കൊവിഡ് മൂന്നാം തരം; 48ആശുപത്രികളിൽ പീഡിയാട്രിക് സംവിധാനങ്ങൾ..മുന്നൊരുക്കവുമായി സർക്കാർ
തിരുവനന്തപുരം; മൂന്നാം തരംഗം മുന്നൊരുക്കമായി 48 ആശുപത്രികളിൽ പീഡിയാട്രിക് വാര്ഡുകളും ഐ.സി.യുകളും 60 ശതമാനവും 3 മാസത്തിനുള്ളില് പൂര്ത്തിയാക്കുമെന്ന് ആരോഗ്യമന്ത്രി വീണ ജോർജ്. 490 ഓക്സിജന് സജ്ജീകരണമുള്ള പീഡിയാട്രിക് കിടക്കകള്, 158 എച്ച്ഡിയു കിടക്കകള്, 96 ഐസിയു കിടക്കകള് എന്നിങ്ങനെ ആകെ 744 കിടക്കകളാണ് സജ്ജമാക്കുകയെന്നും മന്ത്രി അറിയിച്ചു.സ്റ്റേറ്റ് കോവിഡ് 19 കണ്ട്രോള് റൂം സന്ദര്ശിച്ച്, കോവിഡ് അവലോകന യോഗത്തില് പങ്കെടുത്ത് സംസാരിക്കുകയായിരുന്നു മന്ത്രി.കൊവിഡ് മൂന്നാം തരംഗത്തിൽ കുട്ടികളെ ബാധിച്ചേക്കുമെന്ന തരത്തിലുള്ള ആശങ്ക നിലനിൽക്കുന്നുണ്ട്. ഈ സാഹചര്യത്തിൽ കൂടിയാണ് തിരുമാനം.
ഹോട്ട് ലുക്കില് പാര്വ്വതി നായര്; സോഷ്യല് മീഡിയയില് ട്രെന്ഡിംഗായി പുതിയ ഫോട്ടോഷൂട്ട്
കൊവിഡ് പ്രതിരോധ നടപടികളിലെ കൺട്രോൾ റൂം പ്രവർത്തനങ്ങളെ മന്ത്രി അഭിനന്ദിച്ചു.ഒന്നേമുക്കാല് കൊല്ലമായി വിശ്രമമില്ലാത്ത പ്രവര്ത്തനങ്ങളാണ് കണ്ട്രോള് റൂം ചെയ്യുന്നത്. ഇതേ മാതൃകയില് 14 ജില്ലകളിലും കണ്ട്രോള് റൂമുകള് പ്രവര്ത്തിച്ചുവരുന്നു. കോവിഡ് പ്രതിരോധത്തിന് ആത്മാര്ത്ഥ സേവനം നടത്തുന്ന സംസ്ഥാന, ജില്ലാതല കണ്ട്രോള് റൂമിലെ എല്ലാ ജീവനക്കാരേയും അഭിനന്ദിക്കുകയാണെന്ന് മന്ത്രി വ്യക്തമാക്കി.
ഡോക്ടര്മാര് ഉള്പ്പെടെയുള്ള നൂറോളം ആരോഗ്യ വിദഗ്ധരാണ് ഒരു ഇടവേളയുമില്ലാതെ കണ്ട്രോള് റൂമില് പ്രവര്ത്തിച്ചു വരുന്നത്. ഓരോ ദിവസവും പ്രത്യേക അവലോകന യോഗം കൂടിയാണ് കോവിഡിനെതിരായ പുതിയ തന്ത്രങ്ങളും പ്രതിരോധ പദ്ധതികളും ആവിഷ്ക്കരിക്കുന്നത്. രോഗബാധിത പ്രദേശങ്ങളില് നിന്നും വന്നവരുടെ വിവരശേഖരണം, പോസിറ്റീവ് രോഗികളുടെ സമ്പര്ക്കപ്പട്ടിക തയ്യാറാക്കാല്, വൈദ്യ സഹായം, വീടുകളിലെ നിരീക്ഷണം, മരുന്നുകളുടേയും പ്രതിരോധ ഉപകരണങ്ങളുടേയും ലഭ്യത, രോഗ നിരീക്ഷണം, ബോധവത്ക്കരണം, പരിശോധനകള്, വാക്സിനേഷന് തുടങ്ങി കോവിഡ് സംബന്ധമായ എല്ലാ കാര്യങ്ങളുടേയും ഏകോപനവും കണ്ട്രോള് റൂമിലാണ് നടക്കുന്നത്.
സര്വയലന്സ് ടീം, കോള് സെന്റര് മാനേജ്മെന്റ് ടീം, ട്രെയിനിംഗ് ആന്റ് അവയര്നസ് ജെനറേഷന്, മെറ്റീരിയല് മാനേജ്മെന്റ് ടീം, ഇന്ഫ്രാസ്ട്രക്ച്ചര്, ലാബ് സര്വയലന്സ് ടീം, മീഡിയ സര്വയലന്സ് ടീം, ഡോക്യുമെന്റേഷന് ടീം, പ്രൈവറ്റ് ഹോസ്പിറ്റല് സര്വയലന്സ് ടീം തുടങ്ങിയ നിരവധി വിദഗ്ധ കമ്മിറ്റികളാണ് കണ്ട്രോള് റൂമിലുള്ളത്. ഓരോ വിഭാഗവും ഒരു നോഡല് ഓഫീസറുടെയും റിപ്പോര്ട്ടിംഗ് ഓഫീസറുടെയും മറ്റ് സഹായികളുടേയും മേല്നോട്ടത്തിലാണ് പ്രവര്ത്തനം നടത്തുന്നത്. ഓരോ ദിവസവും ഈ കമ്മിറ്റികള് ചെയ്ത പ്രവര്ത്തനങ്ങളും ലഭ്യമായ വിവരങ്ങളും അവലോകനം ചെയ്താണ് നടപടികള് സ്വീകരിക്കുന്നതെന്നും മന്ത്രി പറഞ്ഞു.
അതേസമയം അനുബന്ധ രോഗികൾക്കും ഗർഭിണികൾക്കും മുൻഗണന നൽകി അവധി ദിവസങ്ങളിൽ ഉൾപ്പെടെ വാക്സിനേഷൻ നടത്താൻ തിരുമാനമായി.കോവിഡ് അവലോകന യോഗത്തിൽ മുഖ്യമന്ത്രി പിണറായി വിജയനാണ് ഇക്കാര്യം നിർദ്ദേശിച്ചത്. സിറിഞ്ച് ക്ഷാമം ഉണ്ടാവാതെ ഇടപെടാനും മുഖ്യമന്ത്രി ആരോഗ്യവകുപ്പിന് നിർദ്ദേശം നൽകി.
അനുബന്ധ രോഗങ്ങൾ ഉള്ളവർ കോവിഡ് ബാധിതരായാൽ ഉടൻ ആശുപത്രിയിലെത്തിക്കാൻ തദ്ദേശസ്വയംഭരണ സ്ഥാപനങ്ങളും വാർഡ് സമിതികളും റാപിഡ് റസ്പോൺസ് ടീമുകളും ഉണർന്നു പ്രവർത്തിക്കണമെന്ന് മുഖ്യമന്ത്രി പറഞ്ഞു. ടെലി മെഡിസിൻ സംവിധാനം കൃത്യമായി നടക്കുന്നുണ്ടെന്ന് ഉറപ്പാക്കണം. പത്തനംതിട്ട മല്ലപ്പള്ളിയിൽ രണ്ട് ഡോസ് വാക്സിൻ സ്വീകരിച്ച 124 പേർക്ക് കൊവിഡ് ബാധിച്ചത് പഠനവിഷയമാക്കാൻ മുഖ്യമന്ത്രി ആരോഗ്യവകുപ്പിനും ആരോഗ്യ വിദഗ്ധസമിതിക്കും നിർദ്ദേശം നൽകി.
Click it and Unblock the Notifications
Sign in with Google