സുരേഷ് ഗോപിക്ക് കൊടുത്ത സമ്മാനം വെളിപ്പെടുത്തി ടിഎന് പ്രതാപന്; മോഹന്ലാലും അമ്മയും വന്ന പരിപാടി...
തൃശൂര്: തൃശൂര് ലോക്സഭാ മണ്ഡലം ഇത്തവണ ശക്തമായ ത്രികോണ മല്സരത്തിനാണ് ഒരുങ്ങുന്നത്. ബിജെപി സ്ഥാനാര്ഥിയായി സുരേഷ് ഗോപി, യുഡിഎഫ് സ്ഥാനാര്ഥിയായി സിറ്റിങ് എംപി ടിഎന് പ്രതാപന്, എല്ഡിഎഫ് സ്ഥാനാര്ഥിയായി സിപിഐയുടെ വിഎസ് സുനില് കുമാര് എന്നിവരാണ് കളത്തിലിറങ്ങുക എന്നാണ് ഇതുവരെയുള്ള വിവരം.
വരുന്ന ലോക്സഭാ തിരഞ്ഞെടുപ്പില് ബിജെപി ഏറ്റവും പ്രതീക്ഷ വച്ചുപുലര്ത്തുന്ന മണ്ഡലമാണ് തൃശൂര്. കഴിഞ്ഞ തിരഞ്ഞെടുപ്പില് തിരുവനന്തപുരമാണ് കൂടുതല് പ്രതീക്ഷയുണ്ടായിരുന്നത്. ഇത്തവണ പ്രധാനമന്ത്രി നരേന്ദ്ര മോദിയും ആഭ്യന്തരമന്ത്രി അമിത് ഷായുമെല്ലാം തൃശൂരില് ആഴ്ചകള്ക്ക് മുമ്പേ എത്തിയത് മണ്ഡലത്തിന് ബിജെപി നല്കുന്ന പ്രാധാന്യമാണ് കാണിക്കുന്നത്.
മൂന്ന് പ്രമുഖര് മല്സരിക്കുന്ന മണ്ഡലമായതിനാല് വരുന്ന തിരഞ്ഞെടുപ്പില് തൃശൂര് തന്നെയാകും കേരളത്തില് ശ്രദ്ധിക്കപ്പെടുന്ന മണ്ഡലം. ടിഎന് പ്രതാപനും വിഎസ് സുനില് കുമാറും മല്സരിച്ചാല് മതനിരപേക്ഷ വോട്ടുകള് ഭിന്നിക്കുകയും സുരേഷ് ഗോപിക്ക് വിജയിക്കാന് കളമൊരുങ്ങുകയും ചെയ്യുമെന്ന നിരീക്ഷണവുമുണ്ട്. അതിനിടെയാണ് സുരേഷ് ഗോപിക്ക് തിരിച്ചടിയായി ചില നേതാക്കളുടെ ക്രൈസ്തവ വിരുദ്ധ പ്രസ്താവനയുണ്ടായത്.
ഈ പ്രസ്താവന തന്നെയാണ് കോണ്ഗ്രസും സിപിഐയും തൃശൂരില് പ്രധാന ആയുധമാക്കുന്നത്. പള്ളികളിലും ചര്ച്ചുകളിലും അവകാശവാദമുന്നയിക്കാന് ആരെയും അനുവദിക്കരുത് എന്ന് ഇരുപാര്ട്ടികളും പറയുന്നു. പാലയൂര് പള്ളിയും പുത്തന്പള്ളിയും സംഘപരിവാറിന് വിട്ടുകൊടുക്കില്ലെന്ന് ടിഎന് പ്രതാപന് വ്യക്തമാക്കി. പഴപ്പായസം ഒഴുക്കിയാലും ബിജെപി അക്കൗണ്ട് തുറക്കില്ലെന്നും അദ്ദേഹം പറഞ്ഞു.
അതേസമയം, സിനിമാ നടന് എന്ന നിലയില് സുരേഷ് ഗോപിയോടുള്ള ഇഷ്ടവും താല്പ്പര്യവും പ്രതാപന് എടുത്തു പറഞ്ഞു. മമ്മൂട്ടിയോടും മോഹന്ലാലിനോടും തനിക്ക് അടുത്ത ബന്ധമാണ്. സുരേഷ് ഗോപിയോടും ഇഷ്ടമാണ്. അദ്ദേഹം ഹോളിവുഡ് നടനാകണം എന്നാണ് ആഗ്രഹം. ഒരു നടന് വേണ്ട എല്ലാ ഗുണങ്ങളുമുള്ള വ്യക്തിയാണ് സുരേഷ് ഗോപി എന്നും പ്രതാപന് പറഞ്ഞു.
തന്റെ പുസ്തകങ്ങള് പ്രകാശനം ചെയ്തത് മമ്മൂട്ടിയാണ്. സ്നേഹതീരം പരിപാടിയില് മോഹന്ലാലും അമ്മയും വന്നത് അവരുമായുള്ള അടുപ്പം കൊണ്ടാണ്. ആദ്യമായിട്ടാണ് മോഹന്ലാലിന്റെ അമ്മ പൊതുവേദിയില് മോഹന്ലാലിനൊപ്പം വന്നത്. ഏത് പരിപാടിക്ക് താന് വിളിച്ചാലും മമ്മൂട്ടി വരാറുണ്ട്. സുരേഷ് ഗോപിയുമായും വളരെ അടുപ്പമുണ്ടെന്ന് പ്രതാപന് പറഞ്ഞു.
നാട്ടിക എംഎല്എ ആയിരിക്കുമ്പോള് സുരേഷ് ഗോപിയെ ഞാന് ഒരു പരിപാടിക്ക് കൊണ്ടുവന്നു. നല്ല ചെണ്ട വേണമെന്ന് ആവശ്യപ്പെട്ടപ്പോള് കുട്ടന്മാരാരെ കൊണ്ട് എല്ലാം തികഞ്ഞ ചെണ്ടയുണ്ടാക്കി സമ്മാനിച്ചു. കലാകാരന്മാരോട് എനിക്ക് ബഹുമാനമാണ്. കലാകാരനായ സുരേഷ് ഗോപിയെ ഇഷ്ടപ്പെടുന്നു. അദ്ദേഹത്തിന് ഇനിയും വലിയ പുരസ്കാരങ്ങള് കിട്ടട്ടെ എന്നും പ്രതാപന് ആശംസിച്ചു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google