്രൂപ്പു തിരിഞ്ഞു ലഹളയുണ്ടാക്കിയതായി റിപ്പോര്ട്ടുകളൊന്നും ഇല്ല.
പരാതിക്കാരന് ദിവസേനെയന്നോണം വിവിധ ഇലക്ട്രോണിക് മാധ്യമങ്ങളിലും പ്ലാറ്റ്ഫോമുകളിലുമായി നടത്തുന്ന പ്രഖ്യാപനങ്ങളും വെല്ലുവിളികളും കുറ്റകൃത്യന്യായീകരണങ്ങളും ഏതൊക്കെ വകുപ്പു പ്രകാരമുള്ള കുറ്റകൃത്യങ്ങളാണെന്ന് പരാതിക്കാരന്റെ പരാതി തിരിച്ചിട്ടാലോചിച്ചാല് വ്യക്തമാണ്. കൊലക്കുറ്റത്തെ ഞാന് ന്യായീകരിച്ചെന്നു പരാതിക്കാരന് പ്രചരിപ്പിക്കുന്നതു വസ്തുതാവിരുദ്ധവും മന:പൂര്വമായി എന്നെ അപകീര്ത്തിപ്പെടുത്താന് ലക്ഷ്യമിട്ടുള്ളതുമാണ്.
എന്റെ സംഭാഷണത്തില് ഒരിടത്തും ഞാന് കൊലക്കുറ്റത്തെയോ കുറ്റകൃത്യങ്ങളെയോ ന്യായീകരിച്ചിട്ടില്ല. ബന്ധങ്ങളില് വളരെ 'ടോക്സിക് 'ആയി പെരുമാറുന്ന പുരുഷന്മാര്ക്ക് 'ചിലപ്പോള് കഷായം കൊടുക്കേണ്ടി വരും' എന്നു പറഞ്ഞാല്, അതിനര്ത്ഥം വിദഗ്ധരായ ആയുര്വേദ ഡോക്ടര്മാരുടെ മേല്നോട്ടത്തില് മാനസമിത്രം ഗുളിക ചേര്ത്ത ദ്രാക്ഷാദി കഷായം, ബ്രഹ്മിദ്രാക്ഷാദി കഷായം തുടങ്ങിയവ ഗുണംചെയ്തേക്കുമെന്നാണെന്നു പരാതിക്കാരനു മനസ്സിലാക്കാവുന്നതേയുള്ളൂ.
അത്തരക്കാര്ക്കു മേല്പ്പറഞ്ഞ കഷായങ്ങളോ ആധുനിക ചികില്സാശാസ്ത്രപ്രകാരമുള്ള വൈദ്യസഹായമോ അത്യാവശ്യമാണെന്ന വാദത്തില് ഞാന് ഉറച്ചുനില്ക്കുന്നു. പറയുന്നതെല്ലാം വളച്ചൊടിച്ചു സമൂഹത്തില് എനിക്കെതിരേ സ്പര്ദ്ധയും ശത്രുതയും വളര്ത്താനുള്ള പരാതിക്കാരന്റെ ശ്രമം, സ്ത്രീപീഡനത്തിനു ക്വട്ടേഷന് കൊടുത്തയാളിന്റെ വിശ്വസ്തരുടെ സൌഹൃദക്കൂട്ടായ്മയില് ഉരുത്തിരിഞ്ഞ 'സാഹിത്യ' ക്വട്ടേഷനാണോ അതോ ഞാന് കാരണം എല്ലാത്തരത്തിലും അസ്വസ്ഥരായ വലതുപക്ഷക്കാരുടെ 'രാഷ്ട്രീയ' ക്വട്ടേഷന് ആണോ എന്ന സംശയം മാത്രമേ ബാക്കിയുള്ളൂ. ഇക്കാര്യത്തിലാണ് ഒരു അന്വേഷണം വേണ്ടത്.'
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google