'ദി കേരള സ്റ്റോറി'; സംവിധായകനെതിരെ കേസെടുക്കണം, അറസ്റ്റ് ചെയ്യണം; യൂത്ത് ലീഗ്
'ദി കേരള സ്റ്റോറി'ക്ക് കേരളത്തിൽ പ്രദർശനാനുമതി നൽകരുതെന്ന് യൂത്ത് ലീഗ് സംസ്ഥാന സെക്രട്ടറി പികെ ഫിറോസ്. ലൗ ജിഹാദെന്ന ഉണ്ടയില്ലാ വെടി സാക്ഷാൽ സുപ്രീം കോടതി പോലും തള്ളിക്കളഞ്ഞതാണ്. പക്ഷെ ഹിന്ദുക്കളായ സ്ത്രീകളെ വശീകരിച്ചു മതം മാറ്റി കല്യാണം കഴിച്ച് തീവ്രവാദത്തിലേക്ക് കടത്തുകയും ഇക്കോലത്തിൽ കേരളത്തിൽ മുപ്പത്തിനായിരത്തിലേറെ പേരെ വഞ്ചിക്കുകയും ചെയ്തുവെന്ന ഗുരുതരമായ ആരോപണമാണ് സിനിമയിലുളളതെന്ന് അദ്ദേഹം കുറ്റപ്പെടുത്തി.
വിവിധ മതവിശ്വാസികൾക്കിടയിൽ വെറുപ്പും വിദ്വേഷവുമുണ്ടാക്കുന്നതിന് സംവിധായകനെതിരെ കേസെടുക്കണം. പ്രദർശനത്തിന് യാതൊരു കാരണവശാലും അനുമതി നൽകാൻ പാടില്ലെന്നും പികെ ഫിറോസ് ഫേസ്ബുക്കിൽ കുറിച്ചു. പോസ്റ്റിന്റെ പൂർണരൂപം വായിക്കാം.
'ദി കേരള സ്റ്റോറി' എന്ന പേരിൽ സുദിപ്തോ സെന്നിന്റെ ഒരു പ്രൊപ്പഗണ്ട സിനിമ ഇറങ്ങുന്നതിന്റെ ചർച്ചകളാണ് എങ്ങും. ഇന്ത്യയിൽ വിശിഷ്യാ കേരളത്തിൽ ഇസ്ലാമിക് സ്റ്റേറ്റ് സ്ഥാപിക്കാൻ വേണ്ടി മുസ്ലിംകൾ രാഷ്ട്രീയമായി പണിയെടുക്കുന്നുവെന്ന വ്യാജ ആരോപണമാണ് സിനിമയുടെ ട്രെയിലറിലുള്ളത്.
ലൗ ജിഹാദെന്ന ഉണ്ടയില്ലാ വെടി സാക്ഷാൽ സുപ്രീം കോടതി പോലും തള്ളിക്കളഞ്ഞതാണ്.
പക്ഷെ ഹിന്ദുക്കളായ സ്ത്രീകളെ വശീകരിച്ചു മതം മാറ്റി കല്യാണം കഴിച്ച് തീവ്രവാദത്തിലേക്ക് കടത്തുകയും ഇക്കോലത്തിൽ കേരളത്തിൽ മുപ്പത്തിനായിരത്തിലേറെ പേരെ വഞ്ചിക്കുകയും ചെയ്തുവെന്ന ഗുരുതരമായ ആരോപണമാണ് ഇതിലുള്ളത്.
ഇസ്ലാം മതം പോലും ഇത്തരം വശീകരണ തന്ത്രങ്ങൾ നിഷിദ്ധമായി കാണുമ്പോൾ മതാനുശാസനം അനുസരിച്ച് വിശ്വാസത്തിന്റെ ഭാഗമായി മുസ്ലിംകൾ എന്തോ പുണ്യപ്രവൃത്തി പോലെ ഇത് ചെയ്യുന്നുവെന്നു വിശ്വസിക്കാൻ ആരെങ്കിലും തയ്യാറാവുമോ?
ഇരുപത് വർഷങ്ങൾക്ക് കൊണ്ട് ഇതൊരു മുസ്ലിം രാഷ്ട്രമാക്കി മാറ്റാനുള്ള ശ്രമങ്ങൾ നടക്കുന്നുണ്ടെന്ന മുൻ മുഖ്യമന്ത്രി വി.എസ് അച്യുതാനനന്ദന്റെ വർഗ്ഗീയ പ്രസ്താവനയും സപ്പോർട്ടീവ് റഫറൻസായി ട്രെയിലറിലുണ്ട്. അറിഞ്ഞിടത്തോളം മനുഷ്യരെ മതത്തിന്റെ പേരിൽ ചേരിതിരിക്കാനുള്ള സംഘ്പരിവാർ സ്പോണ്സേര്ഡ് സിനിമയാണിത്.
അങ്ങിനെയെങ്കിൽ ഇത് ആവിഷ്കാര സ്വാതന്ത്ര്യമോ സിനിമയോ അല്ല. വിവിധ മതവിശ്വാസികൾക്കിടയിൽ വെറുപ്പും വിദ്വേഷവുമുണ്ടാക്കുന്നതിന് സംവിധായകനെതിരെ കേസെടുക്കണം. പ്രദർശനത്തിന് യാതൊരു കാരണവശാലും അനുമതി നൽകാൻ പാടില്ല', പോസ്റ്റിൽ പറഞ്ഞു.
കേരളത്തിൽ നിന്നും കാണാതായ 32,000ത്തോളം സ്ത്രീകളുമായി ബന്ധപ്പെട്ട സംഭവങ്ങളെ ചുറ്റിപ്പറ്റിയാണ് സിനിമയെന്നാണ് അണിയറക്കാർ പറയുന്നത്. കേരളത്തെ പിടിച്ച് കിലുക്കിയ സംഭവങ്ങളുടെ യഥാർത്ഥമായ ആഖ്യാനമാണ് സിനിമയിൽ ഉളളതെന്നും ഇവർ അവകാശപ്പെടുന്നു.
-
ഇറാനെ തൊട്ടു, സ്വർണവിപണിയെ കാത്തിരിക്കുന്നത് വൻ പൊട്ടിത്തെറി, വില ഇനിയും കത്തും? പവൻ 2 ലക്ഷത്തിലേക്ക്? -
ഇറാനെ വിറപ്പിച്ച് സ്ഫോടനങ്ങള്; ഇസ്രായേല് ആക്രമണം തുടങ്ങി, പശ്ചിമേഷ്യയില് വീണ്ടും യുദ്ധം -
എയര് ഇന്ത്യ സര്വീസ് റദ്ദാക്കി; യാത്രക്കാര് ഷെല്ട്ടറില് ഒളിച്ചു, ഇറാന് പ്രസിഡന്റിന്റെ വസതിയിലും സ്ഫോടനം -
യുഎഇ മാത്രമല്ല, ഖത്തറും ഇന്ത്യയും ഞെരുങ്ങും; ഇറാന്റെ നീക്കം വെല്ലുവിളി, 36020 കോടി നഷ്ടമാകുമോ? -
സ്വര്ണവില വമ്പന് കുതിപ്പില്; അവസാന ദിനം കൂടിയത് 2320 രൂപ, ഇന്നത്തെ പവന്, ഗ്രാം വില അറിയാം -
മുരളീധരനെ 'വിടാതെ പിന്തുടരാന്' ബിജെപി; ദുര്ബല സ്ഥാനാര്ഥിയെ നിര്ത്തും? നേമത്തിന് മറുപടി -
സ്വര്ണവില ഞെട്ടിച്ചു; ഉച്ചയ്ക്ക് വന് കുതിപ്പ്, ഇന്ന് മാത്രം 5240 വര്ധിച്ചു, ഇറാന്-ഇസ്രായേല് പോരില് ഇളകി -
സ്വർണവില പവന് 2 ലക്ഷം കടക്കുമോ? വിൽക്കാൻ ആരും തിരക്കിടേണ്ട, വാങ്ങാനുള്ളവർ വൈകിക്കുകയും വേണ്ട, പ്രവചനം -
യുദ്ധഭീതി: 24 മണിക്കൂര് വിമാനസര്വീസുകള് നിര്ത്തിവച്ച് എയര് ഇന്ത്യ: വിമാനയാത്രക്കാര് അറിയേണ്ടത് -
ഇസ്രായേലിന് അടി തെറ്റിയോ; നഷ്ടം കുറയ്ക്കാന് ത്വരിത നീക്കം, ഹൈഫ റിഫൈനറി പാതി അടച്ചു -
"ഞങ്ങൾ ചെണ്ടയല്ല"; നഗരൂർ സംഭവത്തിൽ പോലീസിന്റെ ശക്തമായ പ്രതിഷേധം -
'പഴയ സ്വർണം മാറ്റി വാങ്ങുന്നുമില്ല, പകരം ചെയ്യുന്നത് ഇങ്ങനെ, മഹായുദ്ധമുണ്ടായാൽ ചിന്തിക്കുന്നതിനുമപ്പുറം വില'
Click it and Unblock the Notifications
Sign in with Google