ആയുധമേന്തി കുട്ടികളുടെ ദുര്ഗാവാഹിനി ജാഥ: സംസ്ഥാനത്തെ ആഭ്യന്തര വകുപ്പിന്റെ പിടിപ്പുകേടെന്ന് ടിഎൻ പ്രതാപൻ
തൃശൂര്: തിരുവനന്തപുരം നെയ്യാറ്റിന്കരയില് ആയുധമേന്തി ദുര്ഗാവാഹിനി പ്രവര്ത്തകര് പഥസഞ്ചലനം നടത്തിയ സംഭവത്തില് പ്രതികരണവുമായി ടി എന് പ്രതാപന് എം പി രംഗത്ത്. സംസ്ഥാനത്ത് ഇത്തരം ആപല്ക്കരമായ പ്രകടനങ്ങളും പ്രദര്ശനങ്ങളും കേരളത്തില് തുടരുന്നത് സംസ്ഥാന ആഭ്യന്തര വകുപ്പിന്റെ പിടിപ്പുകേടുകൊണ്ടാണെന്ന് ടി എന് പ്രതാപന് പറഞ്ഞു.
നെയ്യാറ്റിന്കരയില് വി എച്ച് പി സംഘടിപ്പിച്ച റാലിയില് വാളുകളേന്തി പെണ്കുട്ടികള് അണിനിരന്നത് കാണാന് കഴിഞ്ഞു. എന്താണ് ഇത്തരം പ്രകടനങ്ങളുടെ ഉദ്ദേശം? വിധ്വേഷവും, ഭീതിയും വിതച്ചും കൊയ്തും അപരനിര്മ്മിതി നടത്തിയും നമ്മുടെ നാടിനെ നശിപ്പിക്കാന് വര്ഗ്ഗീയവാദികള് ശ്രമിക്കുന്നത് എങ്ങനെ അംഗീകരിക്കാന് കഴിയുമെന്ന് ടി എന് പ്രതാപന് ചോദിക്കുന്നു. പേസ്ബുക്ക് പോസ്റ്റിലാണ് ടി എന് പ്രതാപന്റെ പ്രതികരണം. കുറിപ്പിന്റെ പൂര്ണരൂപം...
തിരുവനതപുരത്ത് നെയ്യാറ്റിന്കരയില് വി എച്ച് പി സംഘടിപ്പിച്ച റാലിയില് വാളുകളേന്തി പെണ്കുട്ടികള് അണിനിരന്നത് കാണാന് കഴിഞ്ഞു. എന്താണ് ഇത്തരം പ്രകടനങ്ങളുടെ ഉദ്ദേശം? വിധ്വേഷവും, ഭീതിയും വിതച്ചും കൊയ്തും അപരനിര്മ്മിതി നടത്തിയും നമ്മുടെ നാടിനെ നശിപ്പിക്കാന് വര്ഗ്ഗീയവാദികള് ശ്രമിക്കുന്നത് എങ്ങനെ അംഗീകരിക്കാന് കഴിയും? മതരാഷ്ട്രവാദികള്ക്ക് ഭാരതത്തിന്റെ മഹത്വം മനസ്സിലാകില്ല. ഇത്തരം ആപല്ക്കരമായ പ്രകടനങ്ങളും പ്രദര്ശനങ്ങളും കേരളത്തില് തുടരുന്നത് സംസ്ഥാന ആഭ്യന്തര വകുപ്പിന്റെ പിടിപ്പുകേടുകൊണ്ടാണെന്ന് തീര്ച്ചയാണ്.- ടി എന് പ്രതാപന് ഫേസ്ബുക്കില് കുറിച്ചു.
Recommended Video
അതേസമയം , മേയ് 22ന് ആണ് ദുര്ഗാവാഹിനി പ്രവര്ത്തകര് പഥസഞ്ചലനം നടത്തിയത്. കുട്ടികള് ആയുധമേന്തി മുദ്രാവാക്യങ്ങള് പുറപ്പെടുവിക്കുന്ന ദൃശ്യങ്ങള് പുറത്തുവന്നിട്ടുണ്ട്. നെയ്യാറ്റിന്കര കീഴാറൂരിലാണ് സംഭവം. മുദ്രാവാക്യം വിളിച്ച് വാളുകളേന്തി നടത്തിയ മാര്ച്ചിനെതിരെ പരാതി നല്കിയിട്ടും പൊലീസ് ഇതുവരെ നടപടി സ്വീകരിച്ചിട്ടില്ലെന്ന ആരോപണവും നിലനില്ക്കുന്നുണ്ട് .
ഇതിനിടെ ആലപ്പുഴയില് പോപ്പുലര് ഫ്രണ്ട് റാലിയില് കുട്ടി വിദ്വേഷ മുദ്രാവാക്യം വിളിച്ച സംഭവത്തില് കുട്ടിയുടെ പിതാവ് അടക്കം നാല് പേരെ പൊലീസ് അറസ്റ്റ് ചെയ്തിരുന്നു. സംഭവത്തില് നേരത്തെ പോപ്പുലര് ഫ്രണ്ട് ആലപ്പുഴ ജില്ലാ പ്രസിഡന്റ് പി എ നവാസിനെ പൊലീസ് അറസ്റ്റ് ചെയ്തിരുന്നു. പ്രകടനത്തിന്റെ സംഘാടകനായിരുന്ന നവാസ്, അനുമതിയുമായി ബന്ധപ്പെട്ട വ്യവസ്ഥകള് ലംഘിച്ചുവെന്ന് ചൂണ്ടിക്കാട്ടിയായിരുന്നു അറസ്റ്റ് .
Click it and Unblock the Notifications
Sign in with Google