ഇരട്ടനീതിയുടെ ഇളവുകള്: കേന്ദ്ര- സംസ്ഥാന സര്ക്കാരുകള്ക്കെതിരെ രൂക്ഷ വിമര്ശനവുമായി സത്യദീപം
തിരുവനന്തപുരം: കോവിഡ് പ്രതിരോധത്തിലും പ്രോട്ടോക്കോള് പാലിക്കുന്നതിലും കേന്ദ്ര-സംസ്ഥാന സര്ക്കാരുകള്ക്കെതിരെ രൂക്ഷ വിമര്ശനവുമായി സിറോ മലബാര് സഭയുടെ പ്രസിദ്ധീകരണമായ സത്യദീപം. രാജ്ഭവനിലെ ലളിതമായ ചടങ്ങില് അത്യാവശ്യക്കാരെ മാത്രം ഉള്പ്പെടുത്തി മുഖ്യമന്ത്രിയും മന്ത്രിമാരും ചുമതലയേല്ക്കുന്ന സത്യപ്രതിജ്ഞാ ചടങ്ങ് സംഘടിപ്പിക്കുന്നതാണ് കേരളമെന്ന മരണവീടിന് ഇപ്പോള് നല്ലതെന്നും സത്യദീപം എഡിറ്റോറിയല് അഭിപ്രായപ്പെടുന്നു.
തെരഞ്ഞെടുപ്പുത്സവത്തിന്റെ ഭാഗമായി 'ഉയര്ത്തിക്കെട്ടിയ' കോവിഡ് പതാക ഇപ്പോഴും ഉയരെപ്പറക്കുമ്പോള് ലോക്ഡൗണിലൂടെ അകത്തിരിക്കാന് നിര്ബന്ധിതരായ ജനങ്ങള്ക്ക് തെറ്റായ സന്ദേശം നല്കുന്ന ഈ സത്യപ്രതിജ്ഞാഘോഷം മിതമായ ഭാഷയില് പറഞ്ഞാല് അനൗചിത്യമാണ്. 500 പേരെ പങ്കെടുപ്പിച്ച് 'ലളിതമായി'നടത്തുന്ന ചടങ്ങിന്റെ ഭരണഘടനാ ബാധ്യതാന്യായം അരമണിക്കൂറിലേറെ സമയമെടുത്ത് മുഖ്യമന്ത്രി വാര്ത്താ സമ്മേളനത്തില് വിശദീകരിച്ചപ്പോള് ജനങ്ങള്ക്ക് വേഗം 'മനസ്സിലായി', പക്ഷേ, കോവിഡിന് അത് തിരിഞ്ഞോ എന്തോ?-എഡിറ്റോറിയല് വിമര്ശിക്കുന്നു.
മന്ത്രിസഭ സത്യപ്രതിജ്ഞ ചെയ്ത് അധികാരമേല്ക്കാന് ഗവര്ണറും പ്രതിജ്ഞാരജിസ്റ്റര് സൂക്ഷിക്കുന്ന ഉദ്യോഗസ്ഥന് അടക്കമുള്ള ജീവനക്കാരും മാത്രമാണ് അനിവാര്യമെന്നാണ് നിയമവിദഗ്ദ്ധരുടെ അഭിപ്രായം. തെരഞ്ഞെടുക്കപ്പെട്ട എംഎല്എമാരുടെ സാന്നിദ്ധ്യംപോലും അത്യാവശ്യ മില്ല. സുപ്രീംകോടതിയുടെ നാല്പത്തിയെട്ടാം ചീഫ് ജസ്റ്റീസായി എന്.വി. രമണ രാഷ്ട്രപതി ഭവനിലെ അശോകാഹാളില് അധികാരമേറ്റപ്പോള് മുപ്പതില് താഴെപ്പേര് മാത്രമാണ് സന്നിഹിതരായത് എന്ന് മറക്കരുത് മുഖപ്രസംഗത്തില് ഉന്നയിക്കുന്ന.
കേന്ദ്ര സര്ക്കാറിനേയും മുഖ പ്രസംഗത്തിലൂടെ സത്യദീപം വിമര്ശിക്കുന്നു. നിറഞ്ഞു കവിയുന്ന ആശുപത്രികളും ചിതയണയാത്ത ശ്മശാനങ്ങളും ഒഴുകി നടക്കുന്ന മൃതദേഹങ്ങളും ഓക്സിജന്റെ നിറസിലിണ്ടറിനായി കിലോമീറ്റര് നീളുന്ന കാത്തിരിപ്പുകളും, കേവല ദുരന്തമല്ല, മനുഷ്യത്വത്തിനെതിരായ കുറ്റകൃത്യമായിത്തന്നെ തിരിച്ചറിയണമെന്ന് ഉന്നത നീതിപീഠങ്ങള്തന്നെ നിലവിളിക്കുമ്പോഴും, പ്രധാനമന്ത്രിയുടെ വസതിയുള്പ്പെടെയുള്ള 'സെന്ട്രല് വിസ്താ' പദ്ധതിക്ക് ഇളവ് തേടുന്ന ഭരണകൂടം ജനവിരുദ്ധമെന്നതിനപ്പുറം ഭരണമില്ലാത്തതു പോലെ എന്നു തന്നെ ഉറപ്പിച്ച് പറയണം.
മുംബൈയില് ബാര്ഗിലെ ജീവനക്കാരെ രക്ഷിക്കാനുള്ള നാവിക സേനയുടെ ശ്രമം: ചിത്രങ്ങള്
ബജറ്റില് ഉള്പ്പടുത്തിയ 35,000 കോടിയും 'കണക്കില്പ്പെടാത്ത' പി.എം. കെയര് ഫണ്ടും ഉപയോഗിച്ച് ഈ ആരോഗ്യ അടിയന്തിരാവസ്ഥയെ അതിശക്തമായി നേരിടാനുള്ള ആര്ജ്ജവം കേന്ദ്ര സര്ക്കാര് കാണിക്കണമെന്ന പ്രതിപക്ഷ കക്ഷികളുടെ ആവശ്യത്തെ നിരന്തരം അവഗണിക്കുന്ന സര്ക്കാര് ഈ ദുരന്തമുഖത്ത് യഥാര്ത്ഥത്തില് ആരോടൊപ്പമാണെന്നും സത്യദീപം ചോദിക്കുന്നു.
സാരിയില് അതീവ സുന്ദരിയായി ഐശ്വര്യ മേനോന്. വൈറലായ ചിത്രങ്ങള് കാണാം
Click it and Unblock the Notifications
Sign in with Google