Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബാറുകളില്‍ തിക്കും തിരക്കും; ആഘോഷത്തോടെ കുടിയന്മാര്‍
കോഴിക്കോട്: ഇനിയൊരിക്കലും ബാറില്‍ കയറി മദ്യം കഴിക്കാന്‍ കഴിയില്ലെന്നു കരുതിയ കുടിയന്‍മാര്‍ക്ക് സുപ്രീം കോടതി വിധി ഓണം ബമ്പറടിച്ച സന്തോഷമാണ് നല്‍കിയിരിക്കുന്നത്. കോടതി വിധി വന്നതിന് പിന്നാലെ സംസ്ഥാനത്തെ മിക്ക ബാറുകളിലും കുടിയന്മാരുടെ തിക്കും തിരക്കുമാണ്. സപ്തംബര്‍ 30വരെയെങ്കിലും കുടി മുടങ്ങില്ലല്ലോ എന്ന സന്തോഷത്തിലാണവര്‍.
അഭിപ്രായമറിയാന്‍ ചാനലുകള്‍ സമീപിച്ച ബാറുകള്‍ക്കു മുന്നിലെല്ലാം കുടിയന്മാരുടെ ആഘോഷമാണ്. സംസ്ഥാന സര്‍ക്കാരിനെതിരെ പ്രതിഷേധം സംഘടിപ്പിച്ചും സുപ്രീം കോടതി വിധിയെ സ്വാഗതം ചെയ്ത് വെടിപൊട്ടിച്ചുമെല്ലാം കുടിയന്മാര്‍ തങ്ങളുടെ പ്രതികരണം അറിയിക്കുകയാണ്. മിക്ക ബാറുകളുടെ പുറത്തും ബോധം നശിച്ച് കിടക്കുന്നവരെയും കാണാമായിരുന്നു.
അതേസമയം, സുപ്രീം കോടതി വിധിയില്‍ അസന്തുഷ്ടരായ ഒരു വിഭാഗം പേരുണ്ട്. മദ്യം നശിപ്പിച്ച കുടുംബങ്ങളിലെ സ്ത്രീകളാണവര്‍. സുപ്രീം കോടതി വിധി സംസ്ഥാന സര്‍ക്കാരിനല്ല, തങ്ങള്‍ക്കാണ് തിരിച്ചടിയായിരിക്കുന്നതെന്ന് ഒരു വീട്ടമ്മ പ്രതികരിച്ചു. മദ്യപാനം കുറച്ചുകൊണ്ടുവരികയായിരുന്നവരെ വീണ്ടും അതിലേക്ക് തന്നെ തള്ളിവിടുന്നതാണ് വിധിയെന്ന് ഒരു കോളേജ് വിദ്യാര്‍ത്ഥിനിയും പറഞ്ഞു.
സംസ്ഥാനത്ത് നേരത്തെ അടച്ചിട്ടിരുന്ന 418 ബാറുകള്‍ക്ക് പുറമെ 312 ത്രീ സ്റ്റാര്‍ ഫോര്‍ സ്റ്റാര്‍ ബാറുകളും അടച്ചിടാനുള്ള തീരുമാനത്തിനെതിരെ ബാറുടമകള്‍ ചേര്‍ന്ന് സുപ്രീം കോടതിയെ സമീപിച്ചതോടെയാണ് താത്കാലികമായെങ്കിലും അനുകൂല വിധി ഉണ്ടായിരിക്കുന്നത്. സര്‍ക്കാരിന്റെ മദ്യനയത്തില്‍ അസംതൃപ്തരായ മന്ത്രിസഭയിലെയും യുഡിഎഫിലെയും ചില അംഗങ്ങള്‍ക്ക് സന്തോഷം പകരുന്നതുകൂടിയാണ് സുപ്രീം കോടതി വിധി.
