ചൂടോട് ചൂട്...; കേരളത്തില് മൂന്ന് ഡിഗ്രി സെല്ഷ്യസ് വരെ താപനില വര്ധിക്കും; മുന്നറിയിപ്പ്
തിരുവനന്തപുരം: സംസ്ഥാനത്ത് ഇന്നും നാളേയും താപനില ഉയരും എന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. സാധാരണയേക്കാള് രണ്ട് ഡിഗ്രി മുതല് മൂന്ന് ഡിഗ്രി സെല്ഷ്യസ് വരെ കൂടുതല് താപനില അനുഭവപ്പെടും എന്നാണ് മുന്നറിയിപ്പില് വ്യക്തമാക്കിയിരിക്കുന്നത്. ഉയര്ന്ന താപനിലയും ഈര്പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയായിരിക്കും അനുഭവപ്പെടുക.
ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും എന്നതിനാല് പൊതുജനങ്ങള്ക്കായി സംസ്ഥാന ദുരന്ത നിവാരണ അതോറിറ്റി മാര്ഗ നിര്ദേശങ്ങള് പുറപ്പെടുവിച്ചു. പരാമവധി നേരിട്ട് വെയില് ഏല്ക്കുന്ന സാഹചര്യം ഒഴിവാക്കണം. ചൂട് കൂടുമ്പോള് ദിവസവും രണ്ട് ലിറ്റര് വെള്ളമെങ്കിലും കുടിക്കണം.
മദ്യം, മസാല ഭക്ഷണം, ജങ്ക് ഫുഡ്, മൈദ, ചൂട് കൂട്ടുന്ന മാംസാഹാരങ്ങള് എന്നിവ ഒഴിവാക്കുക. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങളും പുറത്തിറങ്ങുമ്പോള് പാദരക്ഷകളും ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലത്. ധാരാളം പഴങ്ങളും പച്ചക്കറികളും കഴിക്കുക. ഒആര്എസ് ലായനി, സംഭാരം തുടങ്ങിയവ കുടിക്കുന്നത് നല്ലതാണ്. സ്കൂളുകളില് വിദ്യാര്ത്ഥികള്ക്ക് ശുദ്ധമായ കുടിവെള്ളവും ക്ലാസ് മുറികളില് വായു സഞ്ചാരവും ഉറപ്പാക്കണം.
പരീക്ഷാഹാളുകളിലും ജലലഭ്യത ഉറപ്പാക്കണം. വിദ്യാര്ത്ഥികള്ക്ക് കൂടുതല് വെയിലേല്ക്കുന്ന അസംബ്ലികളും മറ്റ് പരിപാടികളും ഒഴിവാക്കണം. അല്ലെങ്കില് സമയക്രമീകരണം നടത്തണം. അംഗനവാടി കുട്ടികള്ക്ക് ചൂട് ഏല്ക്കാത്ത തരത്തിലുള്ള സംവിധാനം നടപ്പാക്കാന് അതാത് പഞ്ചായത്ത് അധികൃതരും ജീവനക്കാരും ശ്രദ്ധിക്കണം. ഇരുചക്ര വാഹനങ്ങളില് ഓണ്ലൈന് ഭക്ഷണ വിതരണം നടത്തുന്നവര് ഉച്ച സമയത്ത് സുരക്ഷിതരാണെന്ന് അതാത് സ്ഥാപനങ്ങള് ഉറപ്പുവരുത്തണം.
മാധ്യമപ്രവര്ത്തകരും പൊലീസ് ഉദ്യോഗസ്ഥരും പകല് സമയത്ത് കുടകള് ഉപയോഗിക്കുകയും നേരിട്ട് വെയില് ഏല്ക്കാതിരിക്കാന് ശ്രദ്ധിക്കുകയും വേണം. പൊതുപരിപാടികള്, സമ്മേളനങ്ങള് എന്നിവ നടത്തുമ്പോള് പങ്കെടുക്കുന്നവര്ക്ക് ആവശ്യമായ കുടിവെള്ളം, തണല് എന്നിവ ലഭ്യമാണെന്ന് സംഘാടകര് ഉറപ്പുവരുത്തേണ്ടതാണ്. പകല് 11 മുതല് വൈകുന്നേരം 3 വരെ കഴിവതും സമ്മേളനങ്ങള് ഒഴിവാക്കുക.
ചൂട് അധികരിക്കുന്ന സാഹചര്യത്തില് കാട്ടുതീ വ്യാപിക്കാനുള്ള സാധ്യതയുണ്ട്. വനമേഖലയോട് ചേര്ന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങള് ഒഴിവാക്കണം. വനം വകുപ്പിന്റെ നിര്ദേശങ്ങള് കര്ശനമായി പാലിക്കണം. ഉച്ച വെയിലില് കന്നുകാലികളെ മേയാന് വിടുന്നതും മറ്റു വളര്ത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം.
അസ്വസ്ഥകള് അനുഭവപ്പെട്ടാല് ഉടനെ വിശ്രമിക്കുകയും വൈദ്യസഹായം തേടുകയും ചെയ്യുക. കാലാവസ്ഥാ വകുപ്പിന്റെയും ദുരന്ത നിവാരണ അതോറിറ്റിയുടെയും ഔദ്യോഗിക മുന്നറിയിപ്പുകള് ശ്രദ്ധിക്കുകയും അനുസരിക്കുകയും ചെയ്യുക.
Click it and Unblock the Notifications
Sign in with Google